出左一段時間既和風紙上燒終於有機會試,選左牛豬雙拼既配搭...其實坐左10分鐘先落單係因為收銀小姐話廚房準備中...於是我就等而朋友就叫了焗豬扒飯,個飯colour睇落ok...但撈完後發現其實汁好少...食到底有d乾要靠野飲沖落去...

紙上燒準備功夫長d...仲要搵阿姐幫手起火...其實所謂紙上燒都係一個黑色鐵兜上面加張紙...基本上唔係好清楚張紙用途...真係可有可無...份量呢對女仔來講絕對夠食因為仲有烏冬...牛呢就2-3片 豬就4片...另外一堆菜係底...基本上要靠佢個2個汁來配住食...但絕對份量唔夠...所以見好多人都走去問佢拿多d汁...(燒燒下d汁冇晒)...

老實講呢d野試一次過下癮就ok...絕對唔平 純粹係卓頭野 下次可免!

點了人氣飲品 3q百香果...呢度特有...價錢合理同時入面有齊椰果 珍珠...實在抵飲到震... 而且最好既就係你叫走冰...佢走冰同時唔會扣減你成杯既份量
...照樣俾得滿滿你...而且少糖 半糖個d佢真係會跟到足...珍珠落杯時都見地拿個磅對住... 所以杯杯都一樣份量 而且好多珍珠 椰果食唔晒 A_A
2者咬感煙韌非常 14$中/16$大 實在合理! 只是人真係太多等好耐

由於食早輪下午六點正不用等位...但要7:30前交台...理解...因為入面非常的狹窄...少台...既然不用等位當然要幫番人地...
坐底時新聞尚未播映...叫了8隻餸 唔駛15分鐘已經全部上台...因為得我地一台叫左野食 (其他台人地仲要等齊人)

分別叫了 黃金豆腐~豉椒炒蟶子~芝士焗斑塊~椒鹽鮮魷~沙拉骨~油鹽水蜆~沙薑雞腳~越華會炒飯

黃金豆腐睇得出係招牌菜...因為上台時同時幾台一齊上...蟶子香辣惹味 青紅椒切成粒粒加汁伴飯一流之選
芝士斑塊份量比較少...但芝士好多好漏...鮮魷加了香蒜 食落更加香 但更熱氣...
沙拉骨幾多骨但味道拿得幾好 甜酸岩岩好...水蜆係凍天食好正因為飲左d胡椒湯成個人好warm
雞腳大大隻幾入味,而且筋同軟骨都咬到...本來想叫白飯但見到12$ 倒不如叫個炒飯...比想像中好 炒得乾身 香口 而且色夾得幾好

計味道真的不錯....服務也周到 因為過一陣侍應就會走來換碟 加茶即使佢地好忙時...
不好的地方可算係地方太細 行唔方便 同埋旁邊台坐得非常近...所以傾計唔方便...加上地方細人地趕住做生意 所以唔坐得耐!

呢間茶餐廳可算係跑馬地人氣之店...聽過好多次...係openrice 一睇果然好多食評而家好的多...當中更不少係高手食家...今日終於有幸來試一下
但原來坐台方面要小心...一不慎就會坐錯...餐牌選擇都ok多 中午還有午飯...但因為未算太肚餓所以只叫了一個沙爹牛麵配奶油厚多,另外再叫
了一個油砂厚多... 厚多士果然名不虛傳大件得來香口 內層鬆軟... 沙爹牛麵料足 汁ok多! 果然傳聞係真既

但因為多人關係所以要搭下台...但侍應都ok 態度好好咁問聲你...抵食加抵讚!
鍾意熱鬧既人岩晒,因為真係好多人,但樓底夠高所以d聲可以遠走@_@ 估唔到跑馬地都搵到咁正既野

久聞這兒的蝦子麵...終於有機會一試...但一到達就覺得可怕...因為店內非常細小...空間異常狹窄...還有那多麼多的人在外等候...幸好我開始等時
不是太多人...但也要等了大約10分鐘...入內馬上拿去餐牌叫野食...但價錢原來已更新...但算了...難得一次...知道撈麵較出名所以叫了黑柏葉撈麵+
雲吞牛根腩撈麵...等候時吃了每台都有一罐罐醃蘿蔔... yo!!!! 非常好味,酸酸地帶甜 而且爽口非常...實在係開胃之選...

之後2個撈麵同時上台,賣相非常好 擺設整齊加了蔥絲好靚,但黑柏葉沒味...只是爽...唯有加點醋和剛剛的醃蘿蔔...牛腩味道不錯,但份量很少雲吞3粒
....幸好還有麵打底..麵身軟硬剛好...配上蝦子更白更美味...原先以為蝦子係鹹...點知唔係...反而有種甜既感覺...2個麵話咁快食完...味道真的不錯...難怪大排長龍....賣完單出來時條隊仲係咁多人... 下次再來時要搵個少人時間...