約左好耐無見朋友仔食飯傾下計,下雨天朗豪坊唔駛旨意有位食,咁就出番去睇下有咩好食啦~見呢度個menu價錢唔貴,加上唔駛等位又好似幾好坐.一於試試佢啦~
羅宋湯加蒜蓉包一出場就整個點心蒸籠裝蒜蓉包 賣相有點兒9唔搭8 個籠又唔係要黎蒸包 懶得意= ="不過蒜蓉包味道挺好的 脆脆的點埋個湯都不錯 之但係....個湯真係狠甜呀!!係咪糖同鹽搞錯左?怪怪的....早知加錢要個酥皮湯啦,唉...
紅酒汁雞焗飯配煎餃子紅酒汁個名好似好正,但食落得個甜字,零酒味.醬汁唔夠多唔夠我撈飯呀 最大件事係餃子唔夠熱仲要乾爭爭 呢次真係捉蟲喇
咖哩什菜香腸飯朋友仔點呢個好好多 咖哩幾香但唔算濃 再加埋肉腸片的肉香味同芝士什菜 賣相同味道都不錯 而多多蔬菜感覺上比較健康一點點
朱古力奶凍跟飯免費送既甜品 無期望之下估唔到好味啊奶凍做得夠香濃 朱味幾重 一d都唔頹wo 比起焗飯好得多 好味~
意大利奶凍跟飯免費送既甜品之二 呢個奶凍都做得不錯 有奶香味 食得出有酒味 底層仲加左蛋糕 我仲想食多d tim呀!
overall,茶餐廳的味道 唔特別好味又唔算難食既 去開旺角仲有好多間鋪想試未試 所以未必會有返兜既機會lu~

今晚做完gym,涼粉癮起的我就同好友搵間糖水鋪坐坐~想到黎開旺角試左好多新開甜品鋪,都係時候去返好耐無見既滿記~
西瓜涼粉其實涼粉呢家野好難整得難食,只要涼粉夠凍,西瓜夠甜已經好好味.呢碗交足貨~大熱天時食碗滿滿的又足料既涼粉真係我心都涼埋,爽呀
雪山楊枝甘露好友點既~芒果夠甜,西米爽口,加埋西柚花奶,就咁食已經好好味~雪山即係雪糕,我地要左綠茶味~舊綠茶味雪糕好似史力加咁綠,茶味一般幾重奶味.由於最近好鍾意奶野,所以幾對我口味~雪糕撈埋楊枝甘露又幾夾啊!令到個楊枝甘露滑上加滑,好好味~
滿記開左好多分店都keep住有水準,唔會令我失望.睇黎做完gym後我都會多d黎見多佢幾面呢~

今晚約左好友睇<分手說愛你>見仲有時間又唔想行街就搵間甜品鋪hea下~醒起旺角呢間未試過食評又幾好咁就出發喇~8 點幾無咩客剩係見度d店員個個係度開飯,招呼有d求求其咁都算喇,最緊要d野食好味,點知.........出事囉
心太軟賣相好似好正 一叉入去d朱古力漿都流流地 但唔係好夠熱同埋朱味無想像中咁濃 而且外層幾厚比較硬身 旁邊雪糕零驚喜 最好味既只係中間個兩條朱古力脆條
Baileys併脆珍珠配北海道3.6奶凍 好友想試黑糯米個款奶凍 不過店員話今日無黑糯米(註:menu話黑糯米奶凍係推介但無貨囉 真係俾佢吹到啤一聲)咁就試另一款奶凍啦 未落Baileys之前試試個奶凍 結論係.....真係"奶野" 第一啖試落去的確幾滑 但奶味欠奉 淡如水呀 加埋Baileys落去就再搵唔到d奶味lu 唉!西米同奶凍既組合我地都覺得唔係話好夾 頹得很 水準非常平平 賣成三十幾蚊一杯 真係.....物非所值
早知係咁就唔貪過癮試新野 過對面間糖百府食綿綿冰好過 呢次真係捉蟲喇

今晚去左個零收鑊chok墨魚團~落左船朋友仔提議話去食炸雪糕 貪得意既我當然唔會say no啦去度先知係原來黎甜源居~記得好耐之前食過,間鋪仲係滿記隔離 宜家搬左鋪位置幾偏僻下但都爆埸呀 等左一陣先有位呢
炸雪糕 外表圓looklook好似炸魚蛋 吉列豬扒的皮包住大大球雲呢拿雪糕 切開左個雪糕都仲未溶 唔錯wo~外暖內凍 又冰又火既口感都幾得意 炸皮唔算厚食落唔會好油膩 我同好友都一匙一匙咁食到停唔到手 值得一試呀
白雪公主 唔知食咩好 咁就試下個店員推介呢位白雪公主啦 仲聲稱有去濕解毒養顏功效 arm晒我呢d經常燥底人仕 其實即是椰汁露內加山竹,清心丸同薏米. 山竹甜品好少地方有 不過呢度既山竹幾酸配埋奶味重重既椰汁露唔太夾 食完真係有俾店員搵笨既感覺= ="
芒果涼粉 大大片芒果肉絕不欺場 濃郁芒果汁底可以當湯飲咁 加埋消暑涼粉食完即時透心涼 惟一要彈既係涼粉切到勁大粒,求求其之作
玩完成晚再同朋友食個糖水吹下水 十分滿足的一個晚上~謝謝友人請客

一直好想好想試試這裡的Macaron(最近超愛吃這種法式小圓餅),見今日放假又行開中環,無理由唔黎呢度朝聖 一進店子已經俾歐陸華麗佈置吸引住 店中擺設精緻得很 成個人立刻要變得斯文一點點呢而我既目標Macaron粒粒都好似珠寶咁靚 排得整整齊齊放係玻璃樽入面 好想戴晒佢地返屋企呀><
Rose Macaron 呢度既Macaron size比Roll的大一點點 我揀既Rose Macaron未食已經聞到好香玫瑰味 中間仲有一片小小的粉紅色花瓣 顏色已經殺死人呢 甜度適中 脆皮乾身鬆化 中間餡料滿滿的煙煙韌韌 很喜歡又脆又帶黏的口感 細細粒法式小圓餅每一口真的是讓人感到好幸福啊!
Chocolate Macaron 朱味十分濃郁 朱古力迷一定要試試~比Rose的甜一點 但我唔怕~法式小圓餅就係要夠甜呀!
店員禮貌周周 鋪位細細環境一流 好有情調 拍住拖黎女仔一定開心死
下次黎絕對要坐坐試試蛋糕呢!