在泰金國食完飯後來了這裡食甜品, 一入到去見到梳化及裝修都係白色為主, 但當拿住本餐譜就覺得好格格不入, 因為本餐譜好污衊, 仲有黑點...!!

我地4個人食分別叫左:

1) 芒果脆脆 - 朋友第一次食, 有點驚喜....因為中間的芒果好凍...!! 不過食得多好漏...!!

2) 心太軟 - 個糕太厚, d朱古力得好少流出來...味道一般

3) 二人特式拼盤 - 有2件迷你拿破侖 ~ 如果多一層就好啦, 而且底層的糖無了就好、2件芒果脆脆 ~ 2件一人一件就剛剛好、1條(4舊)芒果腸粉 ~ 呢個幾好食、2件迷你撻 ~ 好普通, 只係西瓜波/蜜瓜波一個, 下低一層忌簾....!!

朋友介紹下, 一行5人去食, 店內大約5至6張table, 我地之前已預先打電話約時間, 所以去到時已留左位給我地.

1) 炸蝦餅 - 粉薄, 好好食!
2) 燒蠔 - 好大隻, 好肥美...一d都唔腥, 極力推介!! 因為身體關係戎口中...所以忍口只食了一隻... 食完後才想起...忘了影相!!
3) 串燒(豬, 雞各半打) - 點的汁好好食, 個人覺得豬燒得好食少少...!
4) 咖喱蟹 - 又大碟隻蟹又大隻, 但因為我唔食得...所以只望住朋友食...個蟹蓋都好多膏, 見朋友食得好開心...!!
5) 蒜蓉包 - 用來點咖喱蟹的汁食...我地唔食得辣, 所以少辣了, 如再多d包就好了!!
6) 泰式金邊粉 - 比想像中細碟, 我們每人半碗左右試食. 少少酸酸甜甜的!
7) 泰式抄棷菜苗 - 棷菜苗都係比想像中大..., 不過幾嫩!
8) 炸雞丸 - 第一次見...表面有一層類似腐皮包住粒雞丸來炸...老闆話呢香港無的, 真的是從泰國坐飛機來的!! 好熱...好好食...表面脆脆的, 外貌成個包包咁!!

飲品: 棷青(朋友話好甜), 龍眼水(味道調得剛好...不會太甜), 沙冰 (朋友話似思樂冰)

其中有2個是壽星, 所以3個人請2個人每人二百蚊有找, 好抵食!!

忽然間好想好想食這裡的脆皮雞, 我次次去都必定食, 而且來這裡大多數都不用等位, 可能競爭大...2個人點左:

1) 金沙脆皮雞(半隻) 塊皮好脆, 好多熟蒜, 好香口...不過今次隻雞好多肥膏....!!

2) 糯米鴨胸 煙煙"un un", 口感幾好, 不過幾多油, 如果放塊吸油紙在底會更加好.

3) 個名唔太記得...類似蔥油餅....表面有芝麻, 內裡有蔥, 好好食!!

因為太飽...所以無叫到甜品食....!!

第二樣鐘意是這裡的茶是玄米茶, 好好飲!

星期六朋友帶我去食,地方唔算好大, 七點幾去到時, 唔算多人, 叫了炒豆苗, 炒蜆, 椒鹽豆腐, 寫菜的阿叔有點撞聾, 所以要大聲d, 不過態度好好o家!!

我同朋友都唔係細食的人, 但我見到d"送"o黎到時有少少嚇親, 都幾大碟, 令我唔敢叫飯食...炒豆苗 - 咸o左少少..., 炒蜆好食, 我只食到一隻有沙; 椒鹽豆腐-表面淋晒, 食落有d辣...我唔食辣的但都仲可以食到, 呢個可以再做好d;

2個人剛剛好食晒所有都係百多元, 平到笑! 又唔趕人走...!! 朋友說今次的不算好食, 她之前來過幾次都係宵夜時間來, 但好好食, 所以下次我倆會揀夜d再去食!!

在平日同班同事一行十一人訂左圍12人o既團年飯一起食, 睇到評語後都做定心理準備, 6:30pm已準時到達, 因為未人齊所以未上菜, 極肚餓之制, 部長拿了盒蛋卷出來, 原來個餐包的...雖然條蛋卷縮水幼左...但味道都ok

等到7:00都未齊人, 所以決定另叫小食先, 叫左個牛展 & 燒火腩, 火腩一般無咩特別...細細舊! 反而牛展就好好食, 好入味一咬就開!!

終於等到齊人可上菜, 第一道係乳豬全体, 成隻乳豬真的都只有層皮食, 想找少少肉食都無, 味道一般!

脆肉瓜炒象拔蚌,象拔蚌幾爽口彈牙, 好食!

個金湯翅, 好勁忌廉味...好似飲緊西湯但有翅..., 亦有好多蝦肉連殼...!!

甜品的蛋撻亦比想像中唔好食, 皮太厚! 但糖水的杏汁燉萬壽果就好潤, 好香的杏汁, 又不會太甜!

其他的菜式亦一般, 不過個餐千幾蚊連甜品糖水總共十二樣又送1枝紅酒又包12罐汽水仲送埋蛋卷, 食物亦不過不失, 食到我地全部人飽都晒已好抵食, 而服務方面...值得一讚係部長跟得好好, 反而d阿姐唔醒目...到尾聲時才過o黎換碟!!

可能當晚係平日, 坐唔滿, 但呢間比旺角o個間坐得舒服, 呢間大得o黎位與位之間無咁迫!!