好耐冇寫過食評，今次出手實在因為氣難平。我唔明白點解會有人覺得抵食囉~作為一家五星級既酒店，收得六百幾蚊，點解可以俾啲咁既貨色人食囉。單係見到佢碟Wasabi 就知出事喇，竟然係用開粉既Wasabi，難晒大譜，同元氣有乜分別先！
刺身主要係得4款大路野，三文魚, 吞拿魚, 劍魚腩, 甜蝦；另外，仲有一隻碟先得一片既小海膽，同埋蟹腳，真係火都泥埋！最離譜係話說有三款軍艦壽司係任點任食既，竟然三款元氣壽司，芥末魷魚，辣吞拿魚...，又有三款即叫即製手卷，當中一味係帶子手卷，估唔到佢地cheap 到用尾指頭size既柱貝做哩個手卷，同樣貨色既向元氣賣緊20蚊一件！
最後係主菜三款，其中一味係拉麵，我地就點左喜之次，仲衰！人間珍味俾佢地整到又鞋又軔，想點呀！？埋單七百數一位架大佬！回水！！！回水！！！

哩餐都要算係我平生暫時食過最貴既一餐晏仔，連加一位位$570，半自助式頭盤甜品餐酒果汁無限任食，Parma ham任食，配多片燒菠蘿，絕對係我既賣飛佛啦！食完頭盤，再泥一客龍蝦湯，真係未飲過喧 好味既龍蝦湯囉！啖啖龍蝦肉，爽口彈牙，又係正！主菜當然係燒烤靚扒啦！是日我叫左一客Sirloin Steak 8oz medium，入口軟綿，又嫩又juicy，勁好味！甜品仲有心太軟既buffet 版，真係襯到絕！食完哩餐真係飽足一日，晚餐都慳埋！諗諗下都係泥食午餐好，足足有成日俾你慢慢消化，咁就唔怕肥啦！

最近la Brasseire 推出左個任點任食的promotion，個人認為無論質量同賣相，跟本同平時食buffet冇分別，價錢又係平時buffet價，反而食品既種類仲要左好多添，所以好唔掂，牛柳係全熟既肉質好鞋，羊扒每個order得一塊，亦唔係乜野好貨色。好搵笨！我建議佢地不如main course唔好玩任食啦，正正經經俾番平日既貨色出泥，起碼大家都可以試到佢地既手勢，以家做埋d任點任食，但係出品同隔離coffee mill既就無分別，仲學人收咁貴，離晒大譜！仲要cut埋hsbc卡優惠添！

早幾日同朋友幫襯，一時貪方便，就叫左個套餐左加散叫幾味。個4人套餐都唔平折實$799，有鹹豬手，炸蝦意粉，羊柳，同魚柳飯，又有湯又有沙律，仲有甜唔添，不過除左碟豬手係招牌菜之外，其餘都係交行貨，流過茶餐廳，碟青衣魚柳飯賣相同味道跟本就係大家樂貨色，連跟餐甜品都差過人，認真唔掂檔！計落條數唔單止冇平，咁既貨色其實仲貴左！反觀其餘散叫食物，碟碟都有版有眼，好好味喎！點解會咁呢？唔想俾優惠咪唔好俾囉，做乜做到咁cheap 0者，唔使趕走班citi客囉！唯一可除既優惠，係飲品買一送一，$48有兩杯特飲都ok既！

平時食西餐都不外乎法國、意大利、美國，墨西哥餐真係好少食，哩間新開既墨西哥餐廳仲要係走高檔fine dining路線就更少，一心只諗住泥試下新野，預佢唔方好食，點知又出奇不意到0岩口味喎！哩到既午餐$128+10%，distill water要收$8，醒目如我叫左杯熱水點知今次竟然要收成$10仲蝕！不過好在佢地有前菜送，就係3色Nachos，好味！
不過講番個set lunch一共3個 course再包餐飲，沙律或湯 + 主菜 + 甜品，全部自己向餐牌各任點一款，擺明就係當做tasting menu，搏你食過好野夜晚再泥，我當然叫D貴菜試下啦，今就點左sirloin steak in 7 chili oil $225，朋友叫左份King Prawn，甜品就點左chocolate roll 同埋Banana Tacos。先係泥份大蝦，嘩兩大隻老虎真係唔講得笑，碟邊盛滿一遍黃色既油，起初仲以為好辣，食落又係算喎仲好惹味添，當然對一眾OL泥講個碟油都幾嚇人架，我份牛扒須然叫左medium，但係由於太薄所以都係全熟，不過一D都唔軔，應該係用左d辣油去煎，非常惹味，個人認為係西餐中少有既味道，感覺有D似避風塘既辣炒風味，但又絕對唔係鼓油西餐喎！加上餐廳裝修高雅值得一試！不過甜品就麻麻地喇，太甜之餘卷皮又太軔，下次千祈咪試哩兩款喇！