在海港城行街街, 很累, food court full哂, 唔想等, 見到玄拉麵有位, 又掛住張日本人的poster好似好正宗咁, 就坐下試下.

食物:
要了 玄級豬骨拉麵, 將招牌押上, 應該掂啦.
但事實並唔係咁,
湯淡,薄, 唔多似食緊豬骨湯.
麵過淋, 已經無哂咬口, 份量偏少, 男生應該食唔飽.
叉燒肥肉佔了90%, 我不是豬油fans, 唔啱我...

環境:
海港城的food court , 快廳格局的四人座, 叫做行到累可以坐下. 談不上舒適.

服務:
自己購票, 自己取食物, 都無咩好評.

衛生:
正常

這個價錢可以更好.

2:30 行入去, 看看餐牌假日原來沒有下午茶, 還要加一. 心想不打緊. 有嘢食就得.
阿姐話要點心就快一點叫, 師傅要收工.
跟住, 發現大概有一半的點心都已經沒有供應.
心裡已經涼了半截. 食物都要等一等的, 但不見佳處.

2:45, 伙計關了電視, 查問可唔可以開番, 答覆是老闆規定的. 之後冷氣也細了很多, 唔肯定係唔係熄咗. 真係唔多明, 開部電視要你幾多電. 而且客人開聲要求, 還是堅拒, 真係唔知咩叫服務.

3:00, 食物都未食完, 就有人過來話要收錢先. 火都嚟. 你間嘢, 完全唔係做生意. 你有last order, 你要落埸, 點解2:30那時唔講? 等人坐下了, 開哂茶, 你就關這個, 關那個, 又咩都話無得賣, 迫你快D走.

30分鐘就被迫走人. 以要收茶錢, 加一, 無下午茶時段, 又無服務計, 一點也不像在飲茶. 去飲茶就係想坐得耐一點, 傾下計.咁趕我不如去食老麥. 人地仲唔駛收加一茶錢.

最好笑, 比錢時, 個收銀話, 3點點心師傅收工, 但廚部有師傅, 可以點那些. 既然你3點後都唔係關門, 咁為咩人客還在進食, 就吹人比錢.

咁嘅服務, 以後都唔會再去.

在領匯接手後, 好多屋邨特色都慢慢失去了. 這些舊式茶記愈來愈少. 做的都是街坊生意. 食物都是經濟實惠唯主.
從伙計們的制服看得出他們 經驗豐富, 從油跡斑斕可想而知.
下午茶時間, 午餐還在供應, 也吃不了這麼多, 選了沙律餐. 雞扒, 煎雙蛋, 午油方包, 沙律, 加上凍咖啡很豐富.
雞扒皮脆多汁無雪味, 正.
煎蛋油咗少少, 不過太陽雙黃夾在午油方包, 非常滋味.
沙律是薯仔, 紅蘿蔔 不是罐頭貨, 有誠意.
凍咖啡夠濃滑, 不過對我來說勁咗d, 攪到晚上好精神...

新商場The ONE開張, 走去看看, 好多舖都未開, 唯獨食店已營業. 金寶這個名字已經聽了很久, 但未有機會去九龍城試, 見在 THE One有分店, 本人都幾喜歡海南鷄飯. 就試試看. 點了招牌dish 醬爆蝦丸, 泰式海南鷄飯. 一個人很豐富了.

奇怪的事情發生, 鷄飯先來... 點睇炸蝦丸都係前菜, 係唔係應該先上, 之後先來個飯呢. 30分鐘之後醬爆蝦丸才出現. 這個安排真係好差, 類似情況亦發生在另一枱客.

講番食物, 泰式海南鷄飯原來不會跟黑豉油, 鷄的份量夠, 仲係樣樣都有, 鷄胸,鷄翼,鷄脾. 最好食係翼, 有啫喱呢! 係鷄胸鞋少少.

油飯就重香料味多過鷄油味, 唔知係唔係泰式的關係.

醬爆蝦丸, 令人超失望的食物, 像飲宴食的炸蝦球, 體積比想像中的大, $60 四粒, $15 一粒, 但全部都炸過火, 乾乾硬硬的, 更沒爆醬. 不及格. 招牌菜, 真的拆招牌. 去街邊吉魚蛋, 一定更滿足.

服務生較生手, 但態度良好, 有求必應, 係慢d咁. 不收加一, 埋單約一百元, 不便宜. 新店子好多方面都要改善, 烹調, 服務, 上菜安排...

um....... 我想都係去返九龍城總店好一些吧
喊面主要因為那個蝦丸...

這間在紅磡區的小店, 門外掛著年宵的塑膠雞蛋仔, 好易認.
menu好簡單, 但要每樣最得好, 也不是人人能做到. 在舊區價錢也較相宜.

爐灶- 不是炭爐. 今時今日, 要申請一個室內炭爐的牌照, 投資將會是天文數字. 小店如何能負擔. 相信幾年後炭燒雞蛋仔將會絕跡. 雖說是電爐, 店主的巧手, 精確的時間掌握, 味道, 口感也是數一數二的.

吉蒂貓紙盒有咩用呢?
想要雞蛋仔外脆內軟, 風箱這一環節不可少. 風箱不美, 以吉蒂貓佈置, 可見店主的心思.

粒粒朱古力
坊間一般將朱古力漿與蛋漿混和, 但粒粒朱古力雞蛋仔, 就係用加入朱古力小粒入內, 造到心太軟的效果. 正! 一定要襯熱食!
蛋味算是幾好, 始終不及小時候吃的, 以前也提過, 這是材料問題, 大量生產的後果. 所以在這兒食到的已經是很好的.
口感外脆內軟, 個人不喜歡那些一味得個脆字的雞蛋仔. 這個蛋心, 好像食緊小型蒸蛋糕咁.

如果想食蛋味濃一點的, 原味會啱你. 如果喜歡朱古力的, 不能錯過粒粒朱古力.
夾餅也是美味, 但一個人食, 可能會膩一點.

我在等夾餅的時候, 見佢調較雞蛋仔的蛋漿, 和店主訴說現在的雞蛋質素不及從前, 他也同意, 他用的雞蛋己經過細心挑選, 選一些蛋味較濃的品種. 真材實料, 份量夠, 好抵食.

所有食品即叫即製, 所以要等上好一陣子.