Well, 今次係睇到團購話呢間餅店有優惠, 而且仲要係我最 like 同好難搵既綠茶紅豆芝士蛋糕, 原價 $176 @, 半價 $88@, 所以無法放過, 一定要 try try。

1. 地點: 呢間店本來在港島係無分店, 但係出奇地佢用咗人地既舖頭作為換領店, 所以都可謂方便。
2. 食物: 綠茶紅豆芝士蛋糕, 係得呢款, 無其他。蛋糕本身富有綠茶味且帶有淡淡的芝士香。無錯, 是淡淡的芝士香, 這可能會對芝士控來說會失望; 對本人而言, 個人認為綠茶同芝士係做唔到朋友既, 所以當似有還無的芝士摺埋後, 令味覺既感受更自然。至於, 紅豆方面就中和了綠茶本身帶有些許的苦澀味, 但又唔會太多太甜。整體而言, 呢個蛋糕就算賣返原價都係十分夠格的。
3. 改進點 (個人而言): 如果可以零芝士, D 紅豆可以平均 D, 蛋糕面上類似綠茶海綿蛋糕抺的 topping 用抺茶粉代替 , 咁個蛋糕就可以做到香濃滑溜 100 分。4. 分量: 如團購廣所登, 只要你唔係想將佢當飯食填肚既話, 佢真係可以滿足到 6-8 人。

一行四人用 Table Map 訂枱, 相當方便。不過, 去到才發現客人不多, 所以其實訂枱只是多此一舉。

此店 18:00-20:00 有半價食品供應, 你點晒都會食得飽既。

半價食物點咗:
1. 吉列黑豚肉: 炸到小小啡色, 無乜豬味。
2. 吉列蠔: 我無食, 不過屋企人話 OK。
3. 雞骨豬肉腸: JUICY, 唔錯。
4. 雞軟骨: 我無食, 不過屋企人話 OK。
5. 串燒牛肉: 我無食, 不過屋企人話 OK。

其他散叫熟食:
1. 清酒煮蛤: Well............OK 啦。
2. 海膽炒飯: 唔知佢落咗乜野汁落去煮, 甜甜地, 不過我就唔多 LIKE, 唔加好過加。海膽份量係足以讓你見到, 事關佢顏色鮮豔而唔係多 LOR, 所以只可以講句不過不失。
3. 鵝肝煮豆腐: 係我錯, 我唔應該點呢樣野既, 唔係食材本身問題, 而係加埋之後味道怪。豆腐本身就軟, 本來同鵝肝既 Texture 好夾, 不由於豆腐味淡, 連帶鵝味也變淡 (食鵝肝本來就要求味濃), 佢仲要加 D 蟹子落去, 蟹子 D 腥味加埋鵝肝本來 "騷" 味, 得出既結果就係 "怪" 味。

Assorted Sashimi:
1. 海膽: 新鮮、甜、濃厚, 正。
2. 深海池食: 我無食, 不過屋企人話新鮮。
3. 帆立貝: 新鮮、清甜, 不過唔大隻。
4. 甜蝦: 新鮮、甜, 較一般甜蝦爽。
5. 唔記得。

Assorted Sushi:
唔多記得啦, 不過總結就係新鮮同唔錯。

*** 總結, 生野真係唔錯, 熟野就只係叫得做唔會唔好食。四個人食咗 $1,600, 以呢個價錢去食這些食物係唔會令我想去多次, 亦唔會推薦比朋友食。但係, 我會比多次機會佢, 可能過多幾個月再去 TRY TRY, 再唔好食就全面封殺。

這次是 Groupon 的 BBQ 海鮮餐, 團購票費一人 $130. 另加 $47 服務費。這次是十分差的食物體驗, 以下本人嘗試用客觀數字描述, 希望給予別人參考。

每個 SET：
燒蠔 2 隻：每隻約 4cm。 當晚共上八隻, 當中 3 隻不新鮮。
翡翠螺 2 隻：每隻約 4cm, 唔算細隻, 全 SET 最好食的了。
青口 3 隻：每隻約 3cm。當晚共上十二隻, 當中 3 隻不新鮮。味道唔難食, 不過唔好食。
元貝 2 隻：每隻直徑約 1cm, 即約 5 毫子咁大。唔會唔新鮮, 蒜泥味道大於元貝味道。
燒蝦 2 隻：每隻連頭約 7cm, 不過蝦身就好幼。當晚共上八隻, 當中 2 隻不新鮮。唔知佢點燒, 隻隻都變蝦乾。
秋刀魚 1 條：每隻約 8cm, 味道 OK。
雞翼 2 隻：每隻約 5cm, 似煎多過似燒。
豬扒 1 件：每件細過女仔的手掌。
雞扒１件：每件細過女仔的手掌。
腸仔 2 條：正常既燒腸仔。
炒菜：水汪汪, 又鹹又多味精。

** 成日都上少件數, 要提佢地補返。食食下, WAITER 無啦啦走到各枱問要唔要菜。聰明得佢. 個餐包的當然要啦, 又唔係唔知個 SET 的份量細到無朋友。

**除翡翠螺. 所有野都唔好食。一個人要比約 $ 180, 食 D 咁既唔新鮮、唔好味、份量少既野, 倒不如食茶餐廳, 我諗會好食 D、平D 同埋唔洗食到成身臭晒。

16/10 晚上一行十多人到銅鑼灣CEO Neway 唱 K。

入到房已經見到個 waiter 個樣無 "理" 神氣。心諗, 算啦, 可能今晚人多, 佢做野辛苦。

跟住, 請佢幫手拍照, 相中右邊仲有大把空位, 但係左邊就 CUT 左個人。心諗, 算啦, 人地又唔係專業攝影。

之後, 請人入來切 cake, 等左 20 分鐘, 要再追先來。心諗, 算啦, 今晚人客應該真係好多。

最後, 等左十多分鐘, 個無 "理" 神氣的 waiter 入房好求其咁放下蛋糕, 但係 D 蛋糕竟然有 D 係兩件一碟, 有圖為證。你話呢 D 係乜野服務態度?

仲有, 後來我地又叫左碟野食, 咁又等左 30 分鐘。

老實講, 諗住比多少少錢, 環境好D, 服務好 D, 點知結果係咁, 實在係太失望。
以後都不會再幫襯!!!

上週一行十一人到 "上品" 打邊爐, 十一人一致讚好。環境比一般火鍋店舒適。

食物細表
1. 花膠群翅湯/ 鍋 , $128, 每人一小碗。味道及用料不錯, 下次去會再叫。
2. 麻辣鍋, 好似係 $88。唔係好辣, 似水煮魚和牛湯, 食到中段時間就唔辣了。

3. 聖子, 好似係 $68 四隻。叫左三份, 因為清甜爽口。
4. 桂花蚌, $88。叫左二份, 好鮮甜。
5. 墨魚芝心三色椒, 好似係 $48 每色一隻, 共6隻。叫左兩份, 這個配撘新鮮但合襯, 而且三色椒新鮮爽甜。

6. 墨魚滑, $$ 唔貴。夠彈牙。
7. 鵝干包, 好似係 $68 四隻。叫左兩份, 恰如其份。記住到時候就撈上來, 如果唔係會溶晒。

8. 蟹皇包, 好似係 $68 四隻。叫左兩份,普通啦, 我鐘意食鵝干包多些。
9. 本地牛, 好似係 $168 大碟, 唔好期望好大碟。叫左一份, 我唔食牛, 但我的朋友沒 ENCORE, 應該不怎麼樣。
10. 頂級美國牛, $218 大碟, 唔好期望好大碟。叫左三份, 我唔知好唔好食, 不過朋友ENCORE 到三份應該是可以的。
11. 蟹子釀蝦丸, $$ 唔記得, 一碟 6 粒。叫左一份, 好食過超市買的, 但無乜驚喜。
12. 手卷腐皮, $$ 唔貴。Well, 好似食風咁。記住只係係咁意點點湯 or 酸汁就好食啦。
13. 仲叫左菜, 瓜, 菇, $25- $35, 唔係好大碟, 但新鮮。

14. 唧唧墨魚蕃薯麵, $48。軟 "林林", 無墨魚, 少蕃薯味, 唔好食。

總結:
1. 食物夠新鮮。 這正是" 打邊爐" 的要點。
2. 服務殷勤。
3. 坐得舒服, 但樓上冷氣唔多夠。
4. 價錢相對食物品質是為合理。