好耐以前係銅鑼灣食過新彊菜，不過好貴，之後間野搬咗去尖沙咀之後冇再去過，跟住發現巴依都係食新彊菜，一直都好想去試但冇人陪，襯今日母親節搵個借口去試下。。。。　點知。。。。間野好味又抵食。

一黎叫咗四個前菜小點，諗住幾十蚊碟都唔方大碟，再叫多個主菜，三個人應該只係緊緊夠，點知佢地係比足料架。。。。　好彩一齊發揮大食小宇宙。。。。　食晒抱住個肚走。。。

咁耐以來未試過寫食評，直頭係齋講唔做，今日第一次去寺田屋食野，其實附近重有一兩間日本夥都未食過，但係緣份安排入左寺田屋。

入到去覺得有點貴，因為係朋友請有Ｄ唔好意思入左間咁貴既野。（如果ＡＡ或者我請，我可能覺得價錢係正常日本野價錢）

首先叫左個刺身併盤（HK$360)，有一般併盤刺有既三文魚四片，帶子一粒分二，立魚兩片，跟都係第一次食既秋刀魚六片（刺身第一次食），池魚（因為撈咗薑蔥，所以第一次，好味），唔知咩蝦刺身（有好多綠色既蝦子），重有一隻燒過下既魚（第一次食燒過既魚刺身係咁好味）。。。　成個刺身我都覺得好正，而且好鮮，雖然之前痾左幾日，但今次簡直抱著痾死把就，點都要食架喇。。。　好彩我真係唔理咁多，食左先算，如果唔係錯過Ｄ咁好食又咁鮮既刺身。

之後個姐姐仔好禮貌咁問，如果蝦頭既蝦膏怕腥可以幫我地炸咗佢，咁唔駛拎去炸吖，炸咗好好味。

我地重叫咗牛舌同炸雞件，兩樣都唔錯。（因為朋友請，所以唔敢叫野，等比錢巴叫算喇）

因為有無敵景，所以要求坐露台位可以方便影相，點知曬死咗。如果有下次會去嘆下午茶OR會去影夜景，Lunch 就一定要坐返入面喇，反正都可以出露台影相又唔會騷擾人既。正體食物環境服務都好好，臨走見到人地個high tea 都好美味，下次要試！