二樓細枱總有单邊- 妙
砵酒焗石蠔薄炸粉-脆、
廿八成本價兩隻起-掂
十蚊咸水角蝦乾餡-抵、
三隻皮脃米心軟熟-勁
頭抽龍芽炒麵五十-堅!!
芝麻布拉腸粉廿一-滑,
海蝦餃四隻二十五-好。
平粉果沙葛料分明-喜!
一口牛用梳打粉醃-弊!
石窩生煎飽多人叫-正?
肚滿腸又肥叫唔落-恨!
雅俗共賞非真可以-唉!
物有所值真做得到-夠!
油麻地選名物揀佢-對。

星期一男朋友仔生日,緊係帶佢去食好野啦!
有朋友介紹日航酒店間日本菜,咁就去試下啦!!!
個日預先訂左位同埋蛋糕,諗住比d驚喜佢~!!
一坐低見到menu有個和牛火鍋任食...就二話不說咁叫左呢個set~~
兩隻食肉獸~~哈哈!!佢有火鍋同燒鍋可以揀~~我地揀左個燒鍋黎食...
因為火鍋好普通者~~!!首先有個小小既前菜仔....
之後就有個炸蝦沙津...然後就開始我地既任食啦~~~
我地唔係好識整....好彩都有專人服務!!!
佢幫我地開左個頭...之後我地就慢慢自己整~~!!
d汁同d牛好夾~~好野味!!佢其實有比隻生雞蛋我地點黎食...
不過我都係鍾意就咁食!!佢仲有手打烏冬跟埋tim...
我地加左兩次牛肉已經好飽啦~~!但係見到佢個烏冬咁靚..我又咁鍾意食烏冬!
就忍唔住煮左黎食...d烏冬好彈牙,好彩有煮黎食~~哈!!
到最後連蛋糕都食唔到~~我地係個度點左蠟燭....d waitress仲幫我唱埋生日歌tim~~
之後我就要成個蛋糕拎走返去食....個蛋糕係酒店買既~~
因為如果我自己帶cake去要收$100...緊係唔制啦~~
不過佢地個蛋糕都幾好味ga~~200幾蚊芒果拿破崙~~好好味呀~~貴少少都抵~~

連埋蛋糕...餐飯都要成2000蚊~~好貴呀~~!肉都赤埋~~唉!!