再一次特意到 Rock Dessert 去食甜品, 上一次係新年去試第一次佢地手勢. 今次同女友由荃灣果邊出發, 坐西鐵入元朗, 好快就到, 大約9點半鐘到已經到達佢地門口, 由街望入去, 見到坐滿人! 不過都只係等位等左5分鍾左右就有位, 算唔錯啦.

上次食唔到, 今次女友特選黑白心太軟, 落單後等了15分鐘左右, 一碟有賣相及美味既心太軟就放係我地面前, 用剪去整開塊皮, 朱古力醬馬上流出來, 好濃郁既朱古力味! 很讚! 再配埋綠茶味雪糕, 真係一絕. 講返心太軟既皮, 厚度適中, 食落去有少少麵包的感覺, 不太厚及硬身. 我個人覺得今次既心太軟十分有水準!

而本人就 order 了 VANILLA SKY 由 Mango 雪糕, 和夫, 棉花糖及香蕉做成, 我今次就選 VANILLA 味既雪糕以配合主題, 和夫味道不錯, 而且食落仍有熱量, 應該是新鮮製作! 香蕉成熟程度又適中, 雪糕再配和夫, 我覺得又係一絕. 總括而言, 我都覺得今次 order 既 VANILLA SKY 又可以拎到高分!

朝早趕返工, 去 subway 買個 sub of the day 係一個唔錯既選擇, 星期二, 星期三, 星期四既 sub of the day 係我既首選.

每次我都加菜, 青椒, 洋蔥同埋酸瓜. 再加 sweet onion 醬或者黃芥末醬. $19, 抵食夠健康.

間 shop 既配料每次見都好新鮮, 青菜未見到變黃, 洋蔥, 青椒都新鮮, 食落口, 無怪味. 店員態度都唔錯, 動作夠快, 由我落 order , 選麵包再由佢地放好材料 + 芝士再放落爐整熱, 都好快手. 大約用6分鐘左右就可以拎個麵包走.

店舖環境算乾淨, 雖然舖仔細細, 但佢地勝在有效率, 都唔會覺得好迫.

今次用團購既優惠圈, 去一試南非菜, 由於有訂仆關係, 等位時間係 0 分鐘.

入到去, 受到熱情招待, 十分好招待丫. 衛生情況都唔錯.

菜單, 無得太多選擇, 我同女友分別去試, Babele - 3 款甜馬鈴薯及非洲春卷 - 雞及洋蔥 (有圖,但唔太清楚, 唔好見怪) 味道, 馬鈴薯會比春卷好味. 唔算好熱氣.主菜, 我就選紅燒肋骨配啤酒而女友就選非洲主菜煎魚菜 (有圖睇丫.) 味道呢, 豬仔骨唔錯丫, 好野味. 條魚都好正. 算叫有驚喜!

飲品方面, 我就算左伏特加溝雪碧. 女友就選芝華士溝可樂 (最後係交換飲晒, 無影相)

餐廳係愈夜愈多人, 有非洲鼓表演, 好夠氣氛.整體上, 如果唔係團購, 唔會識去. 至於會唔會再去, 就要睇下有無 discount 啦

同女友去中環朋友既 shop 到試完隱形眼鏡, 完晒都8點幾9點, 又真係好肚餓下, 提議去 SOHO 區食野, 行行下就去到 JASPAS 門口, 女友話間餐廳都算唔錯, 就行入去坐啦, 由於都少少夜, 所以不用等位, 等位時間係 0 分鐘.

坐好左, 女友想食煙三文魚凱撒沙律, 當然唔會令女友失望啦, 睇睇 menu 就搵到有 (全英文 menu) 之後叫左個天使麵加條豬仔骨, 咁就食得好飽了.

煙三文魚凱撒沙律 - 侍應一拎到來, 賣相已經一流, 食落蔬菜十分新鮮, 三文魚大大件, 凱撒沙律汁超好食 (可惜無影到相)

豬仔骨 - 賣相一流, 肉質十分滑, 有肉汁, 味道好讚. (有相)

天使麵 - 天使闊麵, 賣相同之前既一樣有保證, 味道有好濃郁既芝士味. 麵條好滑, 好易入口, 而且仲要係大大碟, 無好似其他既西餐廳咁, 碟大大隻, 但食物就細細碟. (有相)

食飽飽後, 就當然結帳啦, 只係400多元. SOHO 區算唔錯! 有機會都再去.

9月17日, 出完 job 後, 同女友行經銅鑼灣, 想去食下午茶啦, 係智能電話一開, 就見到 e 間 Burgeroom. 由 Causeway Bay MTR 行過去都幾辛苦, 最後都比我地搵到啦, 見到門口無人排, 以為好快, 點知一等就20分鐘了. 在炎炎夏日下等位其實都幾辛苦.

終於入到去啦, 由於我同女友都係第一次去, 由於間鋪頭細既關係, 地方好窄, desk 與 desk 既距離都幾緊. Anyway, 我同女友都接受. 女友就選擇左 Classic Burger + 可樂. 而我就選擇左 Bacon Chicken Burger + 1支 Hoegaarden ... 好熱既情況下飲啖冰凍既啤酒, 真係好正丫.

講返食物, 由於我又唔記得影相, 所以無得睇了, 但有去過既朋友都會知道, 佢地叫 set 都會有個飽+6片炸薯角. 女友既 classic 佢話非常之好食. 而我個火腿雞肉飽都唔錯, 收30-40一個 set 拎返既食品係值回票價.

如果有機會既, 一定再去.