不是葡撻 (Closed)

其實好耐之前朋友介紹過尼間係澳門既“不是葡撻”，佢地既出品其實係年輪蛋糕代替酥皮再係上面加入葡撻既蛋漿一齊焗，今次過到黎澳門就去食下。分返開年輪蛋糕同葡撻兩樣我都好鐘意食，好期待兩個加埋會刷出咩火花。佢地分左4款撻，分別係年輪葡撻軟/硬同芝士年輪葡撻軟/硬，先買一個年輪葡撻硬試下先，外貌其實好吸引，但當店員一拿比我既時候發現個撻原來係凍既，問店員佢話正常尼款捧係常溫食，個一刻其實有d失望，因為佢都係葡撻類既食品，所以一定係熱食最好食，既然都買左都要試下，一食之下發現其實好普通，焗硬左既年輪蛋糕其實同曲奇皮既蛋撻無咩分別，仲要係凍既，蛋味一般般啦，所以食完第一個之後都無再買第二個試，食一次就夠。不是葡撻真係同佢個名一樣根本不是葡撻，如果係以食葡撻既心去食，一定會失望。