五穀健康包，係一個圓形大包切件，個包混有五榖，好有口感同埋咬感。係健康得黎又好食的包，值得推介！

佢D食物的份量唔多
女仔都OK但男仔就會唔夠飽
佢D set Dinner 冇湯跟只有餐飲
所以都唔算平
但味道都ok 啦
出奇地驚喜的是佢個奶茶好正
好有奶味
茶又唔苦
唔似得其他西餐廳的奶茶
同茶餐廳的有得fight 呀
下次去一定會再叫呀.....

星期六同J行完海港城，大出血後，我們便找個地方吃個晚餐。見冇人等，又近近地，就入左去，入到去唔多人，仲有好多位。打開餐牌，嘩！只不過係間茶餐廳，食個炒粉麵都要近六十大元。唔怪得冇咩客啦！我地分別要了表哥至尊焗飯($58)及馬拉盞海鮮炒烏冬($58)。局飯先到，至尊焗其實係白汁海鮮及茄汁豬排焗飯。賣相唔錯，估唔到味道仲好好，可以話係我食過咁多焗飯裡面算係數一數二好食的焗飯。炒飯底，炒得唔油，軟硬適中，兩個汁都好好味，食到停唔到口，加左適量的胡椒，令個味道好好，但個豬排就一般，唔夠鬆化，大家樂都好過佢，但個汁同飯真係“好”！而他那個烏冬也可以，但都係唔及個焗飯好味。所以來這裡一定要叫焗飯！見佢個焗飯好味，貴d都算啦！不過平d，一定會多好多客，話哂都只係一間餐茶姐！

唔知係咪星期六夜晚定係打風的關係，入到去都仲有位，我地兩個人坐四人枱。一坐抵就有個呀叔好似好急咁要我地order啦，未諗清楚，我地兩個好急咁就叫左，火煺通、炒蛋多士同埋凍檸水、凍奶茶各一杯。我杯凍檸水要左少甜，比起其他茶餐廳的少甜真係唔甜呀！可能佢o既正常版都唔係太甜，點解我咁講，因為那杯正常版的凍奶茶，甜度適中，奶味好足，好正，啱哂我叫親凍奶荼都要多奶少甜的人，但係真係細杯左d。炒蛋、通粉都唔係十分出色，炒蛋都頗油，最正都係那兩片厚厚的油多，食完好飽，唔係佢幫我食埋那些通粉，我諗我食唔哂成個餐呀！我問佢覺得好唔好食因為佢係第一次黎，話佢個茶餐都唔係食評講得咁誇張，仲話炒蛋好難煮得難食喎！今次無我上次同個老友黎食lunch咁多人，我地慢慢食，仲傾左好一陣子呢！

星期六晚睇完戲黎左呢度食晚飯，之前行過都想試下因為個環境同埋菜色都幾吸引。一打開menu 都冇set dinner，野飲同湯要另外order。
叫左一個飯同一個意粉。
鵝肝牛柳粒飯鍋：上枱熱辣辣，我少食牛，所以冇咩點食呢個，個飯幾軟熟，幾香，但個鵝肝就薄左d，牛柳粒都算幾厚身，都有牛肉味，但份量好少，某人食完大叫唔夠飽。
東京風味意粉：其實叫那時唔知係用咩料做，但見個圖有隻好似溫泉蛋的東西係上面，好似幾正，就一於叫來試試。個意粉質地好正，係我去過咁多餐廳之中其中一間我欣賞的，軟硬適中，口感唔錯，但望清楚除了隻蛋外，真係見唔到有咩用料同配菜，主要食佢個醬汁同個半熟的蛋汁。佢個汁都好正，食到我地兩個都係度讚。
但係呢間野實在太孤寒啦，個意份量超細，俾個細食的女仔食，都係緊緊夠，係唔飽個隻，某人話齋如果男仔食要一碟半的份量才夠。可能間野想d客唔夠飽再order其他的東西。佢d料又少，份量又少，而價錢亦非平，真係賺死佢呀！
仲有呀！佢地一見到個碟差唔多食哂，就立刻過來收碟，個時我仲夾緊最後個束意粉，當我地食完佢又立刻埋黎問我地仲有冇order，我地話冇，佢就收哂我地所有野，好似驚死我地阻住佢做生意咁，但都見唔到門口有人等位，今時今日咁o既服務態度點得架！
我個笑面係俾個意粉，其餘就…唉……