星期日同老公兩人入西貢一行，順便晚上到全記食海鮮。為怕客人多等得耐，大約六時便入席，選了一個二人套餐，可選四款海鮮，兼送油菜及糖水，價錢為348元，好似都幾合理。上菜速度很快，點知海上鮮係一條雪藏已久的黃立䱽，食落要吐渣；冲炒蟹只得一只蟹仔，冇也肉食，沖又太老；龍蝦伊麵份量少，殼多於一切，伊麵又有異味；椒鹽墨魚完全冇味，好似食擦膠一樣；蒜茸炒菜心份量仲細過雲吞麵舖的油菜，認真孤寒；最差都係嗰兩碗白飯，好似隔夜冷飯口未翻熱透咁，唔冷唔熱，所以叫侍應換過兩碗熱啲嘅白飯，點知換來的都是同樣温度，真係難食；糖水又係唔冷唔熱，材料有雪梨粒和薏米等，不吃也罷。
食物不濟不是最難受，服務態度惡劣才是真正趕客的主要原因。入座大約半小時後先後有多名侍應埋來打量，又問是否已上齊菜，知道上齊菜之後又問上埋糖水好唔好，咁嘅姿勢，我地都知道係想我地快Ｄ走，佢地想做多Ｄ生意，亦無可厚非，我地亦非常合作，加快進食速度，就在挑牙之際，準備叫埋單的時侯，一名侍應竟然手持埋單賬部埋來問攞錢，我問佢未叫埋單就自動叫客人埋單係咪趕我走，佢只笑笑口說：唔係！唔係！但張單仲繼續放在我們面前，即係唔走唔得，我地真係火起，一毫子貼士都唔俾。我地從來都未遇過咁唔尊重客人的食肆，完全唔理客人的感受，簡直係俾人侮辱，貼錢買難受，入座唔夠一小時就俾人趕走，你話呢Ｄ係乜野服務態度？以後唔駛俾錢都唔駛旨意我們會再光顧。

想食拉麵, 見到 openrice 食評呢間都吾錯, 就去試下....

要了炸豬扒拉麵. 豬扒分開上的, 以為無浸淋會好好味, 點知完全係無味. 好彩可以自選辣度, 我要了大辣....否則碗麵真係一 d 味都無...宜家起碼都有點辣辣地...

叫了小食炸魚柳...都是無味的. 不知是否這店的特式... 完全無落調味料一樣.

仲有見到吧枱下面有隻 "小強" 自由行中...嚇得我急急埋單走人....

星期日十二點到, 中間的枱全未有客. 但店員問我們幾多位後就只叫我們 " 等一陣啦" 就咁就行左去. 等了十多分鐘, 後面都開始有人排隊, 但店員仍未安排入座. 後來等到有兩張卡位枱埋單, 店員執枱更是慢動作的, 然後先叫我們和後面的三位客人入內.

點了雲吞麵, 牛腩粗麵, 皮蛋牛肉粥, 豬潤鯪魚球粥. 後來加了肉絲炒麵 (這個麵要十二點半後先有). 雲吞不過不失, 幼麵同粗麵都無特別. 牛腩湯底只是雲吞麵湯加少許牛腩汁. 粥底好甜, 明顯落左好多味精. 鯪魚球一點都不爽口. 炒麵有點韌.

收費不便宜, 但食物質素差. 碟子還有三個崩口的. 店員口面似乎未訓醒似的, 服務態度不專業.

今晚又去了試新菜, 一早訂好位因為這店的坐位不多, 平日經過都見坐滿人的呢....

點了招牌口水雞(半隻), 濃湯海皇什菜煲, 豉汁帶子蒸豆腐 (自備紅酒). 點菜時店員會為客人介紹菜式配搭, 很細心. 桌上的青瓜小吃是店子自己整的, 淡淡的, 但很爽口.

口水雞少少辣, 很開胃, 雞肉很嫰滑. 什菜煲好足料, 湯清甜. 帶子蒸豆腐的豆豉汁很好, 帶子同豆腐都很滑.

我們都覺得今晚提議到這店是絕對正確.

小小的店, 菜式很美味. 店員很有禮貌, 坐位舒適. 下次會再來試其他菜式.

今晚和朋友晚餐,到了這間餐廳, 這間餐廳分為indoor同ourdoor, 我選擇左ourdoor 因被佢環境吸引...不過我坐唔夠15min, 就要求轉位了..事關我坐的位置係停車場出入口位..有唔少廢氣
indoor環境一流, 無敵大海景, 可以睇到"幻彩詠香江" good..
食物方面, 我點了三款菜 (1) 蒜片蝦 $75 (2) 蜆肉意大利粉 $128 (3) 安格斯牛扒 $310
蒜片蝦-味道淡左一點, 同炸蝦一樣,粉多...無蝦味, 仲無咩蒜片
蜆肉意大利粉-蜆雖然大隻, 不過有d鯹, 食左一隻無食過...同waiter講過佢無反應...=.="
安格斯牛扒- 都未試過食牛扒食得共細件, 我order 5成熟,肉質有點柴, 個汁係磨菇汁都還可以..=.="
這間餐廳係sell蠔同牛扒, 牛扒就好唔點...