牛涮鍋 (Closed)

係家樂坊經過牛涮鍋，朋友話呢間都唔錯，於是二話不說就決定食呢間竟然可以揀鴦鴛湯底，實在太好啦 兩個人一人揀個自己鍾意既，唔洗就大家！番茄濃湯真係好濃另外個清湯我冇試過；牛肉太瘦，應該揀貴D既肉，會靚好多掛；豚肉、雞肉都唔錯；其他配料都係自助既，菜呀、丸呀都好新鮮；飲品除左汽水，仲有果汁斟，我諗我飲左兩三杯橙汁；甜品方面有泡芙 (雲呢拿、朱古力味)，好好味！不過食左兩粒好''林''既，唔知係咪擺得太耐90分鐘過得真係快，侍應叫我地交枱，仲話我地可以拎杯雪糕出去食，於是我地一人唧左杯軟雪糕走雪糕好軟滑、香濃