4
4
0
Above information is for reference only. Please check details with the restaurant.
Signature Dishes
睇網上介紹想食平野一定要去 ‘ 營地街市綜合大樓3樓’ ，咁同🤴🏻上去醫下肚先😁😁～～～乾炒牛🐂河～～～$43我哋行咗一圈人流都唔少，最旺嘅就係呢間 ‘ 平記美食 ’ 炒粉麵檔，起碼6-7個人排隊，成個檔口煙霧💨彌漫，炒鑊聲此起彼落就知道唔簡單😆😆我哋保守啲叫咗個 ‘ 乾炒牛🐂河 ’ ，鑊氣十足，每條河粉顏色平均條條都深啡色☺️☺️，牛🐂肉片大約有4-5塊好香牛🐂味，另外炒得到幾乾身，食完隻碟都唔會 ‘油立立 ’ 👍🏻👍🏻
continue reading
呢間位於營地街市樓上既平記美食，聞名已久，今次澳門遊特意前來一試看看究竟是龍與鳳廿幾度天晴既天氣，上到黎有中央空調但唔算好涼（當然有好過冇啦）揾個對正空調出風位坐都ok涼既，講番呢間食店食物既款式太约三四十款左右，價錢就見人見智啦，炒粉麵及炒通菜三十幾蚊至四十幾，街市檔係咁上下啦叫咗碟豉椒排骨炒脆麵， 醬汁好夠味炒出黎 香噴噴好有鑊氣， 排骨係有醃過既冇雪櫃味而且冇肥肉，幾好食至於呢個蝦醬炒通菜又係非常有鑊氣， 唔太鹹味道啱啱好而且冇變色炒得唔錯，如果唔係食量有限真係想再炒多兩款唔同既小菜試吓，唯有留待下一次啦。題外話……始終街市既熟食市場係平民為主既地方，如果你係斯斯文文怕粗魯既就要慎重考慮呢度啱唔啱你,我哋喺度食嘢個多小時所見所聞，不論係檔口工作既人還是食客，都有唔少係粗口横飛，如果聽唔慣都幾難頂架！
continue reading
在澳門尋找平民美食，最方便就腳而且一定有足夠選擇的，不得不說那位於新馬路市中心區內的《營地街市》。好多人都知道，《營地街市》最出名的就是瓦煲咖啡，不過，近些年因為太多人冒名前來，令到出品多而參差了，而且，整個街市熟食中心，也因為電視節目的推介而成為了遊客的飲食熱點，澳門本土的人情味仍有，但已經不及7、8年前的《營地街市》了。是日，下榻酒店後一家人出去尋食，由於有班小朋友的關係，而葡京酒店內的茶餐廳亦被整頓了，所以，以平民美食為目標的我們，就走到來《營地街市》，簡單食大排檔。選擇多的，但奈何地，兩位 ABC 小朋友一定要吃飯粉麵，而且我同外父想吃的火鍋又沽清了，所以，我們只好來一人一碟炒粉麵，就光顧了這一檔《平記美食》。中午1點半左右的時間，全場滿座，好不容易才等到有人讓出一張長檯，在《營地街市》的這一面，對著排檔用餐，風味比坐在另一邊的大堂位更加之有風味。飯，是一個粟米肉片飯，我手快才能夠拍到這一張照片，因為三個肚餓的小朋友已經匙羹筷子齊起，雖然好明顯是粟米湯飯，但味道十分之香甜，牛肉片亦非常之滑，小小的一碟飯，充滿了街坊食品的好味道。粉，要了一碟除新加坡之外都老少咸宜的干炒牛河，單是豉油的顏色已令人感覺到艾味。極濃極香的豉汁味道，均勻地粘上河粉的每一處，再加上鑊氣十足，沒有過多的油份殘留，再加上豉味十足，很惹味。麵，我選擇了豬什炒麵，我亦選了脆卜卜的炸麵底。出來的麵，香脆可口，豬什的確是集合了所有的豬內臟，入口充滿了美味的羶香，美中有不足的，就是汁不夠多，令我全程都是吃脆麵。簡單的街市炒兩炒，充滿了澳門的地道人情，而《營地街市》雖已經遊客化，但其內心依然是為了澳門的本地人而設，為本地澳門人同知路者的遊客，方便就腳地帶來澳門的本土飲食文化。
continue reading
原先想食楊六記，不過太大雨，都係唔行，走左入街市搵食，都係食返上次食過既梓記，水準依然唔錯，不過見周圍都有人食煲仔飯，又試下平記呢檔既煲仔飯。要個雞飯，即叫即整，要等十分鐘先有得食，用gas爐，唔係用咩炭爐整。雞嫩滑肉香，很不錯，唔知係咪唔係瓦煲關係，飯香唔係太強勁，不過個底既飯焦就做得好唔錯，喜歡食飯焦既應該都滿意。廿五蚊，一個碟頭飯都要咁上下，唔貴。想講，只係唔夠飯香。
continue reading
落山後，我們便到營地街市，睇下有沒得食出哂名的牛什。途中經過牙婆井前地。不過上次已經去過大三巴，所以冇打算去。去到營地街市，發現出哂名的梓記牛什，呀ＳＯ介紹個間已經不再賣牛什，轉淨賣車仔麵。我們在平記美食叫了一個牛河和炒飯，味道價錢也不錯，只是＄２２一碟。鑊氣十足,條條河粉都有色，芽菜去根。。不過營地街市耍等好耐位，俾你等到都沒有人執枱。其實食物水準一般茶餐廳都有，又唔係平過人，應該冇下次了。蔡生都話正既牛河,其實不是太特別
continue reading
You may be interested in