好耐冇寫過開飯食評喇，今次再寫，簡簡單單概括咁講一講啦。
味道普遍不錯，基本上每樣放入口既，都好新鮮既。我地點左韮菜餃, 黑松露雲吞, 肥牛, 白菜, 小唐菜，炸魚皮，豬皮,豬紅，雞子，鵝腸, 墨魚丸, 響鈴，支竹等等。我地冇叫好多種類既野，但不停ENCORE 黑松露雲吞同牛肉。雲吞又真係好香喎，出面食唔到呢隻味道既雲吞，真係值得一試。炸魚皮好薄好鬆化，冇多餘既粉，都好好味呀。其他野都幾好味啦，但講唔上好深刻印象或有乜特別。

要一提既係佢既侍應都好有禮貌, 又會不時拿個"喱"幫我地隔走啲油。其中一位女侍應係新黎既，我地問佢有乜菜，佢就答唔到我地，但一路傻笑，話自己新黎幾日, 幾天真可愛既，唔熟地頭, 但勝在笑容搭夠！

一行九人都飲左幾打啤酒，埋單每位唔駛三百, 感覺坐得舒服, 服務唔錯，野食好味，都一定會再幫襯呀！不過其實呢間鋪頭主打俾海鮮既, 我地冇叫乜野貴野, 先可以呢個價埋單啦！如果想試佢既刺身打邊爐, 價錢當然會成番正比啦！

讚

食物質素有保證，份量大，味道好，品質高，絶不馬虎上枱
我地ORDER 左既有:

面包-------五個人，佢俾左五個面包，一個深啡色，兩個白包，兩個MUFFIN，MUFFIN 當然出名好味架啦！但我地只係兩個分五個人食，其實我記得以前我都會問佢拿多個MUFFIN，今次冇問，因為我地都食晒包籃全部包，費事冇胃口食其他野。

凱撒雞沙律------雞鮮嫰唔鞋，沙律既菜都好新鮮！好爽口。份量都夠我地五個人食。

焗薯皮-----好CHEESY，但係薯皮都幾薄，大份一D 會好D！佢既醬係SOUR SAUCE....有些餐廳薯皮用BLUE CHEESE 醬....仲正！佢冇BACON 0係面，唔夠香口喇！
半份BABY RIBS--------份量好好，有六條RIB，味道好甜，好好味。肉質都好好，唔會烤到老晒淋晒，仲可以"齒"開D 肉，仲有嫰既感覺，而家好少西餐廳做到呢種質素，入味但唔老！
海鮮煨意大利飯--------蕃茄汁的一個像湯飯一般的飯。味道好鮮甜，材料加入了好多CHERRY TOMATO。但飯既份量太少！我地點了一份既份量，我諗如果點半份既份量，應該每人都食唔到幾多粒意大利飯。
唔知乜野蝴蝶粉---------好似冇乜料既，唔記得左係乜野，但只記得好多OLIVE OIL，仲有好多香草，好香既，好好味。
意大利雲吞--------入面裝滿CHEEZE.....味道我覺得一般. 外面太多好味既意大利雲吞！感覺好單簿，唔吸引。
CARROT CAKE-----------有人生日，所以免費。這個CAKE 真係太甜喇！但好多料！勁多WALNUT 同埋RAISIN！其實如果有咖啡應該可以中和番！整既時候可以落少一半糖既話，味道應該仲清香！
蘋果批-------一條條蘋果0係入面，唔太淋，少少爽口，我覺得好好味！不過好得意！個賣相係好似整好左個批之後左襟扁左佢咁！個批上既時候係散既，我第一次見！會唔會係有些特別食法呢？唔明，唔知，但味道好好！

彈
@侍應唔太專業，首先一位後生男侍應SERVE 我地，佢只會斟水。當然，我地明白新人既難處，絶對唔係話投訴，但又真係問佢野既話，佢會好難答到我地。當時我地食完一輪野，想再拿個餐牌睇下有乜野點，我諗住呢條簡單問題，佢應該唔會為難，點知，原來佢唔太清楚去邊拿餐牌，佢就問一位短髮姐姐，可能短髮姐姐唔太好老脾，就破口大駡那後生侍應！" 我而家八隻手呀？點幫你攞！" 但我地就坐0係隔離，咁樣鬧新人點都唔0岩！我地覺得我地有D 累左哥哥仔，但，如果餐廳主管可以俾員工多點訓練同指引，最基本有可能客人會問既問題都應該教佢地點反應會好一D。

@侍應唔細心，另一位高瘦既哥哥，本身佢都OK，撇開0個晚每個侍應都不停走來走去好忙咁，想叫都好難黎講，呢位哥哥都回應左我地既訴求，幫我地影左相，都唔錯。但係，當我地食完第一ROUND 之後，哥哥就當住我地全部人，問我地蛋糕係咪黎得？哇！好尷尬LAW！本身諗住係驚喜黎嘛！全枱人都扮無表情，但就只係佢一句話，就將我一個驚喜破壞晒喇！不過我又明白好難怪佢，佢唔知幾時問我地，又唔知問邊個，佢又以為我地食完野！唔知我地繼續叫主菜！一個誤會黎既。

@冷氣太凍！我地坐最入既四人枱加凳。0個個位真係凍到好似去左北極咁，一路食野一路打冷震！而且佢地SERVE 既係冰水，仲係杯杯水都至少有幾粒冰，真係冷得我滕滕震，真係凍到我入呀呀心..........咁凍，搞到心情極其差！基本上都好想快D走，笑都笑唔出啦！

@環境太逼！因為BOOK 枱時佢已講話佢俾四人枱加張凳俾我地，但隔離枱原來又係四人枱加凳，加凳位既兩個人背對背！真係好逼好窄...兩張枱既兩個加凳位都好慘！

點了的食品:

冬瓜盅-------特惠價38蚊！好抵食！唔係好多料，但淨係食瓜肉都抵！好清甜。一盅有六碗。
生0者穗香雞--------算係咁多味餸入面最有味既一碟，但都係算啖。但我個人都覺得好味道，外面食野乜都濃味，難得呢度食野有味，但唔會食到好濟既感覺。
客家煎釀豆腐------都係偏淡，肉係好細塊，感覺比較"DRY"，絶唔係啖啖肉既感覺。我個人較喜歡肉感一點，肉可以厚點會好一點。
雲耳脆瓜炒藕片------------呢味餸有紅辣椒煮，清淡得黎辣辣地，都幾惹味！藕片好爽！正！
海鮮賽磅蟹------------比想像中冇咁滑，呢個冇乜特別，下次唔會叫。味道依然係一貫作風，淡！
濃湯瑤柱鮮菌菜苗------------好家常既一個菜。有些翠肉瓜，都OK 啦。
砵仔蒸飯-------------賣相特別，食落冇乜特別。
半打蓮蓉蟠桃--------------超抵食！25蚊可以有半打！食完咸野想食下甜野既食家可以點啦！大大個...唔係細個0個D呀！當然唔好預佢有蛋黃，係冇既！
杏仁茶---------稀稀的！味道又好啖！連甜品都好有營！
芝麻糊---------我沒有吃，聽朋友講都只係粉開既質素，12蚊係咁上下啦！
桂花榚---------我也沒有吃，但看外表好似麻麻，好透明，即係冇乜特別用料！
圓肉茶----------好多圓肉，但呢個好甜，好煻水味，淡D好一點！
楊枝金露-------朋友沒有任何一句COMMENT，無可奉告。

總括而言，所有野偏淡，但唔代表唔好，因為食完完全唔會覺得好想飲水，唔會渴到不得了咁！果然係唔會死落難落鹽同味精！鍾意食清淡野既人應該會好欣賞。

點左
炒年糕---------------煙UN，少辣，因為太肚餓，見到D野太好食，真係唔想影相喇！味道真係好好，仲有豆乾一齊炒！
炸醬面---------------又係好味！真係唔識點講，黑色既醬，撈埋D 面"雪雪"聲就索晒入口食！好味！又唔覺得好油好肥，入唔到口！但炸醬係咪冇肉既呢？佢真係得D 醬。
海鮮湯拉面---------有好多料，最多係魷魚，食極都仲有，仲有好多蝦！個湯清清地，我食左咁多重味精既野，呢個相對淡口好多，我自己覺得一般啦！我覺得食韓國野要食D 重味既野先過足癮！
自助斟水-----------其實都幾好！唔駛唔好意思麻煩到人嘛！
自助買票加拿餐------------買票後拿舊會播歌既東西回座位，好快佢就會唱歌，跟住就可以去櫃面拿野食喇！

唔想下下食太多野，黎呢度可以低消費食韓國野呀！當然，唔好預每樣野好平！但總算豐儉由人！

偶然行經呢間鋪頭，唔知點解見到門口就想入去食。坐低左之後點左羊肉KEBAB, 魚肉KEBAB, 同埋希臘沙律。野飲有芒果LASSI。羊肉KEBAB好有羊酥味，好好味，羊肉肥瘦適中，瘦中帶少少肥，可以令羊肉又香，又唔會鞋！好好食呀！醬汁唔太多，剛剛好。至於魚肉KEBAB 一樣好好味道，魚肉好似炸過外面，薄薄的又脆脆的。味道少少咸，調味好適中。份量方面，食一條KEBAB 基本上已唔會肚餓。但羊肉KEBAB 賣60蚊，我覺得都係貴左DD，但依然大把人排隊食噃，因為好味道。魚肉KEBAB 就平一點，但都好似55蚊。講下個GREEK SALAD, 有COTTON CHEESE(如果我冇錯既話), 同埋OLIVE, 好新鮮既蔬菜，四十幾蚊，都幾好味。但DRESSING 略嫌多得濟，少番D 會好D！
MANGO LASSI 都幾好味，不過呢樣野飲就度度都唔會整得差既！

總括黎講好好味！會再黎食！