由於有朋友生日，之前又聽好多人講呢度好好食，又好難 book 位，所以我地今次就好早好早就 book 左枱來食喇。

醬爆里脊絲：見佢個名好特別，就叫來試下。甜甜地咁，好有柱喉醬的味道，唔算好特別，不過勝在 d 肉的質感幾好，唔會太腍，又唔會太實，細細條咁，遂條遂條咁食，幾得意啦。

砂鍋什錦：呢個好好飲，又多料，有海鮮同什菜，好清甜架。

片皮鴨(二食)：呢個就好一般喇，起初以為呢度好好食，但真係不外如是咋......之前食過某間 "北京樓" & "霸王山莊" 都好食過呢度。所以好失望呢...........

拔絲蘋果：唉.......果位叔叔好似冇浸過 d 蘋果咁，完全冇哂原本拔絲蘋果的感覺同味道，咬落去仲好熱添，咁要 d 冰水來做乜???

因為買左飛係 apm 睇戲，所以就是但 choose 一間食 dinner 喇，估唔到又幾ok wor......

七色小碟：個賣相幾好，不過就唔係款款小料都好食喇......
柚子雞絲沙律：d 柚子酸酸地咁，配合起上來幾開胃，幾好食
小籠包：唔夠多汁呢......
上海粗炒：好好味，可惜唔夠熱
宮保雞丁：個賣相好特別呀，用個炸左既饅頭裝住，個饅頭又脆又好食，連埋 d 肉食，仲冇咁油咁添，感覺好好......
砂鍋雲吞雞：d 湯好正，好好味；d 雞肉都仲好清甜......正呀
蘋果雪梨煲雪耳：呢個特價，$10一杯，好底飲+好好飲.........hehe~~

不過由於好多人等位，所以我地得 1小時 15分鐘就要交枱喇......

之前聽朋友講話呢度好食，所以就來試下喇......

魚香茄子：好香，好熱，好有獲氣，不過就超級油呢.......
石榴雞：隻雞的皮好脆，d 石榴汁好清好甜，仲好特別添......而且，佢仲有一片片的石榴，同一片片的蘋果夾埋一齊食，好正呀......
豆腐 + 蝦(唔記得左佢個名添)：佢個賣相好靚，個蔬菜汁的顏色配搭好靚.....不過個味道就一般，冇乜驚喜
瑤柱xx菜苗 (又唔記得個名)：um............好一般啦.........

雖然 d 食物唔算好有驚喜，不過個環境真係好舒服，d 坐位又大，最岩朋友傾計......所以一定會再來。

今日去完九龍塘拜年，唔知邊度 dinner 好，所以就突然來《又一棧》試吓喇，估唔到又幾 ok wor......

燻魚：呢個唔算特別好味，不過勝在 d 魚肉夠爽，唔會太腍 or 粉......
砂鍋雲吞雞：個湯底好夠味，d 雲吞同雞的份量都好足，不過 d 雞的肉質就麻麻地喇......
風沙雞：個味道幾好，不過 d 肉質又係麻麻地......
糖醋小排骨：呢個汁好好味，而且又熱熱地，d 肉又好食......正呀......
上海粗炒：d 面的質感幾好，不過個味道 & 料就一般喇......
小籠包：(呢個冇影相添) 呢個好正，又夠多湯，d 肉的味道又 ok，唔錯唔錯......

呢度的環境都幾好，坐得又舒服，一定會再來呀......

係葵芳行完街，唔知邊度dinner 好，所以細佬就suggest 食上海婆婆啦......但都係同平時一樣，勁多人等，我地都等左成 45 mins 呀........

醉雞：呢個幾好，d 雞夠滑，d 酒的濃烈度幾好，夠凍，又唔算油，好好味

鮮茄蝦仁鍋巴：個汁的味道 ok，唔算過酸........不過 d 蝦就唔係太好食；d 鍋巴的份量又太少........總之就同個價錢唔成正比啦

椰菜回窩肉：呢個好惹味，送飯一流......正(不過就油左d)

婆婆粒粒炒飯：呢個超差，個飯好乾，又冇餡，個味度好似扮緊生炒糯米飯咁，好奇怪

上海津白：呢個一般啦，冇咩特別

酸辣湯：呢個都冇特別，ok 啦，不過份量超多............

糖醋魚塊：呢個唔得，d 魚肉太腍，唔脆又唔爽，又多粉，一啖咬落去就係一舊粉.....唉......