倫記軟滑腸粉

Open Now

Now Closed

唔識路，天氣又熱唯有問人，雖然都算近大三巴，都有啲難搵，喺民居，不過未到遠遠都估倒係佢，因為有人排隊，旁邊就係馬路，行人路有少少窄，所以排隊都有啲辛苦。喺門口見倒師傅即叫即整，純熟嘅手勢，通透嘅腸粉，未食感覺已好古早好有質素。簡單嘅裝修，細細嘅鋪位吸引倒唔止遊客仲有local 居民一定有原因，我地叫咗蔥花雞蛋腸粉同黑松露鮮蝦腸，嚟到賣相就一般般，全用即棄餐具，感覺麻麻，不過食落就真係無得頂，蔥花蛋腸嘅蛋好香，黑松露就更香，而且腸粉好通透同煙韌，蝦又彈牙，真心好食，真材實料。