Showing 1 to 5 of 220 Reviews | |
小小冷知識,一直都同朋友講去食high tea..high tea..扮貴婦...後尾有次睇電視先知,原來英式黎講,lady們社交活動食既係叫"afternoon tea", 而"high tea"係for d 藍領人士做完工作,下午5點後,係張高台食果d先叫"high tea"...原來係咁...領悟了...  同朋友都去過幾間酒店食"high tea"...成日都話點都要終極去半島食返次...今次我地知係應該叫afternoon tea喇... 星期六黎,知道半島係由兩點開始可以食,同埋係唔接受booking, 老規矩...排隊!!! 我一點半開始去排隊, 一路見龍頭..行行行...前面有大約40人左右, 我剛剛排到去轉角位, 酒店服務員好維持秩序,唔會出現排錯隊或"打佔"情況出現,而且非常好禮貌又好笑容, 一路排都見到不同國家遊客, 前面係韓國人,前前面係日本人,後面係西人,好埋..聽到幾次d人見到條龍都大叫"oh my god "... 我地三點左右有位喇...歷時排左個半鐘, 都係預期之內,好在係室內,有冷氣..又聽到樂隊演奏...但好唔好彩我地被安排果度台係最近條龍,所以坐低所做既一切都會比人望住,太開揚了..但我地都無理..繼續影相..繼續傾計.. 環境黎講,半島係好有古典feel,好classic英倫feel,但由於就係大堂關係, 太多人出出入入, 其實唔靜...台與台之間都有d距離,唔會太密集, 我地當然叫左個tea set食啦...5xx一份, 我叫左latte, 朋友叫cappaccino...本來想叫花茶....好在latte都唔差..個杯好classic... tea set 份量唔算多, 聽話半島既scone最出名最好食...試過...吾...都唔錯, 好香好鬆脆,牛油味唔太濃, 鍾意點奶油多過jam, 有兩件堤子乾,有兩件就剩scone, 本人鍾意剩scone多d...  中間果層都係咸點, 有小青瓜三文治,小焗撻, 類似牛仔肉既小三文治, 小三文魚麥包, 都係一般般,我認為係牛仔肉果個比較好食... 最高果層都係甜品, 有罌粟子牛油蛋糕,一般般...macaron出奇地難食,唔知點解有d"益"味...好怪,食唔落...士多單梨mousse朱古力還可以,同埋有個係梅啫喱vailla cake,都算清清地ok...甜點係成個set最差的... um..睇黎真係食一次已經夠, 我地見識過就算...環境唔夠寧願, 食物一般般...要300蚊位架...其實300蚊可以食lunch or tea buffet..我地到此一遊可以了... Table Wait Time: 90 minute(s)
Spending per head: Approximately HKD300(Tea) Other Ratings:Taste 3 | Environment 3 | Service 4 | Hygiene 4 | Value for Money 3Recommend 0 |
又搵地方同朋友慶祝生日喇,之前一直都想試黎下,終於可以約齊人黎食下,仲係星期一可以用八折coupon,掂啦~ 我地一共七人, 見到個六人餐都唔錯丫,有時多人食飯時就個個你推我拱,唔想揀野食,個餐又岩食..就叫個餐加雞翼就好喇~ 先食左個signature雞翼先, 一碟有6隻,我地叫左兩碟, 可以揀兩種source, 有水牛/他他/蜜糖芥末/農場咁, 我地除左冇叫他他之外都有試,因為他他即係好似沙律醬咁, 雞翼都好大隻,不過炸得比較過火咁, 一望就知好熱氣呢...應該用左不少香料去醃,有少少五香味咁, 初初以為汁係會撈埋d雞翼上,原來係自己點黎食, 水牛少少辣,就稀d...蜜糖芥末較討好,味道易接受,而農場汁就奶白色無乜味...吾, 雞翼無想像中好食...
Wings to go
跟住就係六人餐... 蕃茄忌廉湯, 酸酸地夠蕃茄味,可以醒醒胃食多d野喇... caesar salad, "菜"比較干, 而個汁都比較杰...麻麻 蒜香焗露絲瑪莉燒春雞, 燒春雞黎講都唔算細隻喇, 起碼人人都分到肉食,味道唔錯,蒜香味夠入味,肉質都juicy,薯蓉奶味就重左d...整體都唔錯... 大力水手薄餅, 都係佢地o既招牌, pizza上有兩隻半生熟雞蛋, 切開時蛋汁即必出黎, 又多芝士, 加埋d蛋汁食原來效果都唔錯呀,不過凡地咁多野食,食一塊就夠喇, 幾好呀... 蜜糖燒烤豬肋骨, 黎到見到兩塊正方形咁疊起, 一切開原來好長,好大條...可以有八條,但係太長喇,有d誇張, 味道唔差,不過肉質始終都係凍肉會比較鬆散,勝在用味道撘夠...
 燒春雞同pizza
脆薯角配手指魚, 六人份量六條手指魚, 薯角份量都多, 前菜黎講算大碟啦... 卡邦尼闊條麵, 本身餐唔係,係我要求轉,佢又比...太好了...個卡邦尼唔知點解甜甜地, 夠芝士白汁,係個味甜甜地有d怪, 變返咸d應該會好味得多... 忌廉蕃茄醬配雜錦海鮮意大利飯, 睇個樣淺橙色覺得都好似麻麻,但食落大家都好驚喜話好食,清清蕃茄味, 意大利飯就比一般軟身, 不過個味道真係幾討好,唔錯呀... 甜品係香蕉奶凍, 夠smooth夠奶,不過個香蕉味假左d, 有d似藥水味,可以再做好d....
忌廉蕃茄醬配雜錦海鮮意大利飯
wings kitchen可以再encore丫,本來睇其他食評話lei度比較迫好嘈, 可能我地七個人已經坐左最大果張台,同其他台都有返d距離, 又係平日,所以覺得唔太嘈呀,反而係我地掛住又食又玩最嘈  同平時有返張八折coupon感覺上底d..帶cake黎收30蚊cut cake fee都算make sense,比得過... Spending per head: Approximately HKD185(Dinner) Other Ratings:Taste 4 | Environment 3 | Service 3 | Hygiene 3 | Value for Money 3Recommend 0 |
朋友住麗城果邊,佢話食過一次都唔錯, 對鍾意搵食黎講,知有好地方就會去試試~ 麗城灣景間直係自成一角,係荃灣千色撘的士去,30蚊左右,係圓型商場,由地面一入去成層都係屬於nova, 樓下就係保齡球場,見到環境都幾靜,幾寬敞, 係買飛等waiter拎野食比客人,當日有打黎訂台,好在有book,我地7點幾去到,越夜都越多人黎食,可能係星期五關係,又落雨...加上開始人氣上升...大家都想黎試試... 我地三個人, 但見set dinner唔係太岩食,而menu上都唔算十分多選擇,不過我地一早已經鎖定左食卡邦尼, 最後就只係叫左一個set dinner, 有湯,有沙律,有個豬肉,有餐飲咁...另加一個卡邦尼, 一個pizza同甜品... 店員好nice, 可能果個係老闆娘, 雖然我地只叫一個餐,只有一個湯,但佢竟然好細心咁幫我地分開左三碗,唔使自己分太好了,大家都係飲兩三啖已經夠,係西蘭花忌廉湯, 好creamy,又有西蘭花茸,好香,好味...沙律係parama ham加caesar salad咁,我本身就麻麻地parama ham,剩係食菜同車厘茄,嚐新鮮 main course係...唔記得全名,有三塊煎封既梅頭豬扒咁, 外面煎到好香好乾身, 而入面就唔會話好乾爭爭,不過肉質似平時煲完湯既瘦肉咁,唔肥,一切開就好易散, 同埋都可以唔使好刀,但味道唔錯, 加上佢個汁係近似蜜糖芥末醬, 配菜有焗新鮮薯仔煙肉,生菜同好juicy 既小蕃茄,好味,成個main dish 都唔錯,只係豬既肉質比較鬆散...
set dinner
另外,聽話意粉都係佢地自家做, 我地叫既卡邦尼呢,有隻蛋黃係上面,黎到可以自己撈,外觀會靚d, 同埋亦都為唔食蛋黃既客人著想,唔食可以"潑"走,不過對我鍾意食既卡邦尼黎講,蛋黃應該係熄火之後將蛋汁放係意粉上,用餘溫令蛋汁撈到整熟先叫最正, 我就prefer咁樣好食d, 當意粉送到我地台面再撈時就唔夠熱力去整熟,所以成碟卡邦尼會比較濕d,佢既意粉係自家制關係,唔夠一般既彈牙,煙肉都建議可以煎香d,其實整體都唔錯,賣相係幾好... 而four cheese pizza, 應該有4隻cheese? 好香芝士同茄醬味,厚批唔粉,趁熱食溶溶既芝士好滿足..
pizza
甜品叫左檸檬撻同心太軟配焦糖雪糕, 個檸檬撻整得好靚呀, 好有心機將面頭蛋白霜唧花,再用火槍燒過, 入面檸檬味好夠,酸酸甜甜, 只係撻身牛油味"so"左些少, 心太軟外面比較干, 入面就夠朱古力醬,加上個雪糕好味,平時食開多數都係雲尼拿,而佢係焦糖味,唔錯... 我地三個都係飲花茶,店員好好..幫我地加左一次水, 本身應該係一杯3x蚊, 一壺就貴d, 但佢話叫一杯都夠飲...慢慢嘆下花茶,同朋友係個舒服環境下傾計係快事... nova有VIP制,食滿100儲一個印,夠10個印仔可以做VIP, 好似話會送晚餐咁,都幾好喎..不過岩果邊住客多D,平時都好少入去果頭食, nova係唔錯既cafe,可以hea下..舒服飲杯coffee或花茶, 不過...就偏貴...可能散叫,同咩都試試,關係,三個人食左600蚊了...食物方面又未到超級lam俐,都唔錯架,可以再encore
dessert
Spending per head: Approximately HKD200(Dinner) Other Ratings:Taste 3 | Environment 3 | Service 4 | Hygiene 4 | Value for Money 3Recommend |
經朋友介紹,大家都一齊黎試試...食完第一次之後,我再帶朋友食第二次 第一次,因為無訂台關係,坐左出面,都唔錯,好在天氣唔熱,反而坐出面更舒服, 見chow chow cafe,原來老細真係養左兩過兩隻鬆師狗, cafe入面都有狗狗既大特寫.一隻叫curry,一隻叫pepper,不過有一隻好似已經唔係度,對鍾意狗狗既人黎講,入去食野見到狗狗相會更開心... 可以叫set dinner,或menu上見到其他想食既都可以加錢轉餐, 我好欣賞可以咁樣轉,自由度大d,因為未必次次set dinner都係有自己想食既,更因近期需要戒口關係,牛同海鮮都要暫時分手,今次set dinner就真係唔太岩關係,我另外係menu揀返我最愛卡邦尼轉餐... 湯揀磨蘑忌廉湯,creamy好味,仲有烘熱既芝麻包,沙律係螺肉,不過我無食...同無影相...個湯同包都好味,好鍾意waiter好型咁拎個黑椒電筒出黎幫客人加黑椒...哈哈 我個卡邦尼呢...見到就比較乾,同超多菇,可惜我唔太好食菇,所以將煙肉同意粉食晒, 意粉同煙肉比較硬身, 同個意粉無乜source,係味道就好香,帶蒜香味,可以再多返d蛋汁同芝士會更好,都同老細講意粉比較硬,佢話佢地意粉係會偏向煮得硬身,下次可以同佢地單聲會煮耐少少,好nice丫... 而我第二次呢,坐入面,環境係細,燈光柔和,都都可以靜靜地同朋友傾計食野,叫左個set dinner,有南瓜忌廉湯,都係好creamy,唔錯, main course係加拿大豬鞍架, 個名好似係咁, 稱為"豬扒"先...個豬扒好厚, 咬落好爽口,又香豬味,仲有肉汁架, 好欣賞,係個汁就比較淡d...個豬真係唔錯,下次再有可以encore, 但配菜蓄茄好juicy,係薯蓉就好淡喇...lei 個set din都要180蚊左右...係貴d...不過食得出選材好... 好欣賞餐甜品係有好幾款可以比客人揀, 大約有香蕉奶凍,cream brulee, tiramisu, 朱古力cake咁,上次同今次都係揀左香蕉奶凍,唔錯,好香又滑... 我幾鍾意chow chow cafe,可以再encore, 係覺得元朗黎講,就偏貴啦,不過佢比o既材料都係好既,唔係馬虎,揀野食自由度教大...
卡邦尼
加拿大豬鞍架
Other Ratings:Taste 4 | Environment 3 | Service 3 | Hygiene 3 | Value for Money 3 Recommend 0 |
太多時間係屯門,有時食到唔知食咩好就會搵d新野黎試下...今次就揀lei間拉麵食下... 係pokka集團,入面裝修都有d日本feel... 我唔敢再試d 咩黑蒜湯底,只會揀返豬骨湯覺得會穩陣d...揀左個豚肉拉麵,熱辣辣黎到好心急試下個湯底先,算夠味,不過可以再濃d...麵份量又唔係話好多,可以再彈牙d...糖心蛋都唔錯, 而個豚肉就有d肥膏痴住,又肥又滑...不過一定要咁上下肥既豬肉先會夠香夠琳身,夠入味, 不過都係覺得碗麵成七十幾八十蚊好似細碗左d,可能係又食貴租掛... 另外叫左雞軟骨串食...燒到乾爭爭..硬掘掘...BAD....但叫左個餃子就唔錯,皮薄餡多,夠juicy,好似成差唔多四十蚊先得五隻... 吾,我同我媽媽都話普通,唔係差,但貴左d啦... Spending per head: Approximately HKD130(Dinner) Other Ratings:Taste 3 | Environment 3 | Service 3 | Hygiene 3 | Value for Money 2Recommend 0 |
|
5 First(s)
0 Editor's Choice
12 Recommended
9415 View(s)
2 Favorite Gourmet(s)
15 Fan(s)
Cry 
Editor's Choice Overall Score 
Full View | 
