(承上集"全宇宙最難食的壽司")
經過一個晚上難吃的食物危機後非常失落, 走了好幾檔要臨近打烊或太多人
結果世貿滿記仍然歡迎光臨而不用等, 當時已經十一點半了,
正常的情況下大部份的食物都賣光了, 只有我點的熱騰騰木瓜雪耳最溫暖
最能舒緩心情.
新店地方夠舒服而且服務很好!

呢日同朋友兩個人去試一直都好想試既有機像真菜, 其實天氣唔係好熱, 但唔知點解上到黎二樓硬係悶悶熱咁, 場內亦有開幾把風扇, 但唔知係我自己發熱發亮定係燭光宵夜時段呢, 總知就係唔舒服. 但坐位ok.

食物方面種類唔算多, 但全部有機, 每人都點左一客豆湯, 然後一個Peach Pizza, life burger及每人一杯鮮蘋果汁.

蘋果汁最快上, 而且味道真係好新鮮, 因為我連佢係粉蘋果我都飲得出, 你話幾新鮮, 而且感覺亦好似一杯蘋果蓉.

青豆湯雖然賣相平平無奇, 但一飲落就知佢有蓉, 而且應該可以叫佢做青豆粥唔而唔係湯, 如果兩個人一齊食, 其實只需要點一客就夠晒, 如果唔係會太飽肚食唔落其他.

peach pizza係最好味道既一道菜, 食落同真正既意式pizza好相似由其味道, pizza夠薄脆, 芝士味強但桃味又將之平衡返, 必食之一.

life burger比較普通, 因為成個漢堡你都feel到佢係由好多飯同埋包製作, 只係豆腐薯條比較突出, 如果唔係會好漏.

之前見過有食家食評話會開燈趕客我亦有少少同感, 因為當時差不多十一點三左右, 但係我問waiter幾點打烊佢就只係回應話我地食完先啦, 好奇怪, 而且食物上菜速度快, 食得一半時已經開始唔見燭光,慢慢變燈光, 整體而言食物好評, 但service我就只係俾3分.

我有個熟客介紹左我好多次黎burgeroom食巨型burger,但係呢頭好食既餐廳得幾間所以好少過黎呢邊, 四位朋友呢日一致通過想食所以過黎
好耐冇試過食大型Burger, 呢度既裝修其實有d似Starbucks,不過就唔係自助形式買野食,
我同一個朋友每人叫左一個Club Burger,另外兩人叫左一個double芝士同一個煙肉雞,
每一個burger都係即叫即整非常新鮮, 而且牛肉仲煎得有肉汁, club burger我個人認為佢應該係招牌, 因為佢非常非常之咁厚(有相為証), 可能只有巨人個口先可以一次過放得晒入口! 口大既男兒都要用分段消化, 但係有隻太陽旦係最置頂唔知做咩事又唔知督唔督穿佢好, 佢肉汁太多食時要快手, 如果唔係會食得幾狼狽, club 同 double既分別只係食料多5種, 但依然係好巨咪, 另外煙肉雞比較細少, 但都不容忽視, 其次我地亦叫左個洋蔥圈同肥薯條, 薯條新鮮, 但圈就比較一般, 飲品佢地有咖啡, 但呢度既咖啡始終都係比專門店差少少. 但整體叫好, 有機會都會一而再咁黎.

好難食到咁新鮮既豆腐花, 雖然唔知佢係咪山水, 但係非常咁...滑!
而且味道好清甜, 不過如果你唔係好食甜就要叫大叔唔好落咁多糖,
因為大叔佢係會一時時重手左既, 我睇返其他人既食評先知道原來仲有小食食既, 下次要試下, 地點好仲貓咪陪你玩, 我地兩個兩日食左四碗, 走時都要特登返轉頭去食, 就知有幾好味!

黎南丫島渡假兩日, 走時唔知食咩, 見佢門面用木板做menu所以入黎試下
雖然兩點幾, 但見一個人都冇有d心驚, 但呢度裝修幾得意
兩個人叫左一個椒鹽茄子, 食落去唔覺佢油, 因為佢細心地用左生菜絲打底, (有d地方唔會既, 話知你飲油似的) 而且脆得黎茄子肉唔會老, 好似有一層薯片皮既茄子
另外叫左個粗炒, 亦都要讚佢唔油, 而且味道0岩0岩好, 咁當場粗炒加辣椒醬會好食d啦, 佢俾左個brownie色既辣椒醬我地, 但食原來係好地道既風味.

兩樣食物雖然唔係咩貴價特別野, 亦唔算咩正宗菜色, 但係食得到feel得到用心黎整, 有誠意俾到, 值得一讚!