印象中上年七一同樣係人地「遊行」我地「休閒」
我地呢d小市民都係享受下自己既生活仔算啦hahaha
無謂為左政治太過勞心勞力啦
食個晏~行下街~夜晚睇下transformer咁就過左一日可貴既假期!!

一直心知............大半年冇玩過寫食評
點解用「玩」黎形容??
因為我覺得寫食評係好好玩既野囉hahaha

今晚同親愛豬一家食飯, 就不如寫下啦
晚飯訂左8點, 我地7:30黎到都即刻有位
傻豬爸爸叫左六人套餐 (我地五個人, 所以好飽好飽)

我冇留意套餐既菜名, 印象中既如下 (heehee希望冇記錯啦下)

鹵水拼盆 (yummy!!)
白切雞
蟹肉竹笙湯羹
苦瓜炆魚
粉絲湯浸時菜 (對於勁易肥既我黎講, 豐富既晚飯唔可以缺少清淡既菜haha)
翠玉瓜腰果炒帶子 (雖然d辣爭d令我流眼水, 但係好好味!!!!!!!)
甜酸大蝦 (非常之好味oh~~~~~)
鮑魚冬菇津白 (我唔係海味達人, 鮑魚除左鮮味之外, 我剩係識講.......鮑魚好有鮑魚味!! haha多多包涵呀)
糖醋麵 (um..... 我唔係唔欣賞呢味潮州人經典美食, 不過我怕油.......所以.........................下刪100字呀唔該)
最後既甜品係..............登登登登!!!!!
冇錯!!!!! 甜品係..................紅棗糕+糯米卷!! (兩樣都係我至愛呀 不過紅棗糕應該太多澄麵, 有dd過份煙韌, 不過我好鐘意咬野, 所以唔怕haha, 至於糯米卷.......... 我覺得係very good既!!! 呢兩樣野令成餐晚飯畫左一個好完美既句號!!!!)
呀, 係bor!! 仲有酸梅湯, 味道好岩我自己呀!!! 唔太濃唔太酸, 係我飲過既最好, 其他客人滿唔滿意就唔敢講啦

小插曲: 我地食到8:20, 有幾個客走埋黎口up up, 話我地坐左佢地張台, 都唔知咩事
7:30個侍應已經安排我地坐呢度
有咩事都唔係我地話事ga bor
我地走個陣, 呢幾個客已經係第二張台坐低
佢地見到我地走個陣, 仲要話我地............ 真係唔知侍應安排有問題定點.............囉

點都好, 雖然今晚冇任何相既紀錄, 不過晚飯既情義已經入左我個腦既memory啦

夜晚十點幾黎到
我叫左左個魚片頭撈麵+蔥花湯
身邊個位就要牛筋丸河

個撈麵好好味!!!!
d汁甜得黎係酸味味架

湯就預左係味精湯
身邊個位話唔好飲咁多
所以我都係試左一兩啖咋

至於佢d牛筋丸
無論係買定自己整
總之都係yummy yummy啦!!!

有機會我一定會食多次個撈麵架

今晚又係開會
不過唔緊要!!
因為傻豬放工後係附近繼續做野
咁我地就小聚一下
過左黃大仙中心搵野食
原本有d心思思食隔離間日本野
但最後都係想簡單d, 清淡d
所以就簡左譚仔!
今次唔想食到咁飽
haha第一次食大大碗套餐就俾姨姨撞到正........坐隔離
哎丫!! 俾人見到咁大食tim!!!!
以後既印象=你好食得呀!!
真係慘hahaha
唔想咁飽之餘
加上萬聖節連續四日食到滯滯地
所以叫左兩餸就算, 清湯腩肉九菜米線
點解冇哂九菜, 唯有就芽菜啦
身邊那位就叫左大大碗套餐.............俾左好多餸我!!!
我真係唔肥至出奇啦
譚仔黎講, 黃大仙呢間坐得好舒服, 而且好寬敞!!
又冇咩味精
我有味精敏感
可以做白老鼠, 好快中招!
最後, 呢排忍唔住叫杯心愛既好立克
係凍冰冰既冬天飲啖甜甜既好立克
真係好warm warm

心情大好
因為約左身邊那位放工後去添置冬裝
加上老闆未到收工時間就走人
心情就靚上加靚.........仲唔即走!? hahaha
不過我地由尖沙咀去到銅鑼灣
d貨都俾人掃哂
失望而回仍然要搵食

唔知食咩之際非常之想食菜
最後決定黎沙嗲王
我地要個幾樣野

蟹肉蛋包飯
我覺得好味架!!!
d汁汁好yummy yummy
飯既味道又岩岩好
而且真係脹卜卜既蟹肉黎架

炸豬扒石頭鍋飯
口嚨痛岩岩消失左
唔敢食炸野住
所以我剩係試左個飯
正!! 夠香味又唔會好重味精
不過親愛的話個豬扒唔夠d飯好味

蟹肉焗西蘭花
um..........我覺得鹹左少少
而且食得出胡椒粉味
不過材料足架

印度薄餅配咖哩汁
對於我呢個澱粉質忠實fan黎講當然非常好味啦haha
佢係酥餅質地
而唔係薄薄地個隻
落埋咖哩放入口個陣
我忍唔住講左句"唔使去重慶咖哩lu"

我地仲叫左朱古力雪香同草莓雪香(有珍珠)
朱古力好好味!!!!!!!
革莓都ok既
不過朱古力值得encore多d!!!