一朝早出銅鑼灣嗰邊幫親戚做D野, 順便揾食

完事後行去Sogo Shopping, 一心浪廢時間, 行得好"滋油"。
沿住電梯上到11/F, 到左書店樓嗰層先開始覺得餓, 平日都知呢到有間cafe, 但一直未試過, 就一於今日開齌試下啦。

間cafe其實唔算大,算係成層書店中的一小角, 但都有5/6 張枱, 環境比人好舒服ge感覺 (其實全層11/F都比到人呢種感覺)。
喺門口揭左兩下餐牌, confirm屬於自己消費能力範圍內, 便直直走入去啦。

一坐低, waitress 就好好甘比左杯水同menu我; 有午市套餐, 大概$80左右(全部係意粉類), 跟咖啡或茶。
因為對所有餐都唔特別感興趣, 所以最後散叫。

如下:
煙三文魚凱撒沙律 $78
Earl Grey $20
Total 連加一, 大概$108.

唔算平ge午餐, 但我satisfy 喎~~

煙三文魚沙律好大碟, 菜好爽甜, 煙三文魚雖然略咸, 但仍然好好味 (而且真係好大碟, 兩個人都夠食，感覺賺左~~)
我去到一半想放棄, 但為人婆仔, 好似好浪費, 最後都清碟!!!!

Earl Grey正常, 唔敢評價, 因為我鍾意加啡糖飲, 基本上冇怪味我都會收貨。
d 茶用一個不鏽鋼壺送上, 和一個小茶隔, 方便將茶倒入茶杯時隔走茶葉, 很貼心。枱上原本已經有一個白瓷瓶放著啡糖, 大概coffee or tea都要用上，方便一點。還有一小瓶奶，如果想歎英式奶茶都ｏｋ。

唯一想建議的，不鏽鋼壺傳熱有點快，我差點在倒茶時燙傷，希望有關方面可以留意一下

服務好，又抵食，下次再到sogo看書，我一定會再幫襯～

我好鍾意食鴨舌ga, 一直都買開老天禄, 自己去台灣一定買, 朋友去又托人買, 知道銅鑼灣有得買自然會去買啦。

甘啱有日比我喺Openrice揾到卥八鵝店, 雖然自己一直對潮式卥水野都躍躍欲試, 但一路都無實質ge衝動, 今次唔一樣啦, 大家介紹ge重點係我鍾情ge鴨舌, 即刻令我忍唔住要走一趟。

鵝店位於春園街, 我每次去公會時都行過但無留意過佢, 今次主動前往, 都真係因為openrice 喳。

鵝店門面好普通, 透明玻璃入面見到d師傅無停手甘, 刀刀有力, 我問老板娘有冇menu, 再望下玻璃入面邊樣新鮮, 最後拍板如下:

鴨舌: 八兩 ($10/兩, 應該有4X隻)
鵝:四分一隻 ($160半隻)
豬耳子: 1個 ($12/個)
鵝翼:四隻 ($49, 用全單價錢除淨, 點解呢?)
鵝腸無晒, 唯有下次請早。

埋單$221, 好似幾貴, 但全家人一齊食, 加埋我自己喪食鴨舌 (我妹都有同我爭著食), 都要兩餐先食完。

全家都認為鵝翼最入味, 但肉比較硬, 阿嫲話隻鵝比較老。而上截鵝的鵝片都ok, 都幾入味, 豬耳子就差d, 應該冇下次 (因為我爸在屯門有一家指定豬耳子供應商)

鴨舌當然無得彈, 但比起老天祿, 我都係鍾意辣辣地, 比卥水味更惹味。