呢間逸東酒店地庫的main st. cafe, 近來成為我去hea 的至愛
環境是很舒適的, 坐位同坐位之間的空間很足夠, 這是一間cafe 必要的條件, 梳化的座位佔大部份, 全部食客都坐得好舒服
一共有四枱電腦供客人上網用, 令人唔使等都有電腦用, 員工的服務很好, 可能位於酒店內啦, 服務可以說是有酒店質素的
我買了一份咖哩雞批同一枝橙汁飲, 件咖哩雞批味道都ok, 店員會為你整熱件pie食, 很周到
天氣咁熱, 行行吓入去過一過冷河, 消暑

最近去翠華食過好幾次, 水準有每況愈下之勢
餐牌又換了新的, 即係又加價了, 令原本已經係好貴的茶餐廳更覺高不可攀
海南雞飯的專櫃已經沒有再運作, 剩下的就只有碟, 爐具在這個海南雞corner了, 我的海南雞飯, 就在廚房製做出來
$55一客, 有餐湯 (青紅蘿蔔豬骨), 雞一碟跟油飯一碗, 不知怎的油飯沒有味, 就像白飯一樣, 是否俾錯了?
雞肉鞋口, 煮得很熟, unun的雞肉很難咀嚼
點雞的甜豉油保持水準, 不過如果連豉油都走樣就倒真有好大問題了
酸醬就很淡, 點同無點都不大分別
如果再係咁, 我都唔會再去食了

上次食係上年ge事了, 覺得蘭芳園貴, 貴得來又唔係好好食, 今次再去, 因為約了朋友傾一些特別的事情, 但又唔知去邊好, 咪入去坐坐
本來只係飲杯凍檸茶就算, 不過午餐都未食得飽, 倒不如整碗通粉食下啦
蕃茄豬扒通, 估唔到咁好食
濃郁的蕃茄湯底, 令每粒中間空心的通粉都塞滿了茄汁, 因為茄汁用了新鮮的蕃茄煮, 所以好好食
豬扒上次食豬扒包都試過了, 保持水準
下次都會因為le碗通粉而來的

接完阿爸的機, 車子的目的地係深井的裕記燒鵝, 洗塵!
招牌的燒鵝當然係必叫的, 例牌的份量都不少, 三個人食, 份量剛剛好, 我仲叫了碗齊瀨送鵝肉, 簡直係最佳配搭
鵝肉其實有酸梅醬點的, 但我都係鐘意原汁原味, 因為柱侯醬本身已經好夠味, 加上鵝肉有好多甜美的肉汁, 所以已經好夠味! 鵝皮好脆, 燒鵝的功夫認真到家
另外一碟雙拚, 兩個主角分別係海折同鵝腸衣, 鹵水風味的腸衣好爽, 不過食得多怕濕熱同毒, 所以都係兩件起三件止, 海折好爽, 不過味就一般
炒多個菜, 豐富的一餐, 晚飯的一個好選擇

朗豪坊四樓係食之層, 好多間餐廳都係開喺度, 簡單廚房, 係咁多間之中, 最無人客的, 唔知係唔係因為個reputation 唔係咁好, 因為喺or 見彈的人多過讚的, 好多都仲好有份量..
之但係我就想試一試, 一來見都裝修幾靚, 二來餐牌都幾吸引的, 三來唔會食來食去都係咩carbonara, 肉醬意粉咁, 都想試試新口味
見推介自己係軟飯皇, 於是就食一客牛柳軟飯
所謂軟飯, 唔係特別的飯, 只係將白飯煮得較爛, 我這個懶得趙的人當然喜歡, 個汁主要係芝士, 磨菇, risotto 之類, 味道幾rich, 都ok好味的
件牛柳好淋, 用蒜蓉汁煮, 都合格的
見好多人批評侍應, 的確個別侍應係愛理不理的態度, 但都有兩位比較勤力的, 老板娘郭小姐自己留意吓啦, 如果想生意好的話...