星期六又到這裡吃晚飯，今次我們要求坐露天位，等了會兒便安排我們入座，兩個人坐的是四人枱，所以十分舒適，還可以放手袋呢！
原來露天位個feel幾唔錯的，天空的顏色不時變化，只是暗了一點而已，又不會有侍應行來行去，唔似上次咁，好快將我們剛吃完的碟取走，使人想多談一會也不能。不過就較難叫侍應同埋光線較暗，但他們都有定時加水。由於上次覺得他們的食物份量較少，所以這次我們叫了一個意粉，一個鍋飯及一個pizza，三樣東西兩個人食，但估不到份量明顯比上次多了，不知是否有人投訴過呢？這次我們不是吃不飽，而是吃不完，早知份量沒以前少，唔叫pizza都夠食。我唔太like佢地的pizza，這個和風薑汁豚肉pizza，味太濃，都係傳統多芝士的pizza合我口胃。而個芥辣飛魚子意粉好特別，食熱的wasabi加上好有口感的意粉，好過隱。個北海道松葉蟹飯好正，好有蟹味，都食到唔少蟹肉，面頭仲有兩條長蟹腳肉，飯又夠香軟，與汁同吃好好味，只係咸了些少。推介這個飯，尤其推介俾鍾意濃蟹味的人。

今日黎呢度食Lunch，要左兩個set lunch，分別係香茅豬排椰香飯及雞絲湯河，兩個都轉特飲，每人加八蚊，仲有個小食添！
個小食好味但都頗熱氣，而個豬排好鬆化，幾好食，最好係個飯，軟硬適中，配埋個汁，都算冇揀錯。而個河粉佢都話唔錯，比較啱鍾意清清地的人。
檸檬柑桔蜜及青檸梳打都唔錯，唔怪得咁旺啦！
雖然我覺得OK但佢就話唔係十分啱佢口胃喎！

今日同十年無見的同學仔食晚飯，大家都沒有特別意見下是但選擇左呢度。入到去估唔到都幾大，客人都唔少，但唔駛等就有二人木桶位，木桶好過隱，坐入去好似兩人的小天地，但個位都幾細，肥人免問。我地叫左個餐，因為個餐有一個小食、主菜、台式飲品同埋一個芒果果凍，比較抵食。主菜要左龍脷柳焗飯，個汁好味，有好香的胡椒味，但又唔會太濃，龍脷煎得好香，焗飯係炒飯底，飯軟硬適中，正！小食要左越南豬肉粉卷，面頭的豬肉鬆甜甜地，味道唔錯，可惜面頭掃左好多油，扣分。另外叫左個葡汁四蔬，都頗大兜，仲好熱辣辣，唔錯！個龍蝦湯賣相好得，我冇飲到因為要戎口，個friend 話幾好味，而家特價$9.9，真係好抵。埋單仲俾左$10 coupon 我地，下次都會再黎試下其他野！

星期五放工兩個人約埋一齊來到這裡吃晚飯，去到要等，都唔少人係門口等架。我地差唔多都等左半個鐘先有二人枱，打開餐牌樣樣都想試，但係只得兩個人又怎可叫那麼多呢？最後都叫了四款東西，但沒有留意到餐牌上的辣椒標誌，原來我們order的除了素菜餃外幾乎樣樣都頗辣，尤其是那個魚香肉絲配薄餅，某人完全吃不下，但我卻覺得很好吃，他只肯勉強地吃下一塊薄加少許肉絲，其餘全由我一人吃光，飽得我動彈不得。擔擔麵都不算十分辣，那隻碗十分大但麵不是十分多，沒有什麼花生味，本人較喜歡花生味重的，麵是幼身的，麵質都頗彈牙。欣賞素菜餃的皮，反而d涵麻麻地。佢就最鍾意個炒四季豆，唔算辣，香口又嫩，幾乎全碟俾佢食哂！
呢度的質素都唔錯，唔怪得咁多人等位，值得再來試其他菜，不過唔會同唔食得辣的他再來。

黎呢度當然要試下佢地的pizza啦！那次我地叫左個好簡單配料的pizza，芝士蕃茄pizza，真係可以食到pizza 的原味同埋餅底的質素。味道唔濃但有芝士香，好淸又唔漏的感覺，餅底是平時的厚派與薄派之間，值得一試！