Showing 1 to 5 of 5 Reviews | |
首先睇吓環境先.
閒日去,好清靜.
其實個場好細,所以如果full house應該幾嘈.好在我同honey閒日去就覺得氣氛幾浪漫呀.加上日落景色,直頭要唱首夕陽醉了...... 奢侈地散叫.未上個湯,侍應就比咗d餐包我地.嘩熱辣辣,脆卜卜的皮,軟熟的包.好鍾意.  仲可再添食,不過我怕食飽個肚就冇再要喇. 沙拉: 黑松露蟹籽吞拿魚他他沙拉, 小小的黑松露,香氣撲鼻,帶出吞拿魚他他及蟹籽鮮味.沙律菜十分新鮮,份量十足,very yummy!!! 唔知點解湯仲未到就黎咗白酒煮法國藍青口. 呢個over cooked, no good, 嘥咗個青口同d$$$$!  終於黎個鮮蠔濃湯喇! 我地慳家,二人share一個湯,但餐廳好好,居然幫我地將湯分兩隻碟上. 份量ok. 個味道好鮮甜濃郁,仲有隻蠔添.like ten times! 主菜黎喇! 第一個係澳洲神戶和牛. 居然over cooked.同普通牛排冇分別.  第二個主菜係羊架.呢個意外地十分嫩滑香口.好好味.  兩個主菜嘅配菜係完全一樣嘅.雖然好食,但冇創意  最後甜品係心太軟配雪糕,做到熱辣辣,中間流心外皮乾身.very good  第8張相片冇得upload, 大家睇其他人嘅食評應會見到嘅. 整體而言,環境同服務都好好,食物質素都好但主廚嘅技巧要磨練吓喇.因價錢唔平,食客當然要求高而穩定嘅水準啦! Table Wait Time: 0 minute(s)
Date of Visit: May 16, 2012 Spending per head: Approximately HKD550(Dinner) Other Ratings:Taste 4 | Environment 4 | Service 4 | Hygiene 4 | Value for Money 2Recommend 0 |
閒日去食加上book咗位,所以一去到就有梳化位喇.不過張梳化太林,所以坐得有d唔舒服,但餐廳整體氣氛寧靜舒服(不過可能因為係閒日). 一開始我就飲湯食飽先.當日有2款湯: 1 雞絲斑cake清湯 2西蘭花忌簾湯. 前者太古怪,飲咗後者.有我喜愛的黑芝麻餐飽,仲有個旋轉烤爐整熱食,good. 湯的味道一般,賣相麻麻.
賣相麻麻,味道一般
但係後來侍應送上的蒜蓉多士十分好味,可能因為新鮮造.
 忍不住吃了兩大塊呀!
冷盤方面有幾款沙律,鮮果,cold cut,凍蝦及青口.
沙律一般但新鮮.
特別要讚青口及蝦,好新鮮.平時唔多食青口嘅我都被佢嘅鮮味引我食咗幾隻, 黑椒燒牛肉都好好味,好嫩好有牛味. 呢個餐包3杯drinks,第一杯可飲酒.我倆都要了杯白酒.唔識品酒但覺好順喉.二人浪漫時刻有杯酒在手特別lum呀 到主角石頭燒出場喇!!! 我要咗羊同龍蝦,我honey要西冷牛排同龍蝦.
有油彈上黎,手振影得唔好,sorry
侍應好細心教我地點燒,仲有一條好認真嘅圍裙比的地,令我呢個一向無飯嘅主婦都認真下廚嘞.估唔倒塊石頭真係幾熱wor,影幾張相姐,件羊就由6成熟變8成熟嘞,好在都十分好味.我的咀尖老公大讚食材好新鮮,唔落調味都好鮮味.
yummy!!!
不過我好鍾意濃味野.餐廳有個自製嘅"賓尼醬"(香草牛油蛋黃醬)好香好好味.不過同龍蝦唔夾,同牛就好d.除此之外,仲可去buffet枱取其他汁,如黑椒,雜菌,黑車厘,茄汁......,我覺得雜菌汁最正啊. 主菜後叫第二杯drink,竟然有鮮窄雪梨汁.good 試吓熱暈但冇咩食,試吓有個雜菜千層,又有驚喜wor! 有d白烚蔬菜,適合我愛健康的口味,蔬菜本身都好甜.老公就no comment嘞. 最後係甜品,都算多款,但味道一般.較鍾意芒果moouse cake及cheese cake. 最後飲杯餐茶,個肚完全fill up 嘞. 今次主要想食石頭燒,食材優質,以呢個價錢係ok嘅. Table Wait Time: 0 minute(s)
Date of Visit: Mar 21, 2012 Occasion: Anniversary Spending per head: Approximately HKD370(Dinner) Other Ratings:Taste 4 | Environment 4 | Service 4 | Hygiene 4 | Value for Money 3Recommend 0 |
最近愛上high tea,因為夠嘆，又唔會好似食buffet咁難為自己個胃．難得有機會同摯友慶生，所以諗住試試呢間高評價ｄ嘅酒店．冇得book枱係我覺得最唔似樣嘅地方．５星酒店，點可以要客人排隊攞位咁肉酸 好在我去果日係閒日，所以２：３０去到大把位，亦冇咩遊客，所以十分清靜 座位非常寛敞，一個人可以坐張３人大梳化，真係梳乎到我想瞓落去．惟一唔好係冇cushion,條腰冇咁舒服．但一望眼前無敵大維港的景色，就真係賞心悅目．
陽光太猛落個半透明簾，真細心．
有靚景當然要配美食啦．我地２人就要咗個tea set for 2 persons. 飲品我點了法國茶Marco Polo.原以為是清茶，但原來跟奶的．先喝口清茶，一股barries的香味使我醉心了－－是女孩子的茶． 試加奶喝，還是不加的好，因茶味較淡所以只喝到奶味．
Marco Polo
Tea Set到喇，你睇個樣幾靚，仲跟牛油味及提子味scone及earl grey啫喱芝士杯呢 咸點:  蟹肉三文治:- 有蟹肉鮮味, good 燒牛肉三文治 - 小小一片燒牛肉已有香濃牛肉味,大愛 黑松露奶油卷 - 覺得味道有d怪, 唔多like 火腿芝士三文治 - 一般啦,好難會唔好食嘅. 甜點: 檸檬tart - 皮好薄,好脆,涵幾酸,如留在最後食會好d 栗子蛋糕 - 不太甜,重栗子味,好鍾意 榛子朱古力truffle - 嘩!好好味呀!!香濃朱古力中有濃郁榛子味,加上一層薄脆.....好想買個大蛋糕! :士多啤梨蛋糕 - 係慕士蛋糕,個底竟有d芝麻,甜中帶香十分夾,有新意又好味. 鳳梨puff - 個cream好清新,好味 earl grey jelly 芝士杯 - 好滑溜,好香芝士味,like爆! scone - 太飽,只食咗牛油味.strawberry jam不太特別,呢樣覺得文華嘅rose strawberry jam好d 總括而言呢度嘅食物水準,服務及環境好令人滿意,價錢當然唔係平,但如你有三兩知己一齊邊食邊談心幾個鐘,咁就十分抵喇 Table Wait Time: 0 minute(s)
Date of Visit: Jan 19, 2012 Occasion: Birthday Spending per head: Approximately HKD235(Tea) Other Ratings:Taste 5 | Environment 4 | Service 4 | Hygiene 4 | Value for Money 3Recommend |
慶祝紀念日,當然要搵間舒適的餐廳慢慢嘆啦!所以我地搵咗呢間出名嘅大酒店試試佢出名嘅High Tea. 第一次去Clipper Lounge,有d詫異佢個位置---其實係走廊通道擺d枱,果然係Lounge.好在係閒日而我地又預早2星期book枱,所以有窗邊位,氣氛好好多 叫咗個High Tea for 2 Persons. 最上層係三文治: 火腿2款,煙三文魚,Cream Cheese 青瓜 ----都算好味道,但唔覺好特別. 中層係酥皮鹹點: 貝殼形椰絲酥餅,煙肉蛋撻,菠菜酥,香腸酥皮卷---都係一般,菠菜酥最鬆化, 下層係甜點: 朱古力蛋糕,覆盆子吉士撻,檸檬cream牛油cup cake,招牌American Cheese Cake---吉士撻及cup cake一般,但真係好鍾意香濃的朱古力蛋糕配趣米餅底.文華芝士餅亦名不虛傳.稍軟身但有香濃芝士味的蛋糕配藍莓醬,一流. 另外送上的鬆餅配Clotted Cream及Rose Strawberry Jam---嘩!好好味.  鬆餅微暖,jam帶著甜甜花香,好吃到已飽著肚亦唔忍心剩底佢.不過真係幾大個,我老公食飽午飯就食唔晒.
包住唔怕凍親.
牛油味scone可配多d jam,提子味可落少d
其實仲另上兩件雲石蛋糕但就好實嘅,得個甜字唔好食. 一邊食一邊飲花茶真係好嘆!我點了Taste of Legend係文華的house tea,帶著很清的花香,我十分喜歡,但老公試咗啖就話啱女仔口味.佢叫咗regular coffee,我唔識飲咖啡但覺得好香亦順喉.最開心係不斷有侍應refill.
呢個配搭非常好呀!
服務方面,侍應都有禮貌,經常會主動refill茶水,都有番高級酒店嘅風範.不過令我最唔鍾意係呢個for two嘅tea只有方飽三文治有兩份,其他都係一款一份,想樣樣試就要自己切開share,顯得好小家.其實如能每樣兩件,慳皮可細件d,咁至似樣.(如果唔係同老公/close friend食,我真係唔好意思件件砌一半.整體而言係ok質素,我會鍾意Ritz Carlton的high tea 多d. Recommended Dish(es):
Scone with rose jam,朱古力蛋糕 Table Wait Time: 0 minute(s)
Date of Visit: Dec 21, 2011 Occasion: Anniversary Spending per head: Approximately HKD250(Tea) Other Ratings:Taste 4 | Environment 3 | Service 4 | Hygiene 4 | Value for Money 2Recommend 0 |
睇倒咁多好評,而我同老公都鍾意食海鮮except生蠔,於是就試吓呢度嘅buffet啦! 環境方面, 大廳正中嘅花園式設計好有睇頭,加上一大棵聖誕樹吊起高空,的確幾靚.可惜全場滿座好鬼嘈,d座位之間都好窄,張椅又唔夠大,實在冇酒店吃飯嘅舒適.放食物的地方亦好細,d野擺得好密,d客攞食物就成日迫埋一齊,好多時要排隊. 講番食物啦. 第一輪: 餐湯 周打海鮮湯: 味道跟一般的忌簾湯差不多,但有好多海鮮,如蜆肉,蝦,魚肉,唔錯 鯊魚骨豬骨燉湯: 好香,有鯊魚骨味,好好飲 第二輪: 凍海鮮 呢一round相當失望,因海鮮用料麻麻,又不太新鮮 麵包蟹: 食咗一啖,好勁雪味,加上d肉好鞋,放棄... 長腳蟹: 肉質尚可,算新鮮但太細隻,食到我好冇瘾,好在honey幫我去殼我先有一條肉食. 青口: 第一次攞就新鮮,第二次就唔得 凍蝦: d肉林林地,食咗兩隻就收手 凍三點蟹: 鮮甜d但又係好細隻 第三輪: 熱食 其實都有好多款但我冇試晒,以下係我試咗嘅  串燒: 牛脷好林好味, 蕃茄好鮮甜 燒牛肉: 好重牛味但肉質有d鞋,7成熟,我鍾意 荷葉蟹飯: : 呢個好驚喜,d蟹好鮮味又大隻d,飯都好香荷葉味. 石斑: 有點蒸過火,不算好滑,只算ok 即煎鵝肝: 外脆內軟滑,伴有多士及藍梅/柚子醋汁,能解油膩感覺,好味 其他食物如咖哩,燒味,海南雞....冇試,要留肚. 第四輪: 刺身 刺身: 三文魚切到一舊舊, 又有d凍得濟d肉冇咗鮮味, 吞拿魚又係咁, 吞拿魚腩有好多筋, 好在都算香, 冇再添食 火灼壽司: 要咗三文魚 & 玻璃蝦,後者好好味,蝦肉彈牙,配少少沙律醬好好味. 第五輪: 烚海鮮 有喇沙 或 魚湯, 我要咗魚湯. 海鮮我選扇貝,貴妃蜆,蟹, 以為會用魚湯滾我d海鮮,但原來係用滾水烚完海鮮後加魚湯,有d失望,雖然海鮮同湯都好鮮甜,但兩樣野好似各自精彩咁.如果一齊煮肯定超好味. 第六輪: 甜品 此店甜品享負盛名,我亦是Tony Wong Fans.主廚雖往矣,但甜品仍不失所望. Blueberry Cheesecake: 芝士味適中,好滑,blueberry不太甜,好配合的味道 Chocolate Truffle Cake: 我的最愛.非常香濃朱古力味,mousse好滑,不太甜,(但我更愛Tony Wong的黑朱古力味 ) 焦糖吉士布甸: 稍甜但有焦糖及旦香,好ok Tiramisu: 好滑,但較多旦糕而太少酒味, 一般而已 黑森李旦糕: 好好味,小小一件都食倒大粒車厘子,仲好有rum酒味,我好鍾意 芒果mousse cake: 呢個一般 Macaroon: 個餅有少少杏仁味但不同顏色都一樣味 斑蘭味pancake: 我配菠蘿及h牌芒果雪芭及士多啤梨雪糕, 又冷又熱咁非常好味 最後一杯熱檸茶作結. 呢間食店的侍應都算殷勤,不過客人多佢地就手忙腳亂咁,最差係食物唔會成日refill,例如烚海鮮到8點幾已有晒,我老公都有烚蟹食lu.果汁汽水任飲要加$30又冇一早講,我攞果汁時根本睇唔倒佢個花呢碌嘅指示牌,番埋位飲咗啖至黎話我知,想唔加錢都唔得啦.好在有信用卡8折咋.總括而言,佢嘅食物係ok level,甜品幫咗佢唔少,但整體服務真係唔似大酒店. Table Wait Time: 0 minute(s)
Date of Visit: Dec 07, 2011 Occasion: Anniversary Spending per head: Approximately HKD480(Dinner) Dining Offers: Credit Card Offers Other Ratings:Taste 3 | Environment 3 | Service 4 | Hygiene 4 | Value for Money 3Recommend 0 |
|
0 First(s)
0 Editor's Choice
1 Recommended
1240 View(s)
0 Favorite Gourmet(s)
0 Fan(s)
Cry 
Editor's Choice Overall Score 
Full View | 
.%20%E4%B8%80%E9%96%8B%E5%A7%8B%E6%88%91%E5%B0%B1%E9%A3%B2%E6%B9%AF%E9%A3%9F%E9%A3%BD%E5%85%88.%E7%95%B6%E6%97%A5%E6%9C%892%E6%AC%BE%E6%B9%AF%3A%201%20%E9%9B%9E%E7%B5%B2%E6%96%91cake%E6%B8%85%E6%B9%AF%202%E8%A5%BF%E8%98%AD%E8%8A%B1%E5%BF%8C%E7%B0%BE%E6%B9%AF.%20%E5%89%8D...&screenshot=http%3A%2F%2Fstatic2.orstatic.com%2FUserPhoto%2Fphoto%2F0%2F1F%2F000A2S3F2C253C6C2B19C6s.jpg "Share with Messenger")
