約2點去到, 都唔洗等位.
同男朋友兩個人去食, 叫左3碟野.
分別係炆肉豆腐客飯, 上海"小籠饅頭" (佢唔係叫小籠包), 同鍋貼.

炆肉豆腐客飯, 夠味, 豆腐仲好香豆味, 可惜d炆肉真係好肥, 我諗全碟野ge豬肉, 8成係肥膏, 得兩成係瘦d ge 肉.
佢個上海"小籠饅頭" , 我諗可能因為係上海風味一d, 所以唔係有湯果種, 入面係得好小好小湯ge. 皮亦較厚, 都ok的.
最後個鍋貼, 一路都好脆.

哩間餐廳ge style 係舊式一d ge 上海菜館, 都ok丫 ^^ 可以去試下.

之前已經食過幾次, 味道都唔錯ga, 服務就一般啦, 話晒都出晒名, 唔休做.
本來係諗住黎食煲仔飯, 但原來lunch係無的, 大家要留意喔.

今次同男友食左牛腩河, 牛根河同埋朱潤腸.
朱潤腸之前都食過, 不過d朱潤今次就無上次咁滑, 熟左小小, 塊皮就依然好薄同瘦. 好味喔.
牛腩河, 牛根河都就普普通通啦, 湯同牛都夠入味, 夠"林"的.
會再黎呀.

好有風味, 同埋都有格調ge餐廳.
同男朋友去, 叫左一個香草芝士意粉, 一個pizza, 同一個骨, 已經好飽好飽.

所有野食都好好味... 特別係個意粉. 好夠芝士味.
pizza 上面果堆cheese 都好好味, 酸酸的, 帶出左個pizza ge 味道

每張枱都有candle, 而且環境都幾寧靜的 ^^
埋單約$350, 哩個價錢有哩個質素的食物, 非常值得喔.
推仲一試 :-)

因為係同男友媽媽食晚飯, 所以先會到齋鋪食晚餐.

之前都黎過兩次, 對我哩位食肉獸黎講, 佢ge味道都仍然ok^^

今晚叫左羅漢齋麵 同 八珍伊麵, 點知.... 原來兩碟ge材料幾乎一樣, 好彩有叫其他野食, 唔係真係...

叫左個荔芋圈, 好味好味. 但大澳果間東方小祗園就更勝一籌.
西汁酥素鴨, 多油左d, 同稍為唔夠脆.

松記間唔中都有幫襯的. 深水埗 , 佐敦的都有去.
但黎荃灣哩間就較多, 因為男朋友住荃灣.

一直以來都覺得哩間糖水鋪味道各樣算是不過不失, 所以一直都有幫襯, 但經過尋日之後就唔會再黎喇.

尋日兩個人order得一個白色世界, 配料有香蕉, 大粒西米, 同白色形態似涼粉ge東東. 其實每一次都係因為哩個似白色涼粉ge東東先黎幫襯, 因為幾中意佢有一陣好似鳳仙雪條外面果層黃色皮ge味道.

但今日呢d 東東係完全無味, 而且個甜品雖然已加奶, 但第一啖已經食唔到有奶味.
成碗野可以話係無味可言. 香蕉又唔香, 大粒西米更加唔會有味啦.

食到一半, 已經係晒水, 咁你就知碗野有幾淡.

仲要中途個伙記叫多2個人坐落黎, share 唔係問題, 問題係間鋪起碼仲有兩, 三張枱係完全無人坐, 但佢竟然安排多兩人坐落黎. 之前一路哩間鋪服務都唔係好, 但今次煩到係自己, 所以唔會再黎喇, 又唔係得你一間.