我哋一行五人嚟食lunch，預早兩星期前定位，我哋被安排坐房，要除鞋的。這間房十分寬敞，真的很舒適。

我order天婦羅定食（$180),朋友們要午餐set($120),天婦羅烏冬($100）和牛肉生薑燒($190）。天婦羅定食 有五隻蝦，一條蟹柳，一片魚，一個菇，一片蕃薯，一片茄子和兩隻青椒。蝦依然爽口新鮮，但size就比以前細隻咗，粉醬不太厚，脆脆哋，味道很不錯。蟹柳也有少少甜味，幾好味喎。魚也十分香脆，蕃薯又粉又甜，好味道。天婦羅烏冬- 天婦羅有兩隻蝦和數片蔬菜，味道不錯，有乾三文魚飯團，朋友話太少餸，好似食紫菜飯咁，烏冬可選凍食或熱食，朋友選的凍烏冬還不錯，口感幾好。牛肉生薑燒 - 牛肉唔韌，味道也好，朋友也讚好。午餐每日唔同，今次係鰻魚飯十熱soba。朋友話鰻魚飯好好味，份量很大，真係超飽。

星期一的早上，個人好似冇電咁，快啲搵地方charge電先。怱然諗起呢度嘅早餐不錯，就行咗嚟食早餐。

星期五同姐姐陪媽咪嚟食lunch，呢度而家裝修緊，有部份間咗板，但食物的位置就冇影響。我先選咗凍海鮮，有長腳蟹，青口，蟹和蝦。長腳蟹鉗很鮮甜，有驚喜，可惜只出一次，長腳蟹都ok，仲源源不絕添，但就不及長腳蟹鉗鮮甜，其他海鮮都係一般。蝦餃和燒賣都很不錯，蝦又爽口又有蝦味。海南雞飯啲飯幾好味有嚼口，雞就普普通通啦。串燒有豬肉，牛肉，雞翼，牛舌，南瓜，粟米等。以前有1855牛肉，十分好味，而今日個鐵板牛就一般，串燒沙爹豬和燒雞翼都幾好味。炒飯很不錯，夠乾身蝦又爽口。剌身有三文魚，吞拿魚，鮑魚，八爪魚等，我選了三文魚和鮑魚，三文魚很肥美，鮑魚口感也不錯。甜品有tiramisu，芝士蛋糕，朱古力脆蛋糕等。Tiramisu很香滑，芝士蛋糕也不錯，芝士味香濃，我最鐘意朱古力脆蛋糕，朱古力慕絲很濃朱古力味，再加上脆米，真係好好味。另一種朱古力甜品有白色皮包住，味道都很好。最後仲要食埋雪糕pancake添，有四種口味，我選了朱古力，再加上杏仁片和脆米，好味道呀 好想encore甜品，但真的太飽了。

早前買咗恆隆coupon(只付$29就有$100現金券），所以我哋就嚟囉。呢度環境一般，枱與枱之間距離很窄。我哋四個人坐一張圓枱都ok啦。

我哋order咗招牌牛腩河加牛丸($31），咖哩牛腩飯($39）和常餐($32-凍飲加$2）。

幾天前約咗三位好友今日食lunch，原本想去IFC，點知想去的數間餐廳都fully book，最後我哋搵咗嚟呢，終於book倒位嘞。

呢度環境幾好，都算寬敞。我哋order set lunch($88)，有頭盤，主菜，甜品和咖啡。

我點了魚做頭盤，主菜係海鮮長通粉，甜品係蘋果芝士。頭盤係Home Made Fish Rilette，有鮮味又唔腥，有啲驚喜。海鮮長通粉嘅賣相不錯，有魚粒，bb蝦和bb魷魚，雖然啲海鮮十分之的骰，但又幾好味bor。長通粉嘅口感也不錯。甜品就馬夫咗啲，蘋果芝士不過不失啦。咖啡十分之香濃，但真係太濃了，平時不落糖嘅我，都要落一小匙。這個價錢有這樣質素，真係抵食。