今日放假 , 為左同媽咪慶祝黎緊星期日嘅母親節 , 所以要請媽咪食野 ~
原本諗住同媽咪嗲啲黎 Saizeriya 堂食 , 但媽咪行路唔方便 , 最後都係外賣自取算 ..
ps. 另外買左 KFC , 所以只係試左呢到兩樣野食。

今日去買之前 , 睇左好多食友嘅介紹 ..
最後揀左 水牛芝士比薩 同 芝士焗薯角 , 果然冇介紹錯呀 !
就黎食完先記得影相 唔好介意 ~雖然材料唔豐富 , 但係味道絕對唔會比某幾間大型 Pizza 店差 ,
芝士味香濃 , 批底質感鬆軟 .. 而且拎到屋企仲係熱辣辣 , 真係 very good !!!
9吋大(分4件) , 夠兩個人食 ; 價錢又平 , 係下午茶精選呀 !另外 芝士焗薯角 都值得推介比大家 ..
白汁芝士 + 薯角 + 煙肉 , 味道豐富 , 亦都幾飽肚 ;
如果薯角脆ｄ, 相信會更加好味。餐廳門口有大大塊餐牌 , 賣相美觀 , 而實物同圖片一樣
唔會好似其他店咁 , 賣相相差大 , 連份量都相差大 。最後埋單$92

餐廳環境會影響食野嘅心情 ~
雖然冇機會入去餐廳裡面 , 但係由外面望入去都一目了然 ,
餐廳分內外兩部份 , 有一塊玻璃相隔 ,
整體環境舒服整齊 , 希望有機會可以入去坐低食野啦 !
好開心有間高質素、價錢平嘅西餐廳 , 相信係天水圍只此一間 ~

第一次寫食評 , 就介紹下呢間店嘅乳酪啦 ~
因為我本身出街食野好少幫ｄ野食影寫真 , 但係果日就忍唔住影左 ..
咁當然唔可以哂左佢啦 , 拎黎同大家分享一下。

講番呢間店嘅乳酪 ~
前日19號同朋友去元朗廣場行街 , 3點幾果陣去左呢到買乳酪 ,
我記得有4種味 : 有原味 , 綠茶 , 朱古力 .. 重有一種就唔記得左啦 !
咁我就揀左綠茶同朱古力味 , 而我朋友就只係揀左朱古力。可能因為我d乳酪加得滿d , 所以價錢係貴過我朋友嘅 ..
我果杯價錢係$32 , 朋友果杯就$20幾 , 不過個價對我黎講都ok
因為我之前去過第2間乳酪店食 , 差唔多嘅份量要成40幾蚊 , 食左都有少少心痛 ..
呢到都算係抵食啦 ~

除左價錢之外 , 我覺得呢間乳酪店最大嘅特色 / 好處係自助式 ,
可以比客人自己拉乳酪 , 靚唔靚係另一件事 ..
重點係客人可以親自去整 , 依自己喜好去加乳酪同配料份量。
如果想杯野靚d , 可以叫果到嘅職員幫你拉乳酪都得 , 我果杯就係職員幫我拉。

離乳酪店冇幾遠有個地方可以比客人去果到坐住食 ~
買完之後 , 我就同朋友去果邊坐 ..
位置都幾好 , 有4個位一檯 , 同埋有2個位一檯 , 我就同朋友坐左得2個位果張。
果到環境又冇另一位食友講得咁污糟 , 只係有一張檯d杯未汁 ..
可能因為果段時間多左學生 , 所以比較忙啦 !
同埋得兩個職員嘅關係 .. 我覺得唔得閒去汁都係情有可原嘅 ~

至於乳酪嘅味道 , 我同朋友都覺得好味
但係朋友就話唔太滑 , 咁我就覺得呢d係乳酪又唔係雪糕 , 唔滑應該都係正常嘅事 ..
我自己就特別鐘意綠茶味 , 綠茶味好濃 , 食完之後個口都留住一陣綠茶香。

整體黎講 , 我覺得呢間乳酪店都幾好 ,
值得推薦比同我一樣鐘意食乳酪+雪糕嘅食友 ^^
聽職員講話會不定期轉味 , 我自己都會再去幫襯 , 希望可以試多d唔同嘅乳酪味 ~