去完又一城行街街…跟住順路就去九龍城走轉先…朋友已經搜集定飲食資料...帶左我黎哩度嘆咖哩, 仲話海鮮好抵食添…

九龍城集合咁多泰菜館同泰國食品專門店…由泰國人或香港人經營o既都有…要找尋真正o既”泰”美味並吾難…【隆姐】亦實實可以令人食過翻尋味的!!

對東南亞食品有一定o既喜愛程度, 泰國菜亦係當中較常吃的…每次眼見琳琳種種又吸引o既選擇, 都想點齊晒黎食, 好似聽日就世界末日無下次咁…哈哈…

得兩個人...都好大貪咁叫左兩款咖哩同一客小食…全部都咁惹味醒胃…熱氣都吾顧得咁多…

炸蝦餅…因為上桌前每個蝦餅已為客人剪開細件, 賣相就差左但係味道美, 外脆肉嫩, 質感比平常食到的較軟熟…"好味啊”.哩三個字就係最簡單直接o既形容詞o羅…

青咖哩雞…鍾意佢地用明火座住煲咖哩保持住熱度…咖哩濃厚辣味適度, 雞肉嫩滑入味, 配料用o既蔬菜吸收晒咖哩精華…我地叫兩碗堆到山咁高o既白飯黎撈汁...自己口中叫怕肥但咖哩汁吾撈個白飯, 簡直好似對吾住自己咁啦!! 哈哈哈!!

泰式咖哩炒大蝦…嚮選蟹同蝦中間爭札左一陣, 自己愛蟹多D, 朋友就怕食蟹麻煩少少, 結果就要蝦啦…好大碟喎, 用料十足; 先一試汁o既味道, 入口居然吾係至強o既咖哩味而係爆到好香o既青椒味喎…對於我黎講, 哩個汁好似食蕃茄蛋咁o者, 辣度只係”1”…而中蝦亦肉質彈爽, 講香辣惹味吾及青咖哩, 但都係連汁食到一滴都吾剩啊呵呵…

埋單只係為起每人百多元…好抵食!!...下次再黎過!! 嘻

好友介紹下o黎到<名苑>...哩間分店位於佐敦同尖沙咀分界線o既柯士甸路…處於路上較深入靜少少o既位置…玻璃落地外牆清徹可見館內情況…內部裝修企理簡潔…為一般中式小館子格局…清明假期前哩個晚上, 7點多到來, 客人仍未滿…

負責服務我地哩枱位服務員大姐熱情到不得了…起首覺得大姐性格豪情又落力招呼客人 推介菜式, 可值得欣賞!!...後來席間大姐不斷穿插埋黎問哩樣好吾好果樣又點又答下咀”好老友”咁, 數度打斷我地, 開始變成騷擾我地食飯…差D要加張椅比佢坐埋黎, 加上大聲大氣為人粗線條, 幫我地換骨碟仲”點”我地遞埋俾佢, 由初時印象ok到有D生厭…令我感想到有時做人做事”適可而止”o既重要性…但點都好啦!! 佢o既出發點係好o既…

懶人最享受吾駛用腦o既時候…點菜哩D傷腦筋的可以交托俾人就交托俾人o勒, 全權交由好友發版, 哈哈…先來兩個冷點醒醒胃…

海蜇…太多辣油, 吾係話辣而係肥膩感好重…但又有醋, 酸酸的…味道麻麻地咋!!
鎮江肴肉…一般切長條型, 哩個就袖珍D切方粒…味道就比較咸左少少咁啦…

翠盞砵酒珍寶蠔…以為係濕焗? 估吾到係炸脆皮面喎!!...隻蠔夠晒肥大肉厚, 如果吾係有片新鮮生菜包住食, 都會膩膩地架!!...一人一隻夠晒數…
上湯焗澳洲龍蝦伊麵…無記錯好似價錢大約$300, 份量亦足…睇個樣仲以為係芝士焗添!...可能打了個較”杰”身o既芡汁?!...龍蝦肉肥厚鮮味可口…好鍾意伊麵"索”晒D汁, 有時分分鐘仲搶手過龍蝦架!! 嘻…
瓦撐生啫爽肉芥蘭遠…爽肉似係用豬頸肉部份, 而芥蘭遠又吾算好”遠”…但都脆口無渣o既…OK啦!!
沙巴龍躉…好友有$98蚊特惠coupon!!...整條魚話重兩斤,真係好大條唷!!...師傅蒸到剛剛骨肉分離, 肉質尚滑…至抵食!...
百花窩貼莧菜…通常都係用小棠菜的, 用莧菜就第一次試, 脆漿薄, 菜o既比例多過蝦膠, 本身吾太鍾意莧菜o既味道, 不過咁樣製法都吾多食得出菜o既原味, 味道吾錯, 如果俾埋黑/紅醋調下味更佳…
蝦籽山根豆腐…豆腐軟滑, 山根入晒味, 蝦籽吾多覺…普普通家常菜一道咁啦!

懷舊蜜糖脆麻花…鬆化無比, 只係嫌個蜜糖漿開得太稀, 甜D濃D先似樣!!
古法馬拉糕…鬆軟度同甜度都剛好喎, 值得推介…

蕃薯糖水…附送的…無彊o羅…

經過見大班4月推出數款新口味喎…而我哩個經常性地被”期間限定”哩四個字所迷惑o既消費者…速速睇下有乜吸引先…藍莓芝士、粟米沙律??...都好普通至喎…吾知係話現代人進步左有要求…定係選擇多而寵壞左, 少D新鮮感都吾得…嘻!!

其實咪話麵包吖…其他多國o既菜式、點心、甜品雪糕西餅等等, 哩個世界真係想得出食得下肚o既食材都已被各大中外廚師、糕餅師、點心師佢地企圖用黎創新口味, 食物o既賣相佈置亦求與別不同…要”創”獨門吾容易…係咪美味??...定係好睇好聽吾好食又係一個問題…有時覺得只係廚師自身嚮過程中取得最大o既滿足感…而吾一定係食客…anyway…

不如就即管試試以下兩款啦!!

胚芽洋蔥磨菇包 $7…只因洋蔥同菇菇都係自己喜愛的, 哩個組合亦好穩陣…不過食落洋蔥味吾係好出, 反而係被D黑椒味蓋過, 帶些微辛香, 普普通, 吾特別回味!

栗子雞包 $7…好似紫菜飯糰o既造型好”東洋”…先問售貨員哩款係甜包定咸包??!...係咸o既先買…包身軟, 餡料製作好有食中式叉燒包o既感覺, 居然連味道都有D似…除左雞肉, 仲有菇菇, 中間有半粒栗子…味道被想像中好, 可以o既!

尖沙咀哩個旅遊旺區, 人流密集食肆眾多, 坐正嚮彌敦道多年o既美麗華商場同酒店, 聽講自從"千憶新抱"入門之後, 同二公子致力想改革舊有老派o既image, 繼近年大翻新o既酒店改名Mira Hotel加埋設計in左吾少又口碑算吾錯o既西餐廳Yamm外, 近期又見落成無耐o既酒店商場Mira Mall…跟附近早已冒起o既大型新商場I-Square, The One同K-11等拼拼天下，果然係有對手先有進步！

咁見到有新場，就入去八掛下有乜東東好野食…主要做購物, 食店就吾多…而且見場內D舖都應該開齊但係就好靜…原本諗住食中式的, 見到IZUMI外面D咖哩食樣本好吸引呢!! 隔離又拍住Bread PaPa一齊做, 裏面新裝乾靜利落, 光絲柔和 而且居然可以嚮咁繁華o既街上面, 好隱世咁有個咁靜局o既食店, 感覺悠閑, o岩晒慢慢食慢慢嘆同傾計談心啦!!...今午亦見有數位享受一人自在o既男女食客…

都係年輕o既服務生...餐牌主打日本咖哩, 但亦有帶其他o既日食供選擇...而日本咖哩配o既主食好多時都係炸吉列豬扒, 炸蝦, 炸雞咁…哩度亦吾例外…我地當然要試佢最拿手的…嘩!!...叫齊兩款最熱賣最俱人氣o既齊齊分享…

吉列豬扒咖哩飯午市套餐($88)…包飲料, 叫左杯橙汁, 普通盒裝貨味道啦!...蔬菜沙律吾可以話係乜特別, 喜歡只因佢用芝麻醋沙律汁又香又醒胃, 合我口味!!...個飯份量一D都吾少, 豬扒外脆內嫰吾肥膩, 比我期待中出色添, 而日本咖哩汁一般甜味較重, 哩個呢, 色澤深且辛辣度高DD…香口開胃…令我特別開心係+ $10就有o既軟滑奄列….雖然吾覺得雞蛋同咖哩味係話好夾架, 但配炸豬扒又吾同講法…佢除左令整體顏色豐富吸引左外, 又真係做到如水蕩漾咁效果…滑到吖!!!..都要考D功夫喎, 嘻…

芝士重型漢堡扒咖哩 ($115)…平時少有時間會食漢堡, 但哩個自家製漢堡扒加埋芝士溶瀉o既畫面真係見到忍吾住要一試!!!...件扒真係夠晒勁量級!!...切開中心成寸厚架, 好在肉質吾乾喎而且肉味夠濃…係理想o既味道!!...至於話芝士就吾多吾少都會被咖哩汁o既濃味蓋過…起o既作用吾大, 但雖則咁講, 本身哩份扒都較膩, 如果再貪多D芝士就會更飽濟添!!...總之其實兩款都食得過, 只係portion大宜share (尤其女仔啦!)…

食下講下...話就話飽飽有D放慢手腳...不過見到Bread Papa個甜品餐牌, 又心思思想食泡芙!!嘻…最多晚餐吾食o羅…哈哈!!...佢地仲話憑Izumi張單可以買5送一添...我地內心爭扎左一輪好吾好食兩個打包4個走…但做人都吾好去咁盡!!...知道最終”後果”都係要自負架!!...所以叫兩個不同口味指環泡芙分享下就好了!!

蛋奶沙司味 ($18)…哩個咁復雜o既譯名, 其實只不過係custard啫!!.. 朱古力味($20)要貴兩蚊, 朱古力味吾特別濃郁…兩款餡料清甜而香軟細滑, 但都係原味custard好味D!!...另外仲有綠茶同草苺味可供選擇!!

全單連加一 HK$276…值得再來幫襯呢!!

好高興得到好友o既關照…請我去欣賞芭蕾舞表演, 都係生平第一次咋!!...開show前嚮附近商場找間食店提早食個晚飯…

因為六點都未夠, 好多食肆都係空空如也吾怕無位…可以慢慢挑選!...左行行右行行見哩度佈置都別倶日本風情…向來亦好喜歡木/磚屋設計…令人感覺自然又温暖!!

餐牌主打都係魚生飯類定食...一般每客百多元…價錢實惠, 但俾吾俾番好材料, 好容易一食就知道...

好友o既選擇係…
佐賀和牛丼…賣相滿吸引架, 朋友話燒牛肉都算肉嫰可口, 有豐富粒粒鮮麗o既蟹籽…加上如水蕩漾o既半生熟蛋更為別緻; 套餐附有o既蒸蛋同麵豉湯水準平均…整體滿意!

自己o既選擇係…
高松丼…見到海膽就開心…雖然望落未至於好肥美但丁點腥味都無, 好!!...油甘魚亦ok…三文魚籽脹卜卜咬落爆開o既感覺至美妙, 亦成日覺得咸咸地好好送飯, 嘻!…唯獨係飯粒o既質感未達理想…

配埋環境服務…全程ok啦!!