翠華餐廳 (Closed)

對於翠華我有特別嘅感覺，唔係因為佢係茶餐廳中嘅“”江湖地位”，而係因為我同我初戀男友第一次係出邊食嘢就是係呢°，每次來到都覺得懷念吖。所以方便嘅時候都過來食下嘢飲杯奶茶，咖喱牛腩飯，牛腩好多好大塊，咖喱係有d偏甜喇，牛腩好霖好入味，都覺得食過唔少咖喱牛腩，但係都卑唔倒翠華嘅牛腩咁入口即化，用咖喱汁撈飯仲好食！魚蛋湯用來配咖喱牛腩就啱曬喇，因為魚蛋湯真係好清淡吖，如果平時單食嘅話我肯定會覺得完全冇味嘅，但係真係幾鮮甜咯，魚蛋好有彈性。奶茶真係心頭好喇，熱到死人嘅天氣，飲番杯凍冰冰甜絲絲又滑滑地嘅奶茶真係一種享受吖！奶茶茶味好濃，唔習慣可以加d糖咯。都算唔錯嘅lunch喇！