突然做個有文化o既人...去左葵青劇院睇現代舞
久未踏足呢個地方...有d擔心冇啖好食
估唔到呢邊一樣有好野食...真係有d臥虎藏龍o既感覺

廚師西冷扒餐 $76
羊扒配薯蓉餐 $88
加配美食
炸大花蝦 $15 一隻 x 2
香煎鵝肝 $19 一件 x 2
焗田螺 $16

眼見叫扒餐...可以無限添加美食...真係超級o岩心意
扒類就冇咩大期望...都係想食d小吃...真係超抵食
講一講個湯同d餐包先...竟然有牛尾湯...可惜將收舖賣晒啦
羅宋湯其實都唔錯o既...下次有機會一定要試下個牛尾湯
只係餐包...竟然勁認真整左d蒜蓉包
唔係普通蒜蓉包...係有香草...超多蒜泥o既
每件烤到香脆...好好食選左個廚師西冷...估佢唔到咁大件
厚切...就黎大過隻碟...幾鬼誇張
最鍾意有肥膏邊o既牛扒...呢件有成邊都係肥...爽呀
肉質唔錯...唔係鬆散o個種...係唔好彩咁o岩有條筋o係中間...難咬d羊扒原來係羊架...好o岩心水
想要mint jelly...佢竟然有個獨特薄荷汁...未見過...唔知自家製定特選o既
淡黃色o既...雖然唔係想像中咁...少左薄荷味...但欣賞佢o既獨特品味
羊扒肥瘦適中...唔太熟...鬆化得黎有咬口...好味

大花蝦冇諗過係原隻炸...但想像唔到竟然咁新鮮
呢隻蝦自己買都唔平...值回票價啦
蝦頭有膏...蝦肉爽彈...鮮甜到爆香煎鵝肝好有heart...仲加配一塊脆多士
唔care係鵝定鴨...因為依家每間餐廳都係當同一樣野咁賣
品質本身唔錯...有香味有油份
食落去味道夠...加配多士仲出色
只係煎得乾左d...唔係會仲好焗田螺勁想encore...好彩叫到last一碟...唔係就錯過左樣美食
田螺唔係入左殼...但個賣相一樣見得人
薯蓉壓榨成花狀...幾有心思
意料唔到咁精彩...薯蓉香濃幼滑...重忌廉味...好正呢度有個特色...如果揀露天茶座係任飲飲品同任食雪糕
唔知有幾多款可以揀...但都已經係好吸引o既安排

食左一餐好暢快o既晚餐...如果有時間真係想無限添加
小吃動人...令人難忘
原來真係要走遍大地...才找到出眾的一群
將來還是要多走走~~~

講開行過葵芳...點都要入新都會走一圈o既
變左好多...多左好多店舖同餐廳
行到中間好搞笑...有d小食店
離遠嗅到有炸雞扒香味...引到我行埋去

文華雞飯...聽到個個人都讚好
之前食過一次感覺良好...係唔錯嫁wo...可惜今次令人有d失望
至少之前有特色有自家風味先...今日變得普通起來

可能團購累事啦...一係d雞整唔切...太趕出唔到好貨
一係就係價錢問題...令人感覺冇咁好
因為平時有個特餐...四十幾蚊又有湯又可以加八蚊要細肉骨茶
細肉骨茶(加左價變加十蚊)
依家要用團購...竟然只可以選普通餐...成六十八蚊一個
咁即係團購左都係唔抵...俾正價仲爽快
算啦...錢事少...食左先講

肉骨茶(細)
燒雞海南雞飯
白雞海南雞飯

先黎個清雞湯...ok好味
個肉骨茶唔算油...看似幾香濃
飲落唔係想像中咁醇...偏咸左少少
我咁鍾意重味濃味都話咸...就真係咸左d嫁啦
肉骨茶係最愛湯款之一...所以都係飲晒以前試過個燒雞飯好喜歡...個皮輕脆
味道獨特幾有趣嫁...一試就愛上...唔再想食白雞
今次d皮軟晒...俾d汁浸到冇晒彈性
勁點個黑豉油之下...有陣怪味
原來愈食愈覺得個黑豉油煮重左酒味...蓋左本身o既甜味白雞海南雞味道正常...皮還算爽脆
雞肉o鞋唔o鞋睇位置囉...雞脾位就好d
油飯都算乾身...反而感覺少左d油...多d仲吸引黑豉油係精髓...食海南雞飯點少得嫁
雖然見到好多人都唔多點呢個醬...當普通雞咁食
但每個國家都有食海南雞o既特製醬汁...一定要食埋先夠正宗
呢方面要注意啦...煮黑豉油要認真d...要試足味
唔係就幾好o既海南雞都會晒左...冇晒應有o既味道

德藝會舉辦的星級試食會菜色設計有趣...令人期待
「夏至．清新粵菜經典」主題切合炎熱o既夏天...解暑一流
勁開心收到消息有得參加試食會...好彩啱啱趕得到番香港
o個日搭完十幾個鐘頭機...一落機就去試食...正呀！

今次試食好特別...真係有錢都未必食到
因為德藝會係私人會所...會員先可以去玩去食野
我想參觀好耐架喇...好野

好...今次試食係夏天為題的清新fusion菜

香芒沙律船
頭盤係芒果雜果沙律...開胃至啱
火龍果同蟹籽就分開放...有蟹籽即刻突出晒...好味
不過我o個兩塊芒果就酸左d...要留意下燒汁海參條
一黎到已經好香...好有鑊氣
除左海參仲有蓮藕條...蜜糖豆...黃椒...紅椒...矮瓜...賣相夠顏色
海參夠稔夠味...蓮藕好爽好好食消暑佛跳牆
呢個係...極級足料o既佛跳牆
每一碗都有齊魚翅...海參...花膠...響螺...d料仲多過d湯
大廚好細心諗埋天氣...特登唔落金華火腿
反而用竹蔗茅根...馬蹄...咁夏天飲都唔怕躁啦
湯渣仲有雞腳...冬菇...瘦肉...超級滿足

七喜開左咁多年...都唔係食過好多次...呢間分店都係第一次
唔係講笑...一隔就隔左咁多年冇再黎過
以前個印象就普通啦...今次感覺幾好
出面同入面都坐到爆晒...好彩等左一等就有位

白灼螺片
生滾豬膶粥
金針雲耳蒸田雞

白灼螺片先$50一碟...好抵食喎
其實見到白灼...樣樣都想叫...樣樣都想試
白灼配埋d辣椒蔥花豉油實在係絕配...簡直完美
當然...都要睇d豉油如何
呢度d豉油太咸...甜d就正好多
如果用埋少少指天辣辣辣地...就仲爽
初初以為螺片係白螺片...唔知係原隻螺頭切片
成碟滿晒螺片肉...食極都食唔完...因為都要少少牙力o既
幾有彈力幾堅韌...幾有趣o既
不過唔似白螺片咁軟綿咁滑...唔同風味囉
白灼牛肉通常都好正...下次要試埋剩係食過佢d雞粥...未試過其他料
發現食雞粥有少少錯...d雞整到個粥底油左d俗左d
原來個粥底咁清甜...幾有水準嫁
以前d雞油破壞晒個粥...試唔真個粥底添
豬膶厚切...冇問題啦...唔過熟...好嫩好好食金針雲耳蒸田雞上枱已經覺得好吸引...陣陣香味撲埋黎
金針係咸左少少...但食落幾甘
以為會係清蒸...竟然額外落多左d蒜蓉
其實唔落清新d仲好...不過依家都好味
蒸o既時間岩岩好...呢樣最考廚師功夫嫁啦
依家舊舊田雞都仲好嫩滑...個田雞本身好新鮮好甜呢度岩晒同d朋友黎食幾味...飲番幾杯
得閒都call齊人腳黎開餐先