長話短說, 黎呢度就係想食佢的小籠包; 要了鮮肉小籠包, 我覺得湯汁夠鮮, 女友卻不同意, 但我們都一致認為裡面的肉也不夠鮮味...而表皮, 可以啦...

最有驚喜的, 反倒是鎮江肴肉, 四個字, 齒呷留香! 必試!

跟住可以推介的, 是沙鍋津白, 湯頭甜, 食材又好味, 如蛋皮餃子, 獅子頭等, 豬腸, 鴨腎都很可口!

脆鱔就別叫了, 炒物一項, 酸酸甜甜, 無咩特別..

茶芥每位8元, 有6種平時少機會接觸的中國茶, 都幾意, 值得的!

服務, ok!

一直以來在香港吃壽司只會去見城, 如果要好似神戶牛咁分級, 見城我俾A3, 孝勢我俾A1.

星期六的中午, 三人行, 訂了坐bar枱, 一坐底都未睇menu侍應已經行埋黎sell溫室蕃茄...都幾令人詑異...

要了自選sushi set, 又懶得揀, 便叫師傅話事, 唔要三文魚就得了, 落完單, 又sell多次蕃茄=.=

魚生的新鮮度"可以", 中拖羅令人回味~
師父手勢只叫"可以", 其中一兩件一夾就散了...佢面上絕無半點笑容, 有點hill..
滑蛋, 味噌汁"普通"..

侍應雖然係煩(前後sell左三次蕃茄), 但service都做到足, 朋友L俾wasabi啃到, 三秒內一盒紙巾已放在佢面前, 再咳咩? 10秒內一杯凍水又到, 係唔話得!

如果住得近, 呢度絕對ok, 但如果特意黎, 就不必了~

做人一向鐘意留些口德, 唔會立亂咒人執笠, 但今次呢間大頭蝦既老闆就衝破咗我既防線=.=

上星期日中午, 例牌在旺角和家人食lunch, 想起這店開了數年還未易手, 想必有其生存之道.

先講食物, 天氣熱熱的, 自己要了個豬肉撈檬, 味道還可以, 不差!

但家人的星加坡特式咖哩飯及鼓椒排骨飯就非常唔掂, 無論在材料新鮮度, 味道, 烹調功夫都完全不行!

最差的是他的服務, 餐廳在結帳時計算了數, 找來了侍應把break-down計給他看, 講極佢都唔明, 佢就叫左老闆黎, 老闆一開波已經面黑黑, 講講下丟低一句"咪平番俾你囉, 唔好吵啦, 果幾蚊!" 話畢轉身離去...

我同家人及隔離兩張枱的食客全部呆哂@@...

本來想去樓上美心飲茶, 但要等9個字, 一樓的Deli & Fresh又要等20分鐘, 唯有揀了這間同是美心集團的試試, 一坐低後面已經成條人龍排哂隊=.=

入口的display已經見到一個飛機餐的物体, 坐低仲要有一陣機艙的味道....anyway今日的午食- 吉列豬扒菜飯~

蜆肉周打魚湯(需加HK$5) - 意外地好味, 有"料"之餘, 又有好香的魚味..

吉列豬扒菜飯- 豬扒比較油, 吉列皮亦過厚, 裡面的肉則不多, 食多都無咩益..飯就反而幾ok, 而海哲/ 生果粒/ 生果撻就好好食~

最後以一杯不錯的芒果汁作完結, 都幾滿意的一餐!

環境來講會比較嘈吵, 而侍應的service就時好時壞, 但價錢黎講就似乎唔係咁值了~

同事想去的日式餐廳內部工事中, 在街上見到了火間土, 想起腦內也有這間食店的名字, 即管一試!

午市的定食選擇十分之多, 價錢由58至200都有, 大部分約7x-8x左右. 要了一客炸魚餅烏冬定食.

先吃烏冬, 口感算是不錯, 有嚼口, 湯底的味度適中, 整体雖不是一級的貨色, 也交足貨...

沙律...唔...不太好吃...沙律醬太膩..

魚餅, 外皮炸得不錯, 不會太油, 而內裡是糊狀的東西, 蠻不錯的炸物!

而壽司...新鮮度還可以, 一般的貨色也不會要求什麼, 沒什麼評論了...

布甸, iced coffee, 水準不行...

雖然大堆頭, 但這樣的價錢可吃到更好的, 沒下次了~