古舊氣色...係到步時第一個諗法...老老實實個位置真係唔太方便...不過順便經過呢區所以就來試一試...出奇地到門口已經有人等位...但又好好彩一班人走...結果都係唔駛等 餐廳入面燈光好暗...同舊式扒房的確有幾分相似...沙發椅當然係首選...坐左係電視下的一角...好彩餐廳頭尾都有電視...

最基本又最安全就係食扒餐...要左2客西扒7成熟...蒜蓉汁 黑椒汁各一...2個紅湯 2杯凍檸茶... 餐包配紅湯人生一樂也... 紅湯入面真的有肉 呆左一呆...飲一口幾好味...再飲...開始有d辣...細心一睇...完來黑椒作怪...雖然辣...但還是好味...2塊鐵板餐隨即送上...汁往上一倒...強勁的煙+蒸氣令人暈一暈...喳喳的聲同時響氣真係好懷舊感覺...扒餐雖然不算貴 但也沒有用普通貨...軟熟度控制得好好而且汁都夠味...薯條更是新鮮炸起 絕不馬虎...別區的人絕對值得來試!!

近年日式火鍋興起...感覺比中式的來得乾淨令人食得放心...而且格局通常比較高級...世貿這間一樣如是...自助吧放在店的中央...拿取食物甜品來得方便...自助吧種類非常多...而且後段時間不停加料和出新種類...如迷理墨丸 炸魚肉等便是...是次湯底選了泡菜湯底...肉類因為貪心關係選了牛豬配...其實雖然看上去肉片數不多...但自助吧的份量足以彌補...無限肉跟本吃不消...
泡菜湯底味道不太激...反而帶點酸酸的非常開胃...想不到60分鐘很快便過...但侍應生好好人話非繁忙時間會批准繼續進食...而且汽水也是不停添飲...收碟也非常快...整體來講非常滿意!

本來打算行街看金魚而已......點知中途竟然肚餓...原因係比經過的呢間餐廳吸引...入到去見到人山人海...座位空間狹窄但仲係爆滿...好辛苦先搵到2人位...一坐好已經要落單...好彩入去前已經想好...來到當然要試蕃茄通粉...一搭牛一搭豬潤...再跟餐肉蛋多士和餐肉蛋三文治...還有一杯華田一杯熱朱...每人也是大約30$...怕唔飽再加了燒賣加底...

通粉先上份量跟正常茶餐廳的一樣...但蕃茄湯底什有特色而且很香更好味...牛肉豬潤味道可以...但不算上等貨色...反觀餐肉蛋份量非常大碟...而多士跟麵包也是厚底...多士當然香...但牛油麵包卻更帶出牛油味~~炒蛋也來得滑...建議配上麵包一起吃....至於飲品跟平常的差不多吧~

意想不到假日也要上學..放學後...本來打算食午餐...但又接近下午茶時間 經過這店於是便入內用餐...四周只能用金碧輝煌來形容...想起自己從未遊泰國...真是遺憾...看到下午茶餐牌價錢也不便宜...但原來已經比正餐的同款食物平了許多... 點了很久沒吃的泰式海南雞飯+咖哩牛腩飯...

海南雞飯飯味適中但帶點乾...雞算是嫩滑配了帶少少酸辣的醬很開胃...咖哩牛腩飯應該是黃咖哩吧~~真的很黃..辣度來說剛剛好對於不吃辣的人...反而帶點甜的令人驚喜...只是奇怪薯仔反而帶爽口...照道理上平常吃的咖哩薯仔也是軟身的...可能不習慣吧~~~

老實講味道真係唔錯難怪下午茶都有一定數量的人士在坐...但份量來說...雖說是下午茶但以這價錢份量希望可以多點吧~~因為真的不夠呀...吃後賣單後還要再吃東西~~

下午與朋友行街興起於是搵地方落腳...到左板前門口一入就有位...入面雖然都有人但梗係冇平時見到咁爆...始終係下午人人都番工^^ 因為方便傾計關係所以冇坐bar台...卡位空間大同坐得舒服...唔好處係見唔到壽司軌拿第一手食物... 食tea關係唔叫太多每樣都一件起一件止...難得見到墨魚做番以前切紋燒起的做法而唔係街外見到一塊平滑表面墨魚而已... 北寄貝也很可愛...漲起似一個小包包入面包住飯...一邊食一邊傾...傾傾下都5點了又係時候番屋企食晚飯了...今次時間唔夠...下次一定食番夠本