Olive Cafe (Closed)

在大埔區工作，比起在中環，金鐘，lunch搵食實在好好多，起碼吾會人山人海，價錢又有平有貴。想食平Ｄ，可以去茶餐廳、街市、魚旦粉或雲南米線；中等價錢有日本、韓國、酒樓、上海菜、西餐；稍為高貴，可以去大尾篤。選擇多的是。今日介紹就係價錢中等既西餐廳－Olive Cafe。Set Lunch 包括餐湯／沙律&餐包(需另加$10) ＋ 主菜＋飲品餐湯係Tomato Cream，因為揀左沙律所以吾知好冇飲。沙律係雜菜沙律，Ｄ菜好新鮮。最好味係個餐包，吾係普通茶餐廳果款，係蕃茄軟法包，又熱又脆，超正！好想食多個。意式風乾火腿煎小牛肉　HK$83小牛肉好淋，好juicy，再配上一塊Parma Ham，味道都幾Match！露絲瑪莉燒春雞 HK$70有半隻春雞份量，雞脾位好滑，雞胸有少許實，但都ＯＫＡＹ。最喜歡配薯菜，吾係一般薯條，係炸薯角。好好味！早前都試過佢個招牌漢堡，味道都ＯＫ，不過比較乾。如果喜歡COFFEE，一定要試，佢地係用著名意大利咖啡-Lavazza，好香濃。五個人會更加扺，因為午市有買五送一。價錢吾貴，食物質素ＯＫ，又坐得舒服。的確係LUNCH鬆一鬆既好地方！