Read full review
2015-12-29
1351 views
話說近排迷上了日劇，見到日劇中的廚師都會挑選最好的食材炮制美食，即刻好想去食餐日本野，奈何近排吃得太多放題，又唔想再食刺生之類，又見咁耐無黎過，同姊妹敍下舊食番餐好野，我地就揀左位於旺角既le grand pokka食下日式西餐。記得第一次食就係舊公司食lunch時去食，最記得係杯UCC咖啡，又香又滑，超好飲！之後又食過一次grill，都係lunch time去食，記得果次都幾滿足，因為塊牛扒真係超好食，價錢又唔貴！所以今次黎Le Grand我都會抱好大期望。不過睇完個menu就知今晚餐飯應該唔會令我失望既！因為齋睇都已經流口水啦！ 我地揀左以下野食:1/ 雞肉黑葡萄Jar 沙律2/ 黑松露香油炒蛋腸仔3/ 鮮蟹肉蕃茄意粉4/ 藍莓雪糕waffle5/ 等一個人咖啡前兩個星期先係某個event中玩左salad in a jar，估唔到原來呢度都咁潮！話說salad in a jar係以方便行先，所以係OL界好盛行，但係餐廳食又係另外一番新既體會。上菜時個碟上係會有一罐醬同一jar沙律，跟住你就可以拎開圾墊係玻璃瓶底既紙，直接將jar裡面既沙律倒落個碟度，然後加入適量的醬汁。沙律入面除左
記得第一次食就係舊公司食lunch時去食，最記得係杯UCC咖啡，又香又滑，超好飲！之後又食過一次grill，都係lunch time去食，記得果次都幾滿足，因為塊牛扒真係超好食，價錢又唔貴！所以今次黎Le Grand我都會抱好大期望。
不過睇完個menu就知今晚餐飯應該唔會令我失望既！因為齋睇都已經流口水啦！ 我地揀左以下野食:
1/ 雞肉黑葡萄Jar 沙律
2/ 黑松露香油炒蛋腸仔
3/ 鮮蟹肉蕃茄意粉
4/ 藍莓雪糕waffle
5/ 等一個人咖啡
前兩個星期先係某個event中玩左salad in a jar，估唔到原來呢度都咁潮！話說salad in a jar係以方便行先，所以係OL界好盛行，但係餐廳食又係另外一番新既體會。上菜時個碟上係會有一罐醬同一jar沙律，跟住你就可以拎開圾墊係玻璃瓶底既紙，直接將jar裡面既沙律倒落個碟度，然後加入適量的醬汁。沙律入面除左有雞肉、黑葡萄之外，仲有olive、粟米、西蘭花、車厘茄等等，全部都係我最中意架！日式麻醬又甜又香，每樣材料都凍凍地，但又不會超級凍，最怕食完沙律全身凍冰冰，咩都唔想食，所以呢個作為前菜實在太好，成個人開胃哂，準備食下一個喇！
自all day breakfast 愈來愈普遍後，如果見到有得點既話我都會點一個試下，事關我超中意食蛋同腸仔，而今次加埋黑松露，價錢又唔貴，即刻覺得應該要試！一入口，蛋香滑，食落有少少酒的香味，應該係因為黑松露既關係喇！試一下塊包，勁香脆，我就中意加少少蛋係上面一齊食，食落既滑又脆兩種口感，超正！雖然薯仔係配菜，但一啲都唔馬虎，食落有少少煙燻味，少少咸，very nice!
本人就麻麻地蕃茄，但朋友就係蕃茄超級fans! 所以呢度餸就係佢超級推介，話係由日本米芝蓮既廚師設計，又話唔酸等等，見佢咁落力宣傳，就試一啖啦。咦，又真係幾好食喎，意粉不會煮到淋之之，意粉上有茄肉同蟹肉，少少汁。食一啖完全係食到超濃烈既蟹肉既鮮甜味！我諗呢度菜完全改變左我對蕃茄意粉既睇法。
Yeah! 甜品我地點waffle! Waffle 又香又脆，配埋雪糕，簡直係perfect 池！waffle邊有少少藍莓醬，好彩唔太甜，加埋一齊食又幾好！
最後就係期待已久既等一個人咖啡，之前知道佢地同等一個人咖啡呢套電影crossover，推出一系列電影出現過既咖啡，所以今次book位時特別預定要呢杯咖啡。咖啡入面有好多好多好多玫瑰花！係好多，並非只係幾塊係杯面咁簡單！飲落有玫瑰花香，果汁甜甜酸酸既味道，好得意！睇番個menu原來佢地下面加左果酸，所以有少少果汁酸甜味，估唔到咖啡+玫瑰花+果酸味道又幾夾喎！一路品嘗呢杯咁精緻既咖啡，一路同朋友gossip下，girls talk night咁就完結喇。
Post
