好耐無寫食評了, 點解又再寫返? 因為尋晚去了呢間新既甜品店, 想比D評語吧~

1個多星期前, 經過了呢間新既甜品店, 本魚估應該開了唔夠一個月吧, 於是尋晚游完水, 一行4人去試下.

大概8點幾, 店內人不是太多, 可能還未到食甜品時間吧, 座下, 望望menu 點了如下:-

1.) 腰果合桃露$16, 樣子夠濃, 但味道一般.

2.) 榛子千層班戟$30, 上枱好細件....餅身唔軟身, 味道一般.

3.) 木槺布甸$24, 味道只有甜味, 無濃厚既忌廉味.....唔, 普通.

4.) 朱古力布朗尼伴雲呢嗱雪糕, 朱古力布朗尼硬身+入口有陣雪味... 不好吃...布朗尼份量超細...唔值$40 ....

總括甜品麻麻地...可能佢地剛開張不久吧, 但班戟 & 布朗尼個價錢真係唔值咁貴....本魚唔會再去食呢....

出世幾日之新粉團=BB - 小小寶已出院, 是日約了表表們去探探小粉團, 定於下午時段, 仲有時間先去修下指甲再過去吧~ 修完甲, 外星人打比我, 做甲關係聽唔到佢電話, 修完後打返比佢, 佢已約了基基+教主去食晏而且教主話去九龍城樂園, 本魚從未去過九龍城..即刻都要去埋一份~~ 等埋day 一齊出發去九龍城了...

一到樂園, 嘩~~好多人...好彩等了一陣就有枱比我地5個人, 坐低即叫野食...因為實太肚餓了~

紅豆冰+沙嗲牛麵加菜, 紅豆冰-紅豆大粒, 有咬口, 沙嗲牛麵, 麵都算彈牙, 而沙嗲牛肉鞋了點...唔夠沙嗲味...

奶茶紅豆冰, 奶茶濃郁, 紅豆夠咬口, 好特別

菠蘿冰, 用上罐頭菠蘿, 無咩特別

特厚西多士, 入面有花生醬再用了3塊包夾一齊炸, 西多士不油膩, 又香口, 真係比較出色既一款食物~

蕃茄炒蛋, 其實教主想要叉燒一丁麵併蕃茄炒蛋, 可惜阿靚姐話唔可以做雙併價, 蕃茄炒蛋要分開叫計小食價, 教主只好分開叫...叉燒一丁麵, 叉燒一般, 而一丁麵煮得剛好, 蕃茄炒蛋好似屋企自己煮個種, 蛋唔會過老+蕃茄仲有汁, 合格既~

三寶飯, 有火腿, 荷包蛋+午餐肉加豉油淋面, 味道一般而已~

總括, 雖然食物一般, 但本魚可以下次帶相公黎飲紅豆冰, 因為相公極愛紅豆冰, 可惜店星期日休息, 唯有搵一個星期六既下午吧.

女友B媽打比本魚, 話女友小魚剛生日喎, 不如約佢出黎一齊食飯, 而且上次3月尾都依家都未見面, 於是訂於是晚飯局.

小魚還未想知食咩好, 打比B媽, B媽話想食放題, 於是本魚去訂位也~ 中環有好幾間的, 原本訂了2間, 但...由於on waiting list...只好再係openrice 做research....

哦? 係openrice 見到新開既金田...食評雖然還少, 但睇相+食評好似幾好, 於是即打去訂位, 好彩有位, 可能太新既關係, 唔算太多人訂位掛...

訂了7點既位, 唔算太full, 一坐低各人即刻攞紙仔寫食物, 是晚點了如下:

剌身類 - 種類算多, 當晚女友們和相公吃了: 三文魚, 赤貝, 三文魚, 甜蝦, 玉子, 吞拿魚背, 八爪魚, 鯛魚, 海螺片, 魷魚. 除了吞拿魚背未溶晒雪之外, 佢地話其他不差

本魚唔吃魚生關係, 專供熟食- 一品料理類- 日式蒸蛋: 細細杯, 仲有的式既匙羹, 賣相已好可愛, 蒸蛋香甜軟滑, 唔錯呢~ 咖哩餃子可以不叫, 因為唔多好食, 粟米粒粒燒用小鐵板上, 濃濃牛油味, 本魚鐘意呢~

燒物類- 鯖魚有點點腥, 燒羊鞍大大件肉多汁, 唔錯, 牛仔肉串燒, 燒得剛好唔過火, 有肉汁, 芝士焗蠔肉細粒, 可以, 燒七味墨魚仔野味, 但喊了DD..

壽司類- 味普通, 可以不點.

炸物類 - 炸蝦天婦羅新鮮炸起, 粉薄, 好味, 甘蝦腐皮卷似茶樓叫既點心, 還可以, 一口芝士好有咬口唔漏, 好味, 而最特別係蕃茄天婦羅粉薄外脆, 內軟, 唔錯呢~

鐵板燒類- 胡麻牛舌軟淋,加上胡麻醬汁, 好味, 薄燒牛肉帶乾身, 蒜片牛柳粒有肉汁, 7成熟, 好味

沙律冷盤類-只叫了一款..蟹籽沙律, 可以用普通黎形容

是日甜品: 係師博整既strawberry mousse, 上面蛋白餅甜(正常的) 而下面既strawberry mousse + chocolate cake 幾好, 味帶少少酸, 可中和返剛材食咁多油膩野, 侍應姐姐話師博日日整唔同既甜品喲. 上

總括食物選擇幾多, 可能新開張既關係, 人客不算太多, 食物味道可以, 希望餐廳努力keep 住水準啦~

打令令一早安排好呢個生日party, 仲叫我地千其唔好同壽星仔講, 因為要玩驚喜~

打令令問本魚去邊樹食好, 壽星仔超愛吃泰式生蝦, 打令令本打算去九龍城食泰菜, 但是晚星期六, 而且唔想係環境太嘈既情況下慶祝, 於是打令令係openrice search, 比佢搵到呢間位於cwb泰式私房菜, 仲可以訂一間房比我地喲~

當晚打令令叫本魚+其他人早D上去, 因為安排另類birthday cake = 泰式生蝦製成的, 叫本魚安排~ 壽星仔一到步見我地4位已坐係到已好開心, 本魚+打令令即叫侍應姐姐送上特製birthday cake, 嘩~~壽星仔開心C了...

講返當晚食了咩:

birthday cake = 泰式生蝦, 本魚唔吃, 聽其他人講蝦夠大隻, 味算鮮, 肉都彈牙, 點既汁都幾辣, 唔差.

和泰居拼盤(春卷、串燒、蝦餅, 豬頸肉, + 鴨胸卷) - 新鮮炸起之春卷+蝦餅, 春卷唔太特別, 蝦餅, 咬一口, 唔..真材實料有好多蝦肉, 但入面淋淋, 打得唔夠彈牙, 串燒, 乾了少少, 但用黎點既沙嗲醬不錯, 夠濃, 豬頸肉入口爽脆, 鴨胸卷唔太特別

甜柚子沙律 - 可要求辣or 走辣, 見佢地吃見生蝦既一味辣, 叫返個甜既中和一下...汁甜甜地, 柚子無苦味, 加上一粒粒花生係面, 很有咬口...

泰式鳳爪- 夠入味, 夠辣, 但唔夠冰凍, 如果再雪返耐少少時間, 一定好味好多

東陰公 - 酸度+辣度剛好, 材料也足...本魚飲了2小碗呢~

啤沙雞 - 用生菜葉包以上既配料- 無骨雞件, 柚子, 紅洋蔥, 米線+薑粒黎吃, 份料少了點, 雞件嫩滑, 味道方面, 同柚子沙律既味道差唔多.

泰式明爐魚窩(烏頭) - 除了烏頭魚之外, 窩入面仲有配料如菜, 豆腐, 金菇等, 湯頭味道同東陰公差唔多, 只不過係酸度+辣度少過東陰公, 而魚肉算嫩滑, 都幾大窩, 如果人唔夠多..唔好叫呀~

泰皇雞 - 雞味有, 肉嫩滑, 齋食雞唔點汁, 似我地平時食個D鹽水雞味呢~

炒芥蘭苗 - 惹味鮮嫩, 炒出黎好翠綠無青菜, 好味~!

甜品拼盤- 有紅豆糕, 粟米糕, 南瓜凍糕,+ 芒果糯米飯 (黑&白糯米), 紅豆糕有點點酸...仲以為係變了...即刻問侍應姐姐, 佢話係咁架, 可能係椰汁令到有D酸味... 都係第一次吃...而粟米糕, 呢樣好味, 有粒粒粟米之餘同椰汁味好夾~ 南瓜凍糕, 係迷你版南瓜釀有冰糕, 本魚唔喜歡南瓜無食, 但聽其他講太甜了...芒果糯米飯, 好吃, 糯米煮到夠軟, 加上椰汁, 好味~

總括食物可以, 服務很好, 而佢地有一間房, 最適合一班人聚會~

是晚同相公拍拖去, 已一早booked 了IFC 睇葉問2, 但睇完後食咩晚餐好呢? 相公離不開...triple o's, 本魚心想..又triple o's? 好彩睇戲前2日, 報紙既副刊介紹呢間burgers, 睇完報導後覺可以一試, 於是即刻比條link 相公望望, 而佢都話好, 去試下, 於是~~~ 當晚9:20p.m. 睇完戲再由IFC 行上雲咸街了~

因為星期5既關係餐廳都幾多人, 好彩有位, 坐低, manager 即刻比2份menu 我地望下, menu 上有單點, 汽水套餐, 和啤酒套餐, 於是我倆點了如下:-

soup of the day- New England Clam Chowder, 我地叫了2份burgers 後, 發現板上寫呢款湯~ 自從本魚教了相公飲呢個湯後, 變了相公既至愛, 因為本魚係外國成日飲架... 講返個湯, manager 好細心地分開2小碗比我地, 湯味道鮮味, 有咬口=幾多料, 湯夠濃郁, 好飲呢~

- 相公耳其羊肉漢堡套餐 (包一杯汽水+薯條) - 而薯條新鮮炸起, 好味~ 羊肉扒配羊奶芝士、紅椒及薄荷乳酪, 羊肉扒夠香, 咬落多汁, + 加上羊奶芝士, 相公話正, 如唔食得羶, 就唔好叫呢款了, 反而相公極為喜歡, 不過有一點, 相公話要拎走塊薄荷葉, 因為連埋塊葉一齊咬, 味道怪怪.

意大利牛肉漢堡啤酒套餐 (包一杯啤酒+薯條) - 烤牛肉漢堡配mozzarella cheese, 及蕃茄醬(pasta sauce) ,咬一口, 肉汁從包既另一面流出, 雖然肉汁多, 但牛肉漢堡有點點硬, 可能煮得過火少少, 下次叫餐廳唔好整咁熟可能仲正~

總括服務很好, 食物唔差, 環境適合3, 5 知己坐低飲下啤酒傾下計咬下burgers, 我倆走時, manager 問我地會唔會再返去食, 本魚講為了clam chowder , 一定會~