久仰大名的博洛尼亞，終於第一次光顧。我地點左2個星級晚餐組合，有餐湯+81層多士+自選主菜組合+甜品+餐茶。

餐湯唔錯，而81層多士真係好好味!好鬆軟!羊扒+忌廉蟹肉意粉+香脆番薯條:
羊扒一般，反而忌廉蟹肉意粉同番薯條有意外驚喜! 蟹肉意粉份量少少地，但竟然有好多蟹肉，番薯條就超好味，未食完已經諗定下次要再點佢。西冷牛扒+芝士焗帆立貝+蔬菜:
牛扒素質差，唔值呢個價。芝士焗帆立貝普普通通。蔬菜只有豆，甘筍仔同粟米粒，份量少，似伴碟蔬菜。總括而言，主菜扒類比較失，下次唔好點扒類做主打。

沙田瀝源商場既新店。星期六既中午12點幾，店內客人只有小貓幾隻，我和友人抱住一試無妨既心態第一次光顧。

我地叫左Lunch Set：
1) 魚生飯：用料充足，味道OK，好快上菜。
2) 吉列豬扒烏冬：因為豬扒係即炸，所以等得比較耐，d 豬扒熱辣辣， 又唔會太多粉，正！至於烏冬就普普通通，無咩特別。

食物OK，但飲品唔得，熱奶茶&凍檸茶都達唔到正常水平。
我地食食下就開始多人，走既時候仲接近滿座。

日本野黎講算係抵食，又唔駛等位，下次再黎！

今天經過屯門,見到開了麵屋武蔵,於是便立即一試, 6時15分拿了48號的飛,當時也是叫到13號,想不到過了15分鐘左右便可以進去了,很時高興。
叫了兩碗拉麵,一碗豚角白武骨,一碗叉燒白武骨。
它沒有了其他店可以選不同硬度,油分的選擇,小了一點體貼。
味道方面,湯底好像只有油味,豬骨味道偏淡,加上拉麵便有點像油麵,雖然有生蔥及菜,但味道仍是偏無味...而蛋亦很可惜不是糖心。雖然也是日本的過江龍,也沒有豚王,一風堂的美味。
吃到最後,沒有了那種想將湯底一喝再喝的衝動...
不過值得一提的是服務很好,加水很快,會提示小心碗熱,很是細心。

$68團購9月既時候買落......到宜家1月先黎食......有前菜X1+主菜X1+甜品X1+餐飲X1......無咩期望......但估唔到連食飽個肚都做唔到......

以下係我同友人既晚餐:

黑松露野菌湯: 個湯味道唔錯......一口牛&牛肋骨: 少得可憐......(我以為自己去左小人國)......好鍾意有食評家形容一口牛=方糖大細......Exactly!!! 完全認同......但都算有牛味&夠淋......焦糖燉蛋&奶凍: 成個set當中份量最大既......味道幾好......

餐飲: 我既凍檸茶...好難飲...

呢度環境一流......但食物味道OK......份量超超超超超超少......好彩我只係用團購價......

而服務都唔好掂......侍應成日唔見人......上菜又慢......我地一開始叫佢立即上埋餐飲......結果我地食哂所有野......再問左2次先有餐飲......
$68都係錢......如果我早知係咁......留返d錢黎食3個麥當當餐仲好

P.S.: 唔好以為因為團購......所以食物份量先咁少......大家可以參考下其他用正價光顧既食評......

焗蜜桃叉燒飯
無見過咁特別既焗飯/燒味飯....但同事介紹就試下啦....

叉燒夠淋又有蜜味....焗飯個汁好甜好好味....加上蜜桃....總括黎講....呢個係一個甜得剛剛好既飯! 真係好好味!!!
$52包一杯餐飲....正常太興價....

但服務就好一般....D侍應態度麻麻地....