Read full review
2009-03-02
5 views
曾多次幫襯,但坦白講,真的一次比一次差!若不是因為同行的媽媽愛熟食,呢度算多選擇,今次都唔會再揀呢度!但今次應該係最後一次喇!頭盤:算是所有供應食品裡面做得最好,只是無蠔(過往未試過o係呢度食到過)、翡翠螺(以往次次幫襯都有,但今次無),凍蝦、蟹腳、青口、凍肉、煙三文魚、沙律菜樣樣都非常有質素。魚生、壽司:還不錯,整晚有供應。湯:成晚無換過,7點去到o個盤湯,到9點半走都仲係佢。熱葷:食物味道不差的,咖哩雞、羊扒、胡椒蝦等味道不錯,但款式全晚幾乎無變過(除菜)。而特別想講:煎大蝦煎到乾爭爭,梗係啦!一早煎好跟住就都放o係個鐵板上,有人要就煎多兩煎放上碟,唔乾就奇,浪費d蝦!點心好明顯係交貨點心,質素同超市買o既叮叮點心有得揮,試問點解仲要擺上食物檯?甜品:以前最好係雪糕,因為有da dolce同埋haagen daz,一杯杯,唔洗自己刮刮刮,乾淨衛生,但已成絕唱!宜家要自己"畢",要食人地口水(d人最鍾意一路刮一路講o野),見到已經唔想食。其他蛋糕、布甸等等,更不堪一提,因為只係7點去到時見過D檯係擺滿甜品,食過主菜後(約8點左右)出去已經所餘無幾,大部份位置都係「吉」o既,而且狀
頭盤:算是所有供應食品裡面做得最好,只是無蠔(過往未試過o係呢度食到過)、翡翠螺(以往次次幫襯都有,但今次無),凍蝦、蟹腳、青口、凍肉、煙三文魚、沙律菜樣樣都非常有質素。
魚生、壽司:還不錯,整晚有供應。
湯:成晚無換過,7點去到o個盤湯,到9點半走都仲係佢。
熱葷:食物味道不差的,咖哩雞、羊扒、胡椒蝦等味道不錯,但款式全晚幾乎無變過(除菜)。而特別想講:煎大蝦煎到乾爭爭,梗係啦!一早煎好跟住就都放o係個鐵板上,有人要就煎多兩煎放上碟,唔乾就奇,浪費d蝦!點心好明顯係交貨點心,質素同超市買o既叮叮點心有得揮,試問點解仲要擺上食物檯?
甜品:以前最好係雪糕,因為有da dolce同埋haagen daz,一杯杯,唔洗自己刮刮刮,乾淨衛生,但已成絕唱!宜家要自己"畢",要食人地口水(d人最鍾意一路刮一路講o野),見到已經唔想食。其他蛋糕、布甸等等,更不堪一提,因為只係7點去到時見過D檯係擺滿甜品,食過主菜後(約8點左右)出去已經所餘無幾,大部份位置都係「吉」o既,而且狀況一直保持到9點半離開,相信第一round出過之後都無再補給過!曇花一現!
星期日晚光顧有約3成吉檯,是因為食物質素差所以少人去,定係少人幫襯先將貨就價呢?唉... 真係想知!
Post