今日約左朋友食LUNCH,用偉大既OPENRICE 訂台系統成功BOOK左呢間

係時代附近既商廈中

入到去環境清靜

人流不多,傾計一流

我就叫左呢個扒餐

前菜是香草田螺3隻,香草味濃,賣相幾用心,肉都幾大舊

主菜牛扒就一般貨仔,都幾多根,叫左3成熟,CUT開佢見到肉質都無咩血色,應該又係雪得好耐既貨

不過呢個價錢都可以接受!佢面頭都有幾多黑椒,但係食落又唔算太過份

甜品就不提啦我無咩興趣

以呢個價錢來講,百幾蚊,食得出是有私房菜感覺因為整得好慢哈哈!都算係咁啦

趕時間唔好來

是但叫左個2人餐,2百幾蚊

有個湯,湯入面係有豬肚,西洋菜之類,飲落是胡椒味,不算太過辣,份量每人夠飲2碗幾

有個鹵併,豬肚大腸腩肉豆腐,鹵得不算太入味,但味道是幾好既,咸甜適中

驚喜之作是銀魚煎蛋

份量十足,蛋味很濃,白飯魚仔大大條,配埋個魚露,正.估不到佢整得咁好

加埋2個白飯,飽到喊

抵食就不算,但係也不貴

係澳門都無食,決定係香港食番個

叫左個豬扒包

豬扒包SIZE都算大,豬扒仲好多肉,肉夠厚,肉質鬆軟.

味道有點香茅味,十分香.但係個包就係豬仔包,其實無咩興趣,總是覺得豬仔包又硬又無味

應該出D用方包呀之類既其他包滿足我既慾望,不是每人也愛豬仔包.

索價29蚊都算幾貴,但係以豬扒個味道來講又真係幾好,抵比佢賺既

今日係尖咀睇完戲,周圍搵食.佢話想食放題,我第一時間拒絕因為大部份放題都係好灰的,質素差到爆

咁O岩見到有間日本料理就試試啦.

入面去外藉侍應SERVE 我啦. 地方好日本FEEL,好有私隱,後面D房仲要除鞋

佢拎左D頭盤比我地簡,簡左蟹糕同熒光魷魚,前者蟹糕味十分濃,濃到好STICKY,吃後個蟹糕味在口中沖不走,魷魚十分咸鮮,2者送酒一流

叫手佢又拎左個盤比我地簡食咩魚,我都唔知咩魚,簡左條合眼緣既(3百蚊個條),再簡左2隻赤貝

等左陣叫左杯日本生BEER,淡淡BEER味用來配前菜真爽

魚生拎出來整到好靚,個presentation做到美.呢條魚魚肉十分彈牙,完全無(月星)味,有少許甜味,新鮮的魚就是捧呢.赤貝都一樣十分新鮮,食落去脆口得很,又有貝烡既甜味,呢個真係一絕.一分錢一分貨,比起O個D40蚊之流真係唔同.

食完魚生好想ENCORE,但係忍口因為仲有幾個飯局.佢仲要拎埋條魚骨整個味噌湯我地,2大碗爽歪歪,味噌味十分濃
,也有淡淡魚鮮.

咁就叫左D熟食,但係又叫多左.

首先明太子昆布串,很落去十分好口感,魚子十分彈牙,完全是新感受.2個人一串試下都不錯

最抵食係個軟SHELL CRAP,2大隻,入面有好多羔,仲要78蚊.呢個係成餐最抵既一味.炸得很好又不會炸乾,內裡肉汁存在,加上山椒真的不錯.

另外個鰻魚泡飯也很好,個清湯真的十分清,配上濃味既鰻魚飯剛剛好,食落鰻魚肉厚甜美.

其他水準正常!食完飽到跳樓,埋單1250

呢餐味道十分滿意,服務也很出色.我認為想食下新鮮既魚生就可以選這裡

朋友有心事,就陪下他食個LUNCH

大約150-200一個SET左右
我叫左個魚生飯.有3文魚,魚子,蝦,海膽和蛋

前菜是沙律,無咩特別,我個SET有個湯,應該是以木魚和茵做成,清清地不錯

3魚文很新鮮,也算肥,大大塊不是薄CUT

魚子中既魚油味不算濃可能來貨一般吧

蝦就細細隻,食完都忘記了,海膽也是一般貨仔,鮮甜不足但又不是有異味.

呢個SET我認為120比較合理

暫時來講對碗屋既放題期望下降了

多謝朋友呢個LUNCH