三八龍門郊遊徑之前, 先去川龍村彩龍茶樓飲茶儲彈藥.

仍然係自助開茶, 可惜原來有好多種點心都要假日先會有得野食, 仲因為時間唔早, 無得玩自助取點心, 竟然要寫點心紙, 不過都差不多全點了.

後加碟菜田油菜最快到, 香蒜蒸排骨睇落乾mun mun, 原來都幾滑, 香滑麻蓉包普普通通, 四寶滑雞扎+秘製鮮蝦餃+香蒸馬拉糕+蟹皇蒸燒賣+蠔油鮮竹卷+蠔皇义燒包+山水蒸豆腐都幾唔錯, 山竹牛肉球好正, d 肉係咪手跺嘅呢, 不過無影到添, 豉椒蒸鳳爪就麻麻地, 甩皮甩骨兼唔入味, 雖然阿姐及阿叔都話燒腩係好野呢架, 都考慮了很久, 終於拍了板, 估唔到的燒腩啊, 好彩無走寶, 肉好味 皮好鬆脆. 總共食了12籠+2碟, $200幾蚊咋

食飽飽就出發行山啦.

死啦, 佢剛被 so good 吹捧完, 就算把鬼好食都通常被大眾去追捧到排長龍, 稍為好食嘅又以為自始無敵開始跌watt, 希望呢間唔好受佢影響啦!!!

係柴灣, 仲係篤篤的小西灣, 難得有似樣的星馬食物, 入去食嘢就算啦, 因為地方真係坐得幾迫.

薄餅好普通下次可以唔食, 個雞腳撈粗麵就確係幾入味, 有款咸魚仔炒芽菜幾正幾惹味架, 我哋用佢撈落d 粗麵到食, 味道好夾都幾好味呀, 第一次食魔鬼魚都幾滑幾得意, 不過粒青檸乾mun mun無汁嘅...... 咖喱麵包雞個包又真係幾正, 裡面索晒d 汁但包皮仲係脆嘅, 正 d雞都唔嚡不過就變咗配角囉. 串燒雞及香茅豬扒都合格嘅, 通菜無晒試唔到, 本來想試青蘋果話梅冰, 不過朋友話嘛嘛地, 所以......點解我個山渣冰係冰粒唔係沙冰嚟嘅, 嗚嗚

仲有個奇景就係店舖竟然用燈將'拿督'招牌字投射咗去門口對出天橋條大柱上面, 咁醒整個咁sharp 嘅免費廣告牌, 真醒目.

埋單老板問 d 野啱唔啱食, 咪真係話佢知, 個蠔仔煎蛋可以再好 d, d 蠔仔只搵得到幾粒又唔夠香口. 希望佢keep到水準, 下次仲見到佢.

今日毛毛雨, 成個Lamma少咗好多遊客, 連書蟲都有位, 不過都只係open area 嗰邊有咋, 終於搵到個四眼姐姐仔幫我哋落單.

叫咗個 set 及散叫一款, 係呢邊無人理, 唯有懶 'make yourself at home' feel 自己攞刀义紙巾啦, 又不時掀吓本 menu, 原來要去 cake board 先知有咩 cake食, 又同好 nice的姐姐仔 order件芒果酸奶芝士餅(Mango Yoghurt Cheesecake).

酥炸豆丸配全麥中東包(Organic Falafel w/wholewheat pita bread) d 豆丸炸得硬咗幾嚡口;
全蛋奶素湯(soup of day) 淡淡的有不少豆蓉, 都唔錯; 但garlic banquette就變了garlic toast;
蕎麥麵條沙律(Organic Pasta Salad)有少少辣嘅係個汁而唔係辣椒, 都幾醒胃;
芝味千層素麵配什菜沙律(Green Goddess Lasagne w/fresh salad)好食嘅, 無肉醬咁膩, 幾好;
芒果酸奶芝士餅(Mango Yoghurt Cheesecake)上面淋咗好多芒果醬汁, 唔係太甜又軟又滑, 柸咖啡都係正常的

下次再去一定要坐翻裡面, 環境燈光好feel d, 搵人應該都易 d 掛, 俾加一都順氣 d 咯.

元宵節又去行吓花墟應吓節, 之前就去一點心度醫肚先, 我平時多數閒日仲tea time來, 所以好少見到呢d周日排隊虛'憾'場面, 我次次都只是walk-in就有位, 今次要等30分鐘.

點了鳳爪, 牛栢葉, 四寶雞扎, 皮蛋瘦肉粥, 沙薑雞腳, 精製馬拉糕, kick錯了古法馬蹄糕, 亞姐好醒目的問我是否真的要馬蹄糕, 樣樣都仍是幾好食除了那跌watt四寶滑雞扎, 其中一件好像被人拿了一部分似的, 又少了一隻冬菇添, 舊火腿仲鬼死咁肉酸, 睇到人地隔離枱碟滑雞扎正常地咁靚, 唯有感嘆我地時運低啦, 唔食晒d馬拉糕為了多點一個鮮蝦菜苗餃, 富貴呀, 豆苗近日成百蚊斤架 $14咋, 好味.

雖然咁忙, d亞姐都不斷的自動波添茶, 聽到如果有人叫蛋散, d亞姐就會問要蜜糖定煉奶喎, 以前淨得煉奶加花生, 食過一次就咪搞我lu, 下次試吓先.

時常路經原來已非常出名的小店, 今天慕名而來, 只剩門口露天的小枱有位, 叫了3個 tea set 2個人 share.

我這朱古力怪竟然最喜Tofu cheesecake, 滑而不膩, 反而覺得如果 chocolate mouse cake 再可甜d就好啦, 我覺得我自己一個人都可搞掂晒3件餅喎, 死喇大食症又覆發添.

P.S. 望住但都唔明對面間爛鬼凍串燒點解會咁多人食, 係要用人山人海來形容添喎, 唔通因為只有這一舖有串燒