早前團購左每位$138另加茶芥$25的套餐, show出黎的圖片好豐富架
但係叫到埋黎就好細份, 完全貨不對辦, 雖然圖係參考的, 但都唔應該去到呢個地步!
最離譜就係個"西芹炒荷塘百合", 用一隻茶杯碟的size上, 得2片仔百合, 係2片!
居然可以少到咁
另點了
冰鎮/蜜餞鮑魚-普通
龍蝦沙律-OK,但太少龍蝦
鹵水鵝雜錦-普通
燕窩羹-有材料但食唔到燕窩,要落好多胡椒粉至有味
花膠瑤柱羹-好烯,冇花膠
珍菌焗大蝦-大蝦幾好,汁好咸,得一種菇
海參扣鵝掌-海參極迷你,鵝掌都算入味,OK
魚腐浸時蔬-2粒超迷你魚腐
雪花蚌什菜煲-普通
薑米蛋白炒飯-冇咩味, 唔像正常炒飯,硬左D
魚丸粉-份量OK
甜品:好細份,用細過茶杯SIZE的MUG裝
福果芋泥-味道OK
白芝麻慕絲-味道淡,份量少
呢個餐原價食$328,如果係咁仲激氣!
除左甜品之外,前5度菜差不多同一時間上,場內冷氣好凍,未食已經凍凍地
聽到另一張台的客向waiter投訴份量好少, 要求換過
食完之後仍然肚空空,冇實在感覺,仲要再食其他野至飽!
呢間野以後都唔會再去!