心意餐廳 (Closed)

拍拖紀念日男友訂咗心意餐廳吃飯, 一入去餐廳, 侍應已經好有禮貌咁帶我哋入坐, 之後又好細心咁介紹餐牌, 果陣其實已經有好多枱客, 我又問咗好多嘢, 佢哋都冇話覺得煩(真係要讚), 之後我哋叫咗一個燒春雞餐, 一個羊柳海虎蝦餐, 餐湯好好味, 最值得提既係餐包, 我哋有兩款唔同既面包, 一個係有紅色既粒粒係入面, 一個有葵花子係入面, 兩個都好好食, 上枱時係熱辣辣既, 唔加牛油都好好食(又要讚一讚), 燒春雞同羊柳虎蝦未上枱已經聞到香味(又要讚), 羊柳好嫩唔鞋, 虎蝦我覺得唔夠大隻, 不過好好味, 唔會太熟啱啱好, 燒春雞就係一大驚喜, 雞皮唔油好香脆, 雞肉一啲都唔鞋, 加埋個汁好好味, 甜品係tiramisu, 酒味唔會好濃啱曬我, 侍應介紹我哋可以轉甜品, 我哋轉咗個Souffle, 蛋白味好香又唔會太甜, 依家個個都咁注重健康, 佢哋既甜品好味得嚟唔會太甜真係好嘞(又讚一讚). 咁有心為人客健康著想又真材實料既餐廳, 一向唔寫食評既我都要乎動下筆嘞...呀! 應該係撳下掣至啱...haha!