聞說朗豪坊近日新開了一間西式甜品店,西式甜品店在旺角區可算少,平日都要到尖沙咀或九龍城等地方,於是便同兩名友人一同嘗試。
當日是星期六晚上八時, 可能時間尚早,大部份人還在食晚飯,店內人流不算多。
店內用上黑白色配搭,感覺較高貴,座位空間亦十分寬敞,環境比起同區甜品店寧靜舒服。我同兩名友人各點了一件甜品, 這裡的甜品價錢大約$2x~3x, 比起大部份$40一件便宜少許,不過這裡比較迷利。
這裡其實是半自助式,首先自己到甜品櫃選好甜品,付款後拿着號碼牌坐下等甜品送來。

第一個甜品: Green tea & White Chocolate Mousse Cake賣相精緻可愛,外型十分吸引
首先外面應該是綠茶混同icing sugar 做成的脆皮,內面green tea mousse ,最內面則是一個球型的white chocolate mousse ,底層是常見的純味蛋糕。
可以食出淡淡嘅綠茶味,mousse口感柔滑,整體沒有膩感。

第二個甜品: Napoleon Cake據侍應所說,他們的Napoleon Cake是即整的。
拿破倫皮很鬆脆,層次分明, 吉士都軟滑, 味道唔錯。

第三個甜品: Rasberry & Blackcurrant White Chocolate Mousse Cake三個甜品之中,我最喜愛這個。
首先外面好有夏日感覺,紅配白色看上來很開胃,
其實整個cake都是White Chocolate Mouss,中間包着酸甜的Rasberry & Blackcurrant果醬,底層則是Newyork chesse cake 的消化餅底。
整體酸酸甜甜,很適合夏日的口味。這裡的老牌娘十分熱情好客,老牌娘親自教我同友人從那個食起來,以及如可吃較好。
我們當天沒有點任何飲品,老牌娘還送給我們一壺西式水果茶給我們嘗試,實在難得
其實100 bites 的西式甜品整體清新, 比起Paul Layout 等甜品偏淡,
可能唔算正宗法式濃濃的甜味,反而這裡沒有膩感, 更適合香港人喜愛。

一直以來係openrice 上都睇 The Market lunch buffet 有唔少好評, 今日終於有幸可以試到近年內出名嘅lunch buffet。
由於今日係平日, 我係前幾日打黎就book 到位, 無需好似有食評話要成個月前book,不過我今日睇到全場都有7成滿,平日都算幾多人下。
場內環境開揚,坐位舒服,坐低之後, waiter就送上杯菊花茶

首先,睇下攞食物嘅環境 :salad 我冇食到, 不過睇落放得幾整齊,冇食到所以味道就不作評論。cold cut
有幾種cheese : Danish blue cheese, Baursin Ailsand Pine Herbs,Brie Cheese ,Cream Cheese
鴨胸salad,沙樂美腸,tomato,Parma Ham, Smoked Salmon Jelly ....等等
其中Smoked Salmon Jelly 比較少見, 其實味道並同普通Smoked Salmon 冇咩分別, 只不過用jelly 包住, 咬下去有點彈性。
外觀作用比實際味道佔多。
Parma Ham 係放係其它地方, 味道同其他buffet 差不多, 屬正常buffet貨色。
照中基本見哂全部cold cut (Parma Ham除外) , 款式唔算多, 但大致上味道唔錯,冇一種難食,不過亦不致於不停添食。海鮮方面: 有龍蝦鋇,青口,長腳蟹,蝦,小龍蝦
龍蝦鋇,青口,蝦 三種味道唔錯, 都新鮮爽口,不過唔算特別好食長腳蟹就好好食,好新鮮, 有蟹肉淡淡嘅鮮甜味, 一定要食
反而小龍蝦令我好失望, 好好好咸 , 好似浸左濃鹽水咁, 咸到苦
另外有刺身提供,款式得4~5種 , 我食左三文魚同甜蝦, 三文魚雖然不是腩位,都夠肉厚肥美熱食方面:
有基度山三文治,炸鱸魚,豬仔骨,煎龍利柳,燒雞, 星加坡咖哩牛腩 , 印度烤肉 , 印度薄餅 , 泰式豬頸肉,泰式香葉包雞 .......等等
中式腸粉,炸両,老火湯(是日: 牛肝菌雞湯)
個"牛肝菌雞湯"名都幾勁下,有牛肝菌,不過可能小弟食好野少, 覺得牛肝菌同淡味左嘅冬茹差唔多
不過就咁當清雞湯飲都幾純,夠肉味,可以飲返啖

以下幾張係我最like 嘅熱食: (P.S.我比較like 食肉 XD)首先係羊架, 必食 , 好香好好食
羊架肉夠厚身,唔係得舊骨,而且唔膻
我見佢地煎左個羊架面至金黄,再焗一焗 , 做到外脆內軟 , 睇相都見到中間帶粉紅色, 肉質非常嫩滑 !! 燒肉眼 必食 ,同羊架一樣咁好食!!
煎得好出色, 我都唔洗多講, 睇相都知好靚我記得我第一次覺得德國腸仔係在King Ludwig Beerhall。
雖然呢到嘅腸仔唔夠德國餐廳好食, 不過係buffet 當中佢地嘅腸仔屬於好食
大部份buffet 嘅腸仔冇咩肉味,好似白烚咁,仲要冷冷地。
可是, 呢到係有肉味, 而且有煎香過, 都算幾好食喇沙 必食 , 湯底夠濃味,有椰香仲帶點辣。最好食係豆腐卜, 吸哂喇沙湯味
海南雞飯就 ...... 食金寶算XD甜品方面:
基本上全部都有水準
面包布甸用上酥皮做面,酥皮濃濃嘅牛油香再搭上軟軟嘅雞蛋布甸,好match好正!
雖然都幾fat 下,不過一定要食 Jasmine Chocolate Cake 朱古力夠濃郁,中間帶點脆,咬下去軟中帶脆,無論口感同味道都好好圖中有Jasmine Chocolate Cake , Apple Studle , Mango cheese cake ,Lemon Tart , D24榴槤 Tart , 綠茶朱古力蛋糕 ,綠茶奶凍 , macaron
基本上大部分都可以同Tony Wong 有得比 =]
其中對D24榴槤 Tart ,綠茶奶凍 印象比較深
D24榴槤 Tart 仔 (圖中正中間位) , 榴槤味好濃, 好似直接食焗香左嘅榴槤咁正 , 榴槤迷必食
綠茶奶凍做得好好, 奶凍好軟滑同時帶有綠茶味 , good ~
最後講下macaron,
同Paul Lafayet 比, 杏仁粉味道唔夠濃, 質感唔得融化,層次差點,
不過公平咁講, 以任食macaron佢算好好, 同街每粒$1x元比好唔公平, 任食macaron算交足課
P.S. ice cream 係Movenpick , 特別 lemon 味,我個人幾like

總結, 整體食物都有水準, 款式就真係少了點,價錢 $288 加一其實我覺得好抵又稱唔上, 不過勝在The Market 貴精不貴多, 如果大家想食餐好點嘅lunch buffet 又唔怕貴少少, The Market 都係好嘅選擇

當晚同朋友去左深水埗睇電腦, 佢話行過去長沙灣有間抵食糖水,於是就黎左呢間
到果時10點多D la, 唔洗講都知出面排哂隊 , 人多到數唔哂
好彩得我同朋友2個人only, 有D 2人枱仔空左可以馬上食
我地叫左佢地嘅招牌 幻彩明珠 , Summer 同一個木糠蛋糕首先講下個幻彩明珠, 有黑珍珠,大明珠,涼粉,生果粒再淋上芒果汁同椰奶
黑珍珠,涼粉同大明珠基本上都係甜品原材店大大包買返黎過果D貨色, 冇咩特別
生果粒都唔算鮮甜, 大部份比較生同硬身
最重要係個芒果汁, 基本上上面所講嘅料就冇咩味,好唔好味好重視芒果汁
芒果汁係有鮮黃色, 但係冇芒果味, 都冇芒果果種香味 , 好似黃色糖膠咁
搞到整個幻彩明珠好淡 =_="Summer 係我果朋友食嘅, 冇試過木糠蛋糕質感唔錯, 不過木糠蛋糕本身應該好香D 曲奇同牛油味,但同幻彩明珠一樣淡味

總括以言,整體味道偏淡,好似將D野開水咁, 只係外表色彩繽紛, 好似好吸引咁
環境同衛生都唔多ok , 人多又噪, 位排到迫一迫 , 枱面仲有糖水漬
加上人咁多,基本上都冇咩服務可言
價錢係比旺角D糖水平10蚊左右, 但味道,環境,服務同衛生都差好遠
食糖水係應該舒舒服服, 邊食邊同朋友吹下水
如果為左食平D, 又要排長龍, 又要專登去長沙灣, 坐得又迫 , 又噪到傾唔到偈 , 味道又一般,我寧願比多少少算~