朋友邀約來這裡晚飯聚舊,由長沙灣地鐵出閘後仍要行一段路,當看見門面後心諗無別的選擇嗎?
坐下來朋友就即時向伙計落柯打,如像背急口令般一口氣點了8,9個餸,在差不多等了10分鐘之後,
第一道菜來了--(清蒸大花甲)--配上一小碟甜酸槳汁,好鮮好食不過有少少沙但可以接受,
因為我輕視這裡加上朋友們個個手快搶住食,所以沒有影相真可惜!
第二道菜是我的至愛菜--(豉油皇煎鴨下巴)--又係心急搶住食沒有影相,個人偏愛好味道!!第三道菜--(豉椒炒聖子)--普通貨式但有鑊氣
第四道菜--(竹笙漁湯浸菜)--普通小菜,
第五道--這裡的出名菜---(鐵板黑椒豬手)---黑椒香味濃郁加上賣相一流,
第六道菜--(香煎墨魚餅)--巧巧味呢!!
其實食材靚而又用心製作就是烹調料理的基本法!!
第七道菜--也是這裡的出名菜---(巴蜀鯰魚鍋)---跟爐上愈煮愈辛辣,愈辣就愈要食,
鯰魚肥美肉多又少骨而配菜更是好食到不得之了第八道菜--Show Time--各位老細---大中華首本名菜----(火熱動感煲仔飯)----
熱辣辣大大個瓦煲奉上檯,伙計運用摩打手,眼明手快地將配料和食材逐一放入瓦煲內撈均,一碗令你一試難忘的煲仔飯就誕生!!
煲仔飯有兩款選擇--(1)臘味煲仔飯--(2)黃鱔煲仔飯--據說黃鱔補血,女性可以多食,當晚試齊兩款,自己較喜歡臘味煲仔飯,因為有飯焦較香口啲
第九道菜,何止出名,簡直大方得體,卜卜脆---(堂燒脆奶豬)---一個字<正>!巧巧味嘅呢!!飽食過後,店外有成幾十人在等位,好似有嘢派咁,自己反而有點內疚,最初竟然輕視大中華飯店,她雖然其貌不揚,但有齊烹調料理的一切原素,
有料有心,童叟無欺,取價公道(我們一行9人選了9道菜連啤酒汽水)每人$160.-現今香港百物騰貴,又要好食又要抵食去邊度搵吖!!

橫綱 Yokozuna拉麵店,在香港已經有十幾年歷史,每日由朝到晚都人山人海證明她依然令人回味無窮!!!!由於店舖座位有限,顧客們都要經過輪候洗禮,終於足一小時輪到我們獲安排入坐,
快快手落齊心儀的柯打,年青的服務員態度友善殷勤,約10分鐘食物陸續上桌,
燒雞串---嫩滑的雞肉加上香草芝士和檸檬汁,一句講晒!!好食惹味!!
九州拉麵---係熱騰騰的奉上,半肥瘦叉燒,而每張檯放有一樽芝麻,可以自行加添芝麻.令到個湯更加巧味,
絕對不似其他一窩瘋濫竽充數的拉麵店咁遞到來時,個湯只是微暖,麵又胡胡溫溫感,
溫泉雞蛋---係本人的賣飛彿,味道好到唔講嘢,只是食,
煎餃子---外脆內軟...正
鰻魚飯---又係熱騰騰的奉上,因為巧巧味,食了一半,才記起未影相,哈哈,真係唔好意思!!
若柯打拉麵可以配一碗細飯的套餐,又經濟又好味,最啱細食的女孩子選擇,
是晚總消費合共$150.-對比起近期瘋狂濫開的拉麵店,水準參差不齊也動不動賣$80.-至過百元一碗,
橫綱絕對是童叟無欺,貨真價實,抵她在香港拉麵美食界享譽盛名,成功有自己的地位定位而屹立不倒
當晚最失敗是廁所維修中,要用請往外出借,你地位置咁吊腳外面邊度有得借呢!!

對於好運強記的招牌菜(脆皮糯米雞)仰慕已久,今次約齊一眾為食腳前來品嚐,預早訂定幾款特色菜,冰醉瀨尿蝦有成支筷子咁長,香甜的花雕酒味,冷盤之首...正!!
冰鎮拼盤有豬耳仔..脆口,豬腳..幾爽,鵝翼..數量少了些,鵝腎...又爽又脆,是四款之中最正的一款!!
黃金蝦真係巧巧味,我地極速食晒啲蝦,仲想叫白粥食埋啲蛋黃碎,可惜沒有白粥
胡椒蟹味道就一般,
登!1登!!登!!櫈!!!脆皮糯米雞終於出場,用臘腸和少少雞肉及糯米飯釀回雞皮內,再用油紅燒,超好味!!臨場再柯打幾款特色菜,
糖醋排骨個汁非常杰身,味道一點不搶喉,不似一般上海食店的做法,
老闆邱先生更大方為我們介紹,他是用麥芽糖來煮所以濃度適合.
松茸蒸日本雞蛋勁好味,鮮甜幼滑,有益養顏,不消數分鐘,已經美人照鏡!!
南乳骨前所未有的甘香脆口,絕不油膩,是送酒之選...正!!
啫啫芥蘭煲蝦醬好咸!!邱老闆送贈只此一家的(皂角仁)糖水,一小包可煲十人份量,每碗得數粒配洋意米煮腐竹,煙煙奀奀幾得意
熱情的邱老闆推薦嚐試吓他們的(八寶鴨),仲話蓮香遇到對手了,咁犀利下次就要試試

行開油麻地,記起前輩為食龍少爺提過這間,抱持一試無礙心態前往,

同事死肥仔剛從北海道回來,一眾美女陪他食泰國菜接風我第一次光顧點了馬拉盞炒椰菜苗夠晒鑊氣七姐是地膽推薦了酸辣鳳爪,嘩!!個個食完(雪雪)聲,好辣好野味!!當晚驚為天人的發現,串燒沙爹超好味,非一般乾屍,咬下去仍然有肉汁,沙爹汁不辣但配合天衣無縫柚子蝦沙律,柚子又甜又多汁主菜之一咖哩炒蟹,賣相一流,特別是個汁配蒜蓉飽或白飯,令你人生好滿足酸芒果炸生魚,又係野味,特別把生魚肉起出酥炸老闆特別推薦菠蘿海鮮炒飯,濃濃的菠蘿滲透飯內,好食到個咀唔想講嘢