我都算係‘間唔中長沙灣’街坊，佢o的餐同一般茶餐廳一樣有湯意粉跟炒蛋／煎雙蛋／蛋治／腿治，午餐好似係可以跟腿蛋治添！
講真，真係好夠份量o架，有時都要打包，最抵死就係我至愛o既半生熟炒蛋哩，趁熱食，正！
佢o的咖哩（豬扒／雞）飯都好好食o架！好多街坊，工人幫襯．．．若要食‘環境’o既朋友未必o岩喇，咪以為衛生差呀，都好乾淨o架，伙計都幾玩得o架（可能我係街坊啦）！
記住，係六點收工，要食趁早～

正當個個「早放」匆匆回家團年之際，我卻當值；除了幫不上「媽媽菜」忙之餘，亦來個「急件」，結果離開之際已是黃昏了。


見亦是「紀念日」，繼上次「上海佬」之後，再一次大顯「喪傻」精神（笑話見專頁）。


六點多，姍姍來遲為了兩杯奶茶少甜外賣，額頭冒著汗的我來說，無它的，只因喜愛她的「香滑」來孝敬雙親。多謝老闆的「熱誠」招待，今時今日的服務態度果真一絕，祝生意興隆。


匆匆回家、匆匆吃團年飯、匆匆出外逛花市還是匆匆打番幾圈呢？！祝願大家流年開開心心、健健康康、事事稱心、團團和氣、滾滾財來．．．

見食友話Qo麥做埋今個月底，一心諗住去捧一捧場。
叫左碗大辣麻辣牛腩豬蹄花四川雨線，由於未食過雨線關係，覺有新鮮感，並不糊口，係血紅色o既麻辣底下（睇下～），樣樣野到入哂味，連果幾條菜都辣到飛起．．．真係爽呀～
唔好話自己認叻，雖然係大辣，但依然食得到（只不過食完果兩個鐘頭有些少胃痛）。好鍾意佢o既豬蹄花（即豬手），唔會太淋又唔係果o的厚厚豬皮咁，同檯有客仔叫左一大碟剩豬蹄花添，仲猛話「只此一家，正！」。我唔識分佢正唔正宗，但不失係一間價錢抵、味道好o既小店，嗜辣o既我，又豈能放過哩，希望係佢「唔做」之前（問過老闆娘係咪搬舖定唔撈，佢話做到五月底，多數唔會再開喎．．），幫襯多幾次啦！
另對佢o的自製麻辣油幾有興趣（四十蚊），買番屋企做調味都唔錯喎．．．
邊食邊流汗，爽呀，咁先叫食辣嗎！

成日聽見同事讚哩度o的cheese cake好味道，晨早麵包亦「不容有失」．．．
早幾日終於有機會試喇，size雖然細細件，但「芝士餡」絕無欺場，濃芝士味，結結實實．．．價錢只係六蚊雞，抵食呀！！（講真，若係什麼cafe食哩個size cheese cake，起碼都要十幾蚊啦？！）
至愛推介：（看圖）右下方o既new york cheese。marble cheese同blueberry都好正！
一啖一口芝士，真係好有滿足感！（最好係唔太甜嘛！）鍾意食甜同淡芝士味o既您就唔o岩喇！以我個人口味，我就好鍾意。
住太古城咪好咯，食完小籠包可以食番件甜品。

係呀，花園街哩檔其貌不揚o既老麵舖，炸餃同菠菜麵真係確一流，唔好走寶呀！
老細有時會‘醒’你一兩件餃子或者小食比大家試食（我試過食柚子皮），睇你好唔好彩喇！