大排檔一個，但又對住個海。(雖然個海幾污jo，不過夜晚唔覺既)
其實風味勝於一切~
對得字個海，都係食海鮮嫁啦~
點左椒鹽賴尿蝦同清蒸花蟹。
賴尿蝦幾夠肉，幾新鮮。花蟹原隻蒸好鮮味。
哎多左個菜，一碗賴粉，一支可樂，2個人咁就3百幾蚊了。
以佢D海鮮既新鮮程度黎講，呢個價錢可以接受，會再幫襯~

閒日去西貢食lunch, 人少少, 優優閒閒,
呢間餐廳好match到個mood!

一坐底哎2杯hoegaarden先, 仲附送花生一大桶!! 花生仲好好食天!
不過係bottle黎既, 唔係draught,
因唔係好肚餓, 叫左個Caesar Salad同一個燒雞share,
Salad就一般啦~ 個燒雞就唔錯~
都幾入味, 但肉唔算係好滑,
但D配菜薯條就好好食~

野食雖然唔係特別好,
但本人就鍾意佢個環境! 夠hea呀!

萬濠其實已經食過不下X次,
今日先黎寫個總結既食評!
次次都會食佢個BB乳鴿,
記得頭幾次食, 每次都炸得o岩o岩好,
唔會炸過龍, 一口咬落去好多汁! 十分之好味!!
呢個亦都係我之後再去幫襯既原因之一!
但之後呢, 有時D火候就會過左, 炸內左, 乾身左, 令到隻鴿冇咁多汁,
間唔中會有D失望,
不過, 我欣賞佢食十次, 十次都係真正既BB鴿!!
唔會俾隻老鴿你, 所以就算係炸內左, D肉都唔會鞋到入唔到口,
因為始終隻鴿夠靚!!
亦因為咁, 所以後來間中有失望都會再去!
佢個招牌菜避風塘炒蟹我就冇食過,
因為次次都係2個人去, 怕食唔晒,
但係其他小菜佢亦都做得十分之唔錯,
另外有個油鹽水浸荀殼亦都係我既推介!
要知道荀殼唔係到到有得食, 但肉質真係好滑好正!
佢呢到都唔係日日有嫁! 要撞o岩先有, 但佢整得都十分之好!
要彈就係佢D貝殼類D肉比較削啦~ 即係好似蜆呀東風螺呀果D呢,
佢係整得好食, 但係入果D貨就冇乜肉囉, 食左幾次都係咁,
呢個亦係咁內都冇食過佢個招牌菜避風塘炒蟹既原因, 怕又冇肉呀!
如果入貨果個可以揀D靚野就perfect啦!
實在唔介意俾多少少$$, 最緊要D野正嘛~
但總括黎講, 係一間可以一食再食既小廚黎既!
葵芳黎講, 個人認為係最好食嫁喇!

係老蘭飲完酒, 最鍾意去腐乳通菜粥

水蟹粥 - 食十次, 十次D蟹都有膏, 又有肉地, 真係超正, $56睇落好似好貴, 但食完就知抵食

豬潤粥 - 豬潤粥要好食真係好講技巧, 多數係出面食, D豬潤都煮得太熟, 硬晒, 黃枝記既豬潤粥食過2,3次, 次次都煮到剛剛好, 唔會太熟又唔會生到出血, 真係抵讚

腐乳通菜 - 好鍾意佢D通菜係水貢唔係旱貢, 個人覺得旱貢炒都ok, 不過油菜點都係水貢好食D, 而且佢D腐乳唔知點解, 同出面果D唔同味, 濃好多嫁~

黃枝記已經成為我係老蘭既食堂

今日去左食dinner, 叫左個2人set din

1. 餐湯:
我飲帶子波菜湯, 幾濃郁, 帶子雖然細粒(都預左嫁啦), 不過都有帶子味, 朋友飲意大利菜湯, 佢就話一般, 不過不失

2. 主菜
- 醬汁燒豬仔骨伴薯角, 醬汁ok, 幾夠味, 不過d豬仔骨呢, 就凍既, 只有微溫, d汁就暖暖地, 朋友剛開完OT收工好肚餓, 所以冇換到, 好彩呢個菜唔係一定要熱先好食(當然熱就最好啦)
-波羅火腿辣肉腸厚批, 呢個好得, 熱辣辣, 仲有個底夠鬆, 個邊夠脆, 個邊皮到仲加左D芝士焗, 好似人地芝士條包個面焗到脆卜卜D芝士咁, 少少地唔會太漏, 又夠香!

3. 餐飲
熱咖啡, 為呢餐畫上完美句號, 咖啡夠香, 最抵讚係奶係熱既, 而家除左高級酒店之外, 好少可以係出面街既餐廳飲到配熱奶既熱咖啡, 話明熱咖啡, 加D凍既奶落去, 熱都變凍啦!

4. 服務
4張2人台併埋, 8人台, 入面坐左一家3口, 我地2個人, 坐最外面果張, 側邊果張吉既, 侍應送上餐湯, 因為調味料放左係最入面果張台(仲要靠牆), 於是我叫個侍應俾糊椒粉我, 佢竟然指住入面D調味料, 話"果到有", 下? 唔係嘛? 你當我係十兄弟, 隻手可以申到去3張台咁遠呀? 好彩佢都知衰, 即刻SAY SORRY話拎俾我地, 不過個經理仲醒, 企係隔離聽到, 好快手已經連鹽, 芝士粉同辣椒仔都一次過拎晒黎, 唉, 我都唔知應該用服務差定用蠢黎形容果個侍應, 唯有當佢蠢囉!