去之前原本好大寄望因本身好喜歡食澳洲...
心稔:正喇以后唔駛咁頻能可以食到炒蛋多士 (細佬住灣仔)

北海道套餐 - 火腿蛋 + 义意 + 多士(加$叫Waffle), 心稔佢照Dub 澳洲個 Menu,唔會差得去邊啦 ....等左15分鐘后,終於到...但炒蛋冇乜味,可能落太多奶??....Waffle 好鞋,好乾...真係唔係好收貨

北海道义燒飯 - 學食神裹面講,"义飯就义飯啦,加多隻蛋,頂盡咪$22蚊碗"...佢賣$32都不特止(好食的話,真正鍾意食既又點會介意吖),仲要平平無奇,自已買10蚊半肥瘦加隻蛋,係屋企對住電視食好過

服務 - 唔太差,只係食物等得耐(run 左几個月,唔可以再用新手做借口)

Overall - 香港人,狗屎一陣熱.....聽到北海道3.6 就發癲(我懷疑D人連3.6代表乜都未知)...睇唔到乜理由佢地會撑得耐

Conclusion - 唔會再去,都係要死死地坐地鉄去佐敦....

應該叫北海盜牧場...劏死牛

前兩日丹麥朋友過黎參加六四晚會（唔係講緊高志活兩個仔），去晚會前去左尖沙咀行街，行到攰果時想坐低飲杯野食下野吹下水，於是諗起上次同朋友去過果間八王子，裝修好有江戶時代FEEL，用來招呼鬼佬朋友都幾有特色。
各自先來一杯Asahi啤啤佢先，然後叫左燒雞翼（＄18）+牛舌（＄22）+露荀豚肉卷（＄20），燒雞翼燒得香之餘內質鮮嫩，牛舌都幾有水準，十分夠味。至於露荀豚肉卷又燒得幾香哦，用來餸酒一流。
仲叫左個吉列黑豚豬扒 ($55)，香口多汁，外皮都炸得唔錯，夠脆。涼伴鰹魚汁日本矮瓜 ($48) 都係第一次食，味道清甜，行到熱一熱最好先食件矮瓜涼一涼先。而個雜錦漬物 (有黄蘿白、蒜頭、椎山等等) ($58)用嚟送酒都唔錯幾開胃。

本來叫咁多野都係想用來送酒，結果D野食完杯酒都仲未飲晒。去兩次都聽到周圍有人講緊日文，睇來呢間都有唔少日本人來幫襯，連日本人都buy既日本料理，丹麥朋友梗係不停咁讚好啦。