拍拖五週年紀念, 雖已結婚,但點都要慶祝下既! 同老公黎試下香港區既Sunday Brunch~~果真不錯! 佢既野食款式算係比較少, 但重質不重量嘛!
Brunch由11am - 2:30pm, 我地就差唔多十二點去到, 已經有好多人喇, waitress帶咗我地去近窗既位置, 唔錯唔錯~
我地冇揀到任飲香檳個餐, 只係任飲果汁, 就$580 @, 果汁都好多款: 有橙汁、西柚汁、紅蘿蔔汁、奇異果汁、杧果汁、西瓜汁....
見到隔離枱揀咗飲香檳, 待應都refill得好密, 到最後唔知係咪d人飲醉晒, 個個灘晒係梳化, 哈哈~~~

友人是baby fans， 想試好久，所以那天一行四人訂了晚上7：00，但要8:30交枱，冇所謂，開開心心去開餐，

因時間關係，我們快快㸃菜，其實menu選擇不多，如不叫set，只有幾樣野，所以我地每人叫一個set，分別有豬排骨、牛排、意大利飯同黑豚扒，老婆及一友人加錢轉其他凍飲，我和另一友人就要了免費的蜜桃茶，餐湯及牛角包很快就到，因老婆食咩包都要牛油，所以就問他們有否，他們說有，等等⋯⋯⋯⋯⋯⋯五分鐘過去，包都凍了，所以放棄，幸好牛角包都幾好味，

當然飲湯食包不忘傾計，但他們很快就來想收走我未飲完的湯⋯⋯⋯第二個唔掂，飲品上場，但獨欠一柸蜜桃茶，跟他們說欠了一柸，他們說知道，等陣送到，跟住主菜上場，意大利飯冇汁，完全不像樣，但味道還可，牛排在鐵板上近乎全熟，好un, 燒汁又冇咩味，唔太好食，黑豚扒更差，友人只食一半，我地試都唔想試，因它實在dry爆，好彩薯角幾好食，都夠醫肚，其間因老婆食唔曬意大利飯，我只好幫她一把，在我食意大利飯時，他們又想收走我未食完的牛排⋯⋯⋯我只好又叫停，此時已8:00, 我地的主菜已食完，但豬排骨還未到，他們說要等半個鐘，所以我地7:45先追佢，到8:00再追排骨同蜜桃茶，佢地話就快，因太多單，其間很多枱都在追單，不止我地⋯⋯⋯

到8:10友人的排骨終於到了，但蜜桃茶重未到！想點！我想有飲過的人都知這茶只要倒出加冰及一片葉，點解要成個鐘都出唔到！已追過幾個人加經理，但都冇用，夠竟佢地㸃運作架！終於8:20蜜桃茶送到，但同時他們也送上單說已近交枱時間，我即時黑面，你想人點食啊, 8:10 先上個排骨，宜家先上個茶，重要我準時交枱，跟本唔合理，這時友人都沒心情再食，最後我地都準時交枱，他們送上兩張$50 定 $75 coupon 比我地，但要9:30後先可用，送來做咩，再者我地跟本唔會再食佢，所以把它留在枱上算數！

用餐其間，我看到他們最少跌了兩次要給客人的食物，員工的 training 真要改進！唔好問都唔問就收人啲碟！

想當年的華記，有好味的辣汁，每樣餸都做得很好，現在一分為二，倆者都力有不逮

今天六點，我們一行四人來試新開的華記，我叫了三餸面餐，有大腸、咖喱牛栢葉同炸雲呑，加炸雞扒，老婆叫咖喱魷魚、午餐肉同牛肚，媽咪叫大腸，雞翼尖，時菜和豬皮加炸豬扒及豬手，阿公叫羅白牛腩:飯，第一個到是老婆的，沒什麼特別，我的也來了，都幾好因炸雲吞及豬扒分開上，但尹麵太淋，阿公的飯都沒什麼，到媽咪的麵上來就出事了，她的麵只得雞尖及大腸，所以就叫阿姐來，因也忘了叫了多少個餸，只知一定欠了時菜，所以叫她加回，但她先是跟我們說我們沒㸃時菜，要加錢，但我和老婆都見到我媽有寫在order紙上，所以就叫她check單，check完回來她就話我地有叫到菜，但睇唔到，不過你地重有叫豬皮，但賣完，所以菜唔洗再加錢，因單上只計了三餸，最好笑是我媽叫的豬手同豬扒，只來了豬手，我check單後見佢冇計到落單都費事再叫，因寫六樣在單少了三樣，冇豬皮重要講都唔講，收三餸錢只來兩餸，都已經好失望，所以各位在這用餐，記得check 單，

所有食物只有炸雞扒叫好食，其他都不太好，此店以醬油及辣椒油作招牌，但辣椒油沒有渣已覺奇怪，一問之下他們說未番貨，招牌辣椒油店裡是沒有的，去不去試，大家自己想想吧！因太失望，冇心機影相。

有朋友生日,揀咗呢間串燒,見佢食評都不俗,即管黎試下啦~
一早book定枱,不過平日去既話可以唔洗book,因為唔太多人,原來佢一條街有成三個鋪位..........
叫咗好多海鮮......都算鮮味, 但叫肉類個d就麻麻喇,何如牛肉、羊肉串, 仲有牛舌都唔recommend

都幾有係大陸食個種風味, 最後埋單每人$280~~~可以encore

成日都好想試呢間,今日終於有機會,諗住打去book位啦,點知佢話已經full-booking
我死唔忿氣,決定walk-in試下...哈~又比我博到,等都唔洗等就可以入去喇,

打開menu,其實唔算多野食,佢唔係任食的,係逐碟計,平均每碟$49,但一碟都有6-7塊
我地兩個人叫左牛肋肉x2,厚切牛舌,薄切牛舌,一個黑栢業刺身,泡菜玉子沙律,凱撒沙律,牛乳湯烏冬因為掛住食,其它個d冇影到, hehe....

泡菜玉子沙律個玉子我嫌佢唔夠生,流唔到d蛋醬出黎,有d實
牛肋肉都唔錯,不過佢d醬汁就偏淡
最好味係個厚切牛舌,勁juicy~~

最後仲叫埋甜品添
原來佢d甜品都可以燒架整體黎講都算好食~~