我從來未試過佢地lobby lounge, 只係去過佢地coffee shop同中菜同埋spoon 前身嘅 "yu". 我無諗過, 呢間咁高檔嘅酒店, 會有服務態度咁差嘅女侍應!

年初一同家人到佢地lobby lounge 下午茶, 因為姐姐想試佢地特別推出嘅中式兩位用下午茶餐. 我地四個人, 於是點左一中一西嘅兩人用teaset. 食物ok... 但係算唔上係好top. 坦白講都幾行貨, 但係食氣派同場景, 我無太大意見. 我只係非常不滿佢地嘅服務.

我地行入大堂, 開口嘅bellboy 同洋經理好好禮貌同笑容, 入地lounge reception亦好好服務, 跟住領位經理亦非常好態度, 仲特別介紹佢地個中式teaset, 請我地考慮吓試試. 點知由點菜開始, 就一肚氣. 替我地落單嘅女侍應, 一張poker face, 無笑容, 我姐夫同佢講, 我地想要一客兩位用中式teaset, 跟住一個西式teaset.佢竟然好晦氣咁問: 你要呢個定呢個先? (意思係問我地要一位用定兩位用嘅西式teaset). 我心諗, 唔係呀? 阿姐你無嘢呀? 我去翠華茶餐廳, d 招呼都仲好過你喎! 跟住我地各自點茶, 佢又係無heart 唔聽清楚人地講, 覆又覆錯晒, 但係就好似一臉不屑嘅樣.

我諗住大年初一, 難得同siblings 開開心心去tea, 唔想發難啦! 如果唔係以我脾氣, 晨早就發難架啦! 心諗無謂比呢d 人spoil我個mood啦!

跟住果位阿姐無再serve我地, 但係之後另一位姐姐... 嘩, 我雖然唔係大富大貴, 但係由細到大都好好口福, 成日有阿哥家姐都朋友請我出入高檔食肆, 衰d講, 我都唔係lulu無見識, 但係真係未見過有d 咁嘅質素嘅人係咁高檔嘅酒店做嘢而居然survive 到! 除非佢只係discriminate non-regular customers 同個樣唔似會成日幫襯(即係好似我咁) 嘅客啦!

果位樣貌都算娟好嘅姐姐, 行埋黎, 問我: 小姐, 駛唔駛幫你d 茶加水.. 唉, 我依家都已經將要求降低, 佢地好多地方嘅人都唔識講: 請問, 或者唔該, 唔好意思, excuse me 之類啦! 行埋黎, 好似老馮咁, 就開口架啦!都算啦, 你當我係要求過份啦吓! 算! 跟住我話好呀,唔該你.. 佢要問我坐係埋邊嘅細妹要唔要加水, 阿妹話唔駛啦唔該. 呢個時候, 呢位阿姐出招啦! 佢話: errrh, 咁你比壺水我入左呢度先啦! 跟住伸手越過我前面, 夾硬要我阿妹遞個水壺比佢, 繼而將果壺都已經唔熱嘅熱水酙入我壺普洱度. 嘩, 我真係唔識出聲, 從來無見過咁唔pro 嘅酒店人. 佢咁樣完全唔掂, 絕對係唔啱規矩架! 我有好幾位朋友做酒店管理, 所以我都識少少規矩, 而且我因工作亦處理過catering 嘅 training materials, 人地訓練員工, 各方面都有規有矩架! 呢位阿姐唔可以咁懶,夾硬用一個客嘅熱水壺酙水落另一位客度. 我自己酙一件事, 但係佢唔可以咁做! 唔合格啦! 仲話係洲際添! 影衰晒自己間公司啦!

本來都算啦, 後尾再發生另一件事, 令到我本來唔想新年攪大件事都唔得! 我過幾日一定拆訴! 話說佢地呢幾日請左幾位年青人奏中樂, 我地咁啱就坐係performers附近, 亦即係toilet 附近. 臨走我同姐姐阿妹想去洗手間. 我地知道洗手間係右邊, 但係當事有人block 左個條access, 我同姐姐誤會左左邊行入去一樣有通道行番去toilet果邊. 但係未行到尾, 已經發現自己攪錯架, 可惜太遲啦! 我地比果位阿姐見到, 佢就係我地身後大喝一句: excuse me~~~ 我擰轉面見到佢瞪大對眼, 個樣真係好惡, 好不屑咁望住我地. 我話, 哦, 我地想去洗手間... 佢繼續好寸咁bear住我地,手指一指, 洗手間係果邊呀!

唉~~~ 我真係咁大個女, 再高檔嘅地方都去過, 都未見過咁不知所謂嘅服務員! 佢就真係攪到我地好似make a scene咁啦! 駛唔駛咁呀?? 我梗係知washroom係邊啦, 就算個客真係攪錯左, 你都無權咁樣喝個客啦! 我從來唔會以為自己比少少錢去食嘢就大晒, 或者好巴閉, 我一定會對服務員客客氣氣有禮貌. 我阿妹講得啱, 我地唔要求你笑晒口, 或者要好殷勤, 甚至九十度鞠躬, 但係你連最basic 嘅service 都比唔到. 如果你份人咁snobbish白鴿眼, 要serve 周身名牌, 咁唔該你另謀高就, 或者講明唔serve我地呢d 普通人, 咁我咪唔入黎囉!

我打算寫信去佢地group度投訴, 真係唔追究唔得, 火都黎埋呀!

食物一如以往唔錯, 但服務就每下愈況.
負責serve 我地張檯個area嘅侍應, 真係差到不得了!
對住客炆炆憎憎, 好似要下跪, 佢至肯同你落單. 又成日蝦個推廣asahi啤嘅令女. 我地有眼睇個令女做多好多唔係佢嘅份內事, 攪到我本來唔想比男友飲, 都唔忍心, 夾硬叫左一枝同佢一人飲少少.

今時今日, 好多食肆已經衰番啦! 完全demonstrate比大家睇, 咩叫故態復萌. 我好想寫信, 請劉德華先生再次出黎, 教育吓d 服務行業啦!

早幾日試過啦! 真係好平, 食物ok, 服務呢, 其實唔可以expect太好. 但係我又唔覺得佢地態度好差喎!經理又好, 老闆又好, 或者d 侍應姨姨, 個個都好helpful呀! 但係個別有d 粗聲氣d, 但相信係習慣而唔係故意.

我地一大班同事去食晏, 點左六個小菜, 落單阿叔仲提議我地唔駛要例牌, 因為貴d. 佢話我地要午市小菜size就夠啦. 咁又係呀, 我地五個女同事加兩個男同事, 夠食有凸啦!

佢每款小菜都跟一碗勁大的白飯. 我地叫佢唔好浪費, 比四碗我地夠啦, 但係最後都係食唔晒!阿叔推介生炒骨, 我地就覺得麻麻. 反而個蝦仁炒蛋就唔錯. 芥蘭肉片好油, 但係鹽焗雞同埋粟米石斑就ok.

個個都食到好飽, 負責埋單嘅同事收番我地每人三十蚊. 佢話只係蝕幾蚊比我地. 咁真係抵死爛啦!

看到有人批評此餐廳服務態度麻麻, 剛巧昨晚才到過那裡, 姑且說兩句公道話.

昨晚八點多與朋友到那裡吃飯, 原來是打算吃沙拉. 我和朋友都愛吃那裡的沙拉, 覺得疏菜新鮮, 而且沙拉旁邊的小包包很好吃:）

但光顧多次, 從來沒有吃過他們的pizza, 好像有點兒說不過去. 最後, 點了一道goatcheese and tomato 作appetizer, 再加一個pollo salad 和三文魚pizza. 三道都很不錯. 朋友要了兩杯house red, 我則點了iced tea. 說明是可以不斷refill. 侍應們也真的很殷勤, 永遠都是他們主動替的添飲. 我的飲吸在中途stuck了, 有位笑話親切的外藉女侍應, 大概發現我in trouble,給我拿來一枝新的. 很細心! 吃過主菜, 朋友想吃甜點, 我們要了一份choco fudge cake加icecream. 唔.. 好普通, 不算十分好吃. 但給我們落單的侍應很有禮貌, 而且還提醒我們, 手提電話在震.

昨晚我們坐在地下一層, 我知道二樓也是他們的. 但不清楚那一層的服務. 不過, 我昨晚的dining experience就真的不錯. 一般來說, 連鎖店, 我本來就不會有太大期望.

以往的尖沙咀"竇口" 現在幾乎全都關門大吉了! 有次亂打亂撞, 與兩位"令女"朋友到了河內道biergarten, 覺得好好feel. 後來也到過好幾次, 每次都很盡興.但biergarten地點不是人流多的位置, 所以常常忘記了它的存在.

上星期, 與男友約了朋友在尖沙咀晚飯, 還未到約定時間, 忽然想起它, 就決定暍兩杯吃點腸仔/芝士才赴會.

之前曾試過"sausage platter", 好正, 本想encore, 但因酒後要吃火鍋, 才勉強忍耐, 改了點"cocktail sausage". 雞尾腸, 當然普普通通, 不及platter 精彩.記得之前試過他們的"薯仔餅" 配酸酸甜甜的蘋果醬, 非常不錯.沒有試過他們的晚餐, 但見鄰檯的洋人們都吃得津津有味, 想當然矣認為也不會差到哪裡去. 附近holiday inn 的delicateseen也有德國菜, 但服務差, 與價錢不成正比.到biergarten, 最可惜的是我不好啤酒, 否則應該更有樂趣. 紅酒普普通通, 但happy hour 價錢相宜. 去得過!

憑幾次光顧的觀察, 我相信他們的客路都應該頗斯文. 洋人多, 可幸都不是我討厭的那種自以為背負white man's burden的高加索人. 幾位外藉女侍應服務態度非常好, 會主動替客人跟單.

可能是個人對日耳曼民族有偏好, 所以總覺得哪裡很舒服. 考慮把biergarten變成尖沙咀新"竇口"之一.