話說呢間野做團購~~
玩game贏左個試食券
住九龍都老遠入黎試下係咪好食

預早打黎book兩位, 有禮貌...
之後有事要改早兩日, 都冇問題, 幾有禮貌~~
前日朝早有打黎firm...

九龍入到元朗7點半, 已經坐滿9成~~
ok好招呼~~
收野快, 一食完就即收~~

食物一眼睇晒
熱盤冷盤就唔多咁多
相對熱盤就算少...唔太多野揀~~ 1.炸蝦幾好食...夠熱夠脆唔怕過龍
2. 芝士青口唔錯, 芝士唔會吝嗇
3. 三文魚刺身大大塊好食...

1. 鯛魚冇咩味, 呢個差d, 之後都冇再食!
2. 燒三文魚唔夠熱...食落去凍凍地~ 1. 三文魚壽司有d係腩, 勁正!
2. 甜蝦壽司都ok~唔錯, 唔怕乾晒水

一般: 1. 小丸子, 都係咁上下味道, 間間一樣
2. 薯餅, 本來好好食, 但食一塊好濟, 如果一半size就好啦
3. 無啦啦送既蒜蓉包, 自助餐梗係自助架啦, 不過都唔算差~

1. 吞拿魚刺身..同出面好多一樣, 淡而冇味! 1. 又拎三文魚壽司, 因為勁正lor!
螺ok呀....幾鮮味!
一般: 蝦同蜆冇咩特別味, 日本螺肉又係同出面差唔多, 不過唔夠凍就差dd燒雞翼一般, 燒得太乾身, 冇咩肉汁...出過一次就冇三文魚腩刺身, 堅正甜品普通, 唔係特別好食, 唔難食lor
雪糕雪條係用阿波羅...因為我有試食卷, 埋單除番開112一位, 平時就188+1, 電話訂就85折~

後記:
1. 個女侍應成日行來行去
原來我個位好靜, 搞到好煩擾...
唔通我太靚仔? (講笑)
希望佢地睇到可以改善下

2. 個男侍應碌完我張卡走埋黎
一打開, 冇筆, 跟住問我: 先生需唔需要筆呢?
我當堂打個突, 好想寸佢 "唔通用手指寫血書咩??!!"
最後我都係答"哦, 好呀!"

總結:
食物總類少, 質素唔錯, 以平價自助餐黎講都叫唔錯!
侍應後生仔女居多, 建議多加訓練, 禮貌冇問題, 處事就要改進!

以前呢個位係燒肉市場, 不過可惜已經執左粒...
呢間野新開左一排, 開頭見佢成人$228, 小童$118...
嘩...深水埗放題$228仲要唔係黃金個邊, 有冇人食呀?
後來呢幾日減到$148一個加一, 決定今日就試下值唔值!

環境:
同以前燒肉市場個格局一樣, 台面上既燒肉爐都冇拆走...
如果比起其他放題, 佢算坐得舒服, 四人卡位坐四個人絕對唔迫!

服務:
唔知係咪新開, 服務可接受但有改善既地方!
雖然係汽水任飲都應該倒杯茶黎掛...
收碟算快, 可惜好多時快得濟, 用黎裝骨/殼既碟好快就問我要唔要
漏過一次單咁大把, 其他都齊, 唔錯!

種類:
對比起其他放題佢又真係少左好多選擇~~
相比起某d放題, 佢可能少人地1/3...連雞翼都冇!
唔通重質唔重量?

食物:一黎就送個咩和牛...
我expect佢係入口即溶, 或者好淋身, 點知係...幾硬下!刺身好食, 最好食梗係甜蝦啦, 有d仲有蝦子架, 我地兩個人叫左三轉差唔多每人十二隻!!吉烈蝦賣相一般, 開頭以為唔掂! 點知食落又幾好食, 唔係乾爭爭, 整體既炸野都係好食!燒雞軟骨, 我覺得佢係炸唔係燒, 不過又食好味! 唔怕太咸!

約左班朋友去食個tea
友人話未試過呢間
咁就一於食呢間試下啦...

由於我地多人既關係
要拍幾張台俾我地
侍應都ok nice~
而且仲會加水俾我地...
態度唔錯~~

室內用cafe形式既裝潢
光線好足...唔會黑麻麻
雖然實質都係茶餐廳
但係坐得幾舒服

睇下有咩食先...
冰火菠蘿油?
菠蘿油就食得多...
冰火又咩意思呢?
一於叫黎食下...
等呀等...
等左10分鐘...友人d麵呀包呀都黎晒
係我個包咁耐都未黎.....
於是我再等多5分鐘.....先有得食
一黎到因為好肚餓
急不及待已經食左一半.....先記得影相
原來係烘過個菠蘿包...
變左個皮脆脆地
入面夾塊凍冰冰既牛油~~
係幾好食! 直得一試!!

凍飲+冰火菠蘿油

多數做團購都好難book
呢間反而好easy
希望係因為地方大
而唔係d野難食

揀呢間牛陣因為方便泊車
而且又有$50 雪糕優惠送...
好耐之前試過觀塘個間
d牛勁好食...所以打算食過翻尋味...

一行四人準時到, 安排左較靜既卡位坐...
附近都好多位吉左
我諗都可以坐到幾十人
地方好大...

可惜正野食就唔多
丸個d特別少
只係牛同豬係任叫任食
個半鐘你叫幾多黎幾多...
食一百碟都得...
反而花生任食就第一次見...
有炒飯白飯
o者喱同雪糕

味道方面
豬肉都ok~
牛真係好差
尤其是第一水黎既牛肉~
冇牛味..得雪味~~
之後個d都一般~叫好少少
其他食物就中間啦
始終主打係牛.....
個湯底最差
白色個d唔記得左係咩野
但係咩食物放到落去都變難食
紅色既係泡菜...勁咸!!!!!!!!!!!!!!!!!!!
值得一讚既係dryers 雪糕
好味, 多款 (總其有十種)
不過手快有手慢無
我地食到一半去都差唔多無晒某d味
如果食晒先去, 好多都吉左~~

經理幾好招呼
落單冇托手"爭"
其他侍應都ok~
叫佢地加野都好快
唯一想彈既係佢地對答既技巧~~
聽入耳唔係好舒服lor
希望佢地睇到會改善下

味道：
好好味! 熱氣野, 唔健康既野多數都係好味既!
芝士薯條依舊好香好脆
熱狗包都係即叫即整.. 熱辣辣, 香噴噴
唯一唔好既係soda...兩款好似差唔多味咁...


環境：
堂食要企度食
而且係後巷, 又多人等, 企度食都好鬼迫咁


服務：
ok既! 起碼用coupon都唔會黑口黑面
拎野食既服務員都好有禮貌叫我等
可惜都等好耐
等左5分鐘先有薯條, 又再等5分鐘先有熱狗...


衛生：
唔太大要求都ok既
服務員都有透明戴手套
不過始終係後巷隔離...


抵食：
團購買架
所以都ok抵
$25 有soda, 有薯條有熱狗...
比平時平少少~