星期六1：00， 不用等位， 餐廰係一樓唔起眼， 平常行過都唔多覺， 全制OPEN RICE 介紹。先多謝。
入內第一感覺都OK，有D壁畫咁， 但坐落就發現唔對路， 好好嘈， D枱好近， waitress 全是外傭， 佢地連菜式都唔多識， 點每一個菜都係用Menu Number。

點以下菜式：
1. Soup (Mediterranean Fish Soup) ＄65 佢話係南法馬塞魚湯， 我只飲到罐頭沙甸魚攪溶
2. La Bigoudene ＄88 最多食評提過的， 有蛋，火腿，芝士， 加少少生菜， 加茹，個皮好深黑色， 苦苦地， 但又唔似over-cook
3. La Normande ＄88 火熖 crepe with some creams and mango， 為了做到火熖， 太多酒， 又係苦的（甜品）...oh.
4. Chocolate Sundae ＄60 同早前食評影的差了， 没有灑杏仁片， 只有一球朱古力雪糕， 杯面杯底都係cream, 而唔係相中的雪糕了， 咁咪仲貴過食haagen daz?!

Cost :$330.

其實想像下真係好似只不過飲左個例湯，1個餐蛋多士常餐走左公仔麵，1件西多士，加杯紅豆冰咁上下的食物， 食貴幾陪價錢的分別係只不過前後左右都係番鬼佬， 有三枱都係中國女子（唔靚）加鬼佬， 佢地都係背心短打加拖鞋。。。係茶餐廰你仲會唔會慢慢坐？
現在攝影機先進令D食評影得好吸引， 定係日與夜有好大差別？

同我係法國或日本食過的真係好唔同， 邊個先正中？
滿腦問號的快快趣食完就走

樣樣都細細碟, 如果你好肚餓, 就唔好黎啦, 因為會食窮, 睇相就知
(不過可能我係食Set先細碟, 但全場無人食a la carte, 比較唔到)
由於太細碟, 一大班人食係好難share, 最好係2-4人, 因為d食物係分唔到多過4件
如果係情侶, 宜坐內排唯一的Sofa, 全部都係高椅, 著裙就一定走光, 小心呀

食物方面, 選了2個1人套餐($138 / $188),
+最開心係有杯Sangria 生果酒, 可以特別指定加減酒量, 好味!
+脆皮豬 (Crispy Pork Belly $62) 係最好味的, 一層層肉好香脆
+西班牙辣肉菠菜奄列(Choriza & Spinach Tortilla $58) ok la, 同出面食一樣
-西班牙海鮮飯好油, waiter 專登解話話係欖檻油, 但個碟得5吋長, 4啖食完
-燒鯖魚 (Mackerel a la Plancha $68) 無特別, 唔好試
- 茄汁牛肉球 (Beef Meatballs w Spicy Tomato Sauce $58)竟然有一萬隻羊的穌味

後加 焦糖燉蛋 Crema Catalana $48 焦糖好脆, 但個蛋涷的, 如果整熱d會更好

環境唔錯, open kitchen, open restaurant, 唔太嘈, 可以一試

母親節前一天,到此食晚飯, 一間好似茶餐廳的細店出奇地擠满人
食了二人套餐 $208
玫瑰雞半隻, 好大隻, 好好味, 好有煙燻的味
牛仔粒都同樣出色
鵝肝炒菜, 好新奇, 但唔多合我心意, 個鵝肝唔係西式個隻, 係中式免治左再炒, 有d似鴨yun 味
餐設2個湯, 反而無咁出色
地方好細好逼, 但我會再回來食多次玫瑰雞

經過幾次都無乜人, 但點都要試試

Tiger Prawn Spaghetti $69
係好快, 快到未熟都上枱, 我咬一口就退番入廚房, 同Open Kitchen 的廚師講, "你皃多幾皃", 佢初初好唔Like, 但佢自己攪多幾下都係到笑, 仲問個手下個時間制係唔係早左按...

另一個白汁火腿Spaghetti , 正常
仲有$69 係唔會飽的, 無餸面,連女仔都食唔飽, 細心看下個Menu, 設有+$15 多 50%面..haha...

個舖完成做錯Marketing
白雪雪self-service, sell 快, 要快就食左快餐店啦, 但邊有人會特登走去海旁食快餐
應該sell Hea, 但齋面價錢咁貴, 旁邊的吹水站(舊店)有得食雞翼薯條多樣選擇, 無得比
要tump 女仔, 但間店係self service, 只係得面, 無Dessert無特飲, 得杯膠杯清水, 都係死
都sell 唔到男仔, 因為全店禁煙, 間舖個設計唔會令人想坐耐d, 只會一食完就走...
最大問題可能係d面無特別! 無特別好食無特別款式

好似好灰, 不過真係! 希望店主睇到攺善下, 會做得耐d啦